مميزات وعيوب ريسيفر Drake 990 الجديد

كتبت: أمنية عزمي

DRAKE 990 جهاز ريسيفر جديد من الشركة العملاقة دريك، من مميزاته ان جودة الصورة فيه عالية بدقة Full HD 1080 بكسل وبالتالي بتحصل على صورة رائعة على شاشة تليفزيونك بشرط إن التليفزيون يكون بيدعم نفس الدقة أو أعلى، متعدد المداخل وسهل توصيله بأي شاشة أو يو إس بي واللي بيوفر إمكانية تسجيل أي محتوى من التلفزيون زمشاهدته في وقت تاني، سهل التركيب والقائمة سهلة في استخدامها، بيدعم الاتصال بالواي فاي بعني تقدر تستمتع بباقات قنوات الأفلام عن طريق الإنترنت، وحجمه صغير مش بياخد حيز من المكان.

هنتكلم في المراجعة دي مع ياقوطة عن ريسيفر DRAKE 990FHD  وهنتعرف على أهم مواصفاته مميزاته وكمان عيوبه ورأي المستخدم فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • اللون: أسود.
  • العلامة التجارية: دريك.
  • معرف المنتج الخارجي: 11111
  • الرقم المميز للسلعة: 2724825070250

المميزات

  • مزود بمعالج sun plus المعروف بسرعته العالية في التنقل بين القنوات والأقمار بحجم فلاشة 4 ميجا، رقم المعالج T 1506.
  • بيعرض القنوات بجودة FHD 1080 بكسل، ومشاهدة الأفلام والماتشات عليه بتكون دقة الصورة عالية بكل تفاصيلها بشرط يكون التلفزيون بنفس الدقة أو أعلى.
  • مميز بقائمة رائعة باللون الأزرق الجذاب المريح للعين.
  • مزود بسيرفر DQC AM المميز القوي ويعمل لمدة سنة من تارخ تفعيل الريسيفر.
  • بيدعم جميع أنواع الشفرات الحديثة تابيرج وغيرها وبيدعم الشيرنج المدفوع سيسكام ونيو كامد.
  • نظام IPTV بيغنيك عن تركيب طبق إستقبال وبتوصله بالإنترنت وتقدر تتابع كل القنوات العربية والعالمية بوضوح.
  • بيدعم كمان الاشتراك المدفوع IPTV اكستريم وجولد.
  • بيكمل المشهد بدعمه للصوت الدولبي القوي بنقاء عالي.
  • بيدعم الإنترنت من خلال فلاشة واي فاي وفلاشة 3G، وبيدعم اليوتيوب بجميع اللغات.
  • قدرة عالية على تخزين عدد ضخم من القنوات.
  • مزود بمدخلين USB عرض وتسجيل من خلالهم بتحدث السوفت وير وبتقدركمان تسجل أي برامج أو أفلام أو تشوف من عليهم أفلامك وأغانيك المفضلة من خلال الفلاش ميموري، مكانهم مميز في واجهة الريسيفر لسهولة الاستخدام.
  • بيحتوي على منفذ HDMI بتقدر توصله من خلاله بأي جهاز آخر.
  • سهل التوصيل بالإنترنت، و بيدعم اليوتيوب والطقس والتحديث الداخلي.
  • إمكانية تسجيل البرامج أو أي محتوى على فلاشة وعرضها في الوقت اللي يناسبك.
  • مزود بشاشة ديجيتال ذاتية الإضاءة أرقامها واضحة بحجم كبير.
  • فيه ميزة البحث الذاتي عن القنوات وكمان البحث اليدوي.
  • فيه إمكانية ترتيب القنوات في قائمة المفضلة ودا بيسهلك تجمع كل القنوات اللي بتحبها وتلاقيها في مكان واحد.
  • مميز بواجهة سهلة الاستخدام وسلس في تشغيله.
  • الجهاز بيقدم لغات عرض متعددة منها اللغة العربية.

العيوب

  • الجهاز لا يدعم دقة 4K ولا يدعم الأندرويد.
  • السوفت وير القديم بيتعرض لأعطال كتير طول الوقت.
  • بيسخن بعد فترة من الاستخدام.

تجربة المستخدم

  • الريسيفر جيد جدا خاصة إن الموديل ده حل مشكلة التهنيج اللي كانت بتحصل علي سيرفر الشيرنج المجاني ودلوقت بقى أسرع، صوته قوي والصورة دقتها عالية، أخدت وقت علشان أعرف اعمل التحديث وبعدها الجهاز بقى أسهل كتير وبدون مشاكل.

شوف ريسيفر DRAKE 990FHD من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *