مراجعة مواصفات وأسعار سخان أوليمبيك جونيور 45 لتر

olympic junior heater 45 liter

كتبت: أمنية عزمي

سخان أوليمبيك واحد من أفضل السخانات عند قاعدة كبيرة من المصريين، و دا لأن أوليمبيك بتعتبر من العلامات التجارية القديمة اللي أثبتت نفسها على مر السنين، بالإضافة إنها بتواكب دايما التطور في وسائل التكنولوجيا الحديثة، واحد من منتجات أوليمبيك هو سخان جونيور اللي بيتميز بالجودة العالية مع السعر المناسب ومن خواصه مقاومة الضغط العالي للأمان في الاستخدام، وبيعمل بتقنية الموجات الكهروكيميائية اللي بتحافظ على عمر السخان بشكل أكتر من العادي حتى مع الاستخدام العالي، ومزود بشاشة تعرف منها درجات الحرارة وتصميمه الخارجي أنيق ومن الداخل مصنع من مواد تحميه من الصدأ والتآكل علشان يحافظ على نقاء المية السخنة بداخله بشكل آمن.

تابعنا مع ياقوطة علشان تتعرف على أهم مواصفات ومميزات وعيوب سخان أوليمبيك جونيور 45 لتر وكمان رأي المستخدم فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري سخان أوليمبيك جونيور 45 لتر- أبيض من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • اسم الموديل: جونيور.
  • مصدر الطاقة: كهرباء.
  • السعة: 45 لتر.
  • صمام أمان: نعم.
  • العلامة التجارية: أوليمبيك إليكيتريك.
  • نوع سخان المياه: سخان مياه بخزان.

المميزات

  • غلاية المياه الكهربائية بتسخن 45 لتر مية في أي وقت وعنده القدرة على تحويل الماء البارد لساخن في وقت قصير أسرع من الأنواع الأخرى.
  • سعته 45 لتر، مناسب للعائلات الصغيرة والمستخدم بيقدر يحدد السعة اللي بيحتاجها حسب طبيعة استهلاكه.
  • مزود بصمام أمان الضغط في السخان بيمنع الحوادث الغير مرغوب فيها اثناء الاستحمام أو الاستخدام العالي للمية السخنة.
  • جسم مطلي بالميناء الداخلي للحماية من التآكل، الخزان الداخلي معالج بالإيناميلد ودي مادة مضادة للصدأ والتآكل علشان يحافظ عليه من الأملاح الموجودة في المياه.
  • الحلة الداخلية مصنعة من صاج معالج بمادة الجرين شيلد اللي بتحمي الحلة الداخلية من التآكل والصدأ.
  • بيتميز بعزل حراري قوي بطبقة عازلة بالكامل من الداخل علشان يضمن حفظ درجة حرارة الماء الساخن لفترات طويلة.
  • مزود بمؤشر رقمي خارجي (ترمومتر) على السخان بتعرف منه درجة حرارة المياه.
  • مزود بمؤشر ليد أسفل السخان بتعرف منه إذا كان السخان في وضع التشغيل أو الايقاف.
  • بيشتغل في ضغط المياه الضعيف، وبالتالي بيكون مناسب للأدوار المرتفعة.
  • لا يحتاج تجهيزات ويمكن إستخدامه وتركيبه في أي مكان بدون شروط معينة.
  • مميز بتصميمه الخارجي الانسيابي الرائع اللي بيتماشى مع أي ديكور وألوان.

العيوب

  • من أكتر الأجهزة اللي استهلاكها عالي في الكهرباء مهما كان بيوفر لأنه بيفضى على طول ولو حبيت تجيب سعة لترية أكبر هتستهلك كهرباء بشكل أكبر.
  • أحيانا الأمان بيتلف بسبب ضغط المية العالي وبيحتاج يتغير.
  • مفتاح الفصل التلقائي بيحتاج يتغير كل فترات كبيرة بسبب تعرضه للتلف.
  • سعته اللترية محددة ودي أكبر مشكلة في السخانات الكهرباء
  • بيحتاج وقت علشان يسخن، يعني لو ميته خلصت أو كان مش مفتوح لازم تستناه وقت كبير علشان يسخن كمية المية حسب سعته.
  • بيعتمد على الكهرباء بشكل بشكل أساسي، يعني لو ساكن في مكان الكهرباء فيه بتفصل كتير بيكون مشكلة.
  • بياخد مساحة كبيرة في الحمام أو المكان اللي بيتركب فيه.
  • بيحتاج لصيانة دورية مستمرة لأن تخزين المية داخلة بيعمل ترسبات أملاح وبيقلل كفاءة السخان.
  • عمره الافتراضي أقل من السخانات الغاز.

خدمة العملاء

  • الرقم المعتمد للخدمة 19999
  • مراكز الخدمة متوفرة في جميع المحافظات وبيوفروا فطع الغيار بالضمان.
  • مستوى الخدمة مش كويس وفي شكاوى منهم كتير.

تجربة المستخدم

  • رأي غالب إنه بيحتاج وقت طويل علشان يسخن، وحجمه يعتبر شخصي لا يتعدى الاستخدام الفردي أو لشخصين عالأكثر.
  • في آراء بتشكر فيه وبتقول إنه شغال كويس معاها وبقاله فترة كبيرة بس مشكلته انه بيخلص في الشتاء بسرعة نتيجة الاستهلاك العالي للمية السخنة.
  • ناس قالت إنه بعد فترة طويلة بيحصل تآكل في الخزان الداخلي وبيسرب مية.
  • في ناس قالت إن الثرموستات بيعلق بعد فترة والحرارة بتكسر المؤشر وتفتح الحنفية تلاقيها بتطلع بخار من كتر السخونية. 

شوف سخان أوليمبيك جونيور 45 لتر من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال         

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون كويس جدا.

Leave a Reply

Your email address will not be published. Required fields are marked *