مراجعة رمالة قهوة تركي كهربائية سولو nasosteel

رمالة قهوة تركي كهربائية سولو nasosteel

كتبت: أمنية عزمي

مع انتشار فكرة رمالة القهوة التركي في الفترة الأخيرة وإقبال عشاق القهوة على اقتنائها وكمان استخدام معظم الكافيهات ليها بحجم كبير، بقى فيه تنافس في السوق على أنواعها ومواصفاتها وأسعارها، من ضمن الأنواع دي رمالة nasosteel صناعة مصرية بمواصفات عالية جدا وهي علامة تجارية متخصصة في كل أدوات واحتياجات القهوة من غلايات وكنك ورمالات وغيرها، هنتكلم عن الحجم الصغير بيكفي كنكة واحدة وبينفع للاستخدام الشخصي في أي مكان، الرمالة مصنعة من الاستانلس ستيل النقي بلون نحاسي × أسود بتصميم أنيق، الرمالة الحجم الصغير بتفصل أتوماتيك لوحدها وبتقدر تستخدمها بالرمل أو من غيره عن طريق استخدام السخان بشكل مباشر، بتدي طعم القهوة الأصلي وسهلة الاستخدام.

تابعنا مع ياقوطة علشان تتعرف على أهم مواصفات ومميزات وكمان عيوب رمالة قهوة تركي كهربائية  سولو nasosteel ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

بنفكرك إنك ممكن تشتري رمالة قهوة تركي كهربائية  سولو nasosteel من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات الفنية

  • النوع: ماكينة تحضير القهوة التركية
  • العلامة التجارية: Nasosteel
  • خامة الصنع: ستانلس ستيل
  • مادة الشراب: مسحوق
  • القطر: 13 سم

المميزات

  • مصممة بحجم صغير يتناسب مع الاستخدام الشخصي ومش بتاخد مساحة بأبعاد وقياسات ما تحتاجش حيز كبير في المكان، تقدر تتنقل بها في أي مكان.
  • مصنعة من أرقى أنواع الاستانلس ستيل المطابق للمواصفات القياسية الغذائية مقاوم للصدأ ومش بيتغير وسهل التنظيف ومطلية ذهب 450.
  • الحجم الفردي سولو بتشتغل بالكهرباء بدون مفتاح للحرارة وبتفصل أتوماتيك.
  • بتسوي القهوة بطعم احترافي وبطريقة منظمة عن طريق تسخين الرمل من كل الاتجاهات وبتطلع بمذاق رائع وبدون أي حروق أو لسعات زي النار العادية.
  • الرمالة موفرة في الكهرباء لأن الرمل بيحتفظ بدرجة حرارته فترة طويلة وبالتالي بتستهلك كهرباء أقل سواء في إعادة التسخين أو بين التشغيل وإعادة التشغيل.
  • بتقدر تستخدمها كمان بدون رمل كسخان كهرباء سواء للقهوة أو لو حبيت تسخن إناء عادي، وبتقدر كمان تستخدمها في التسخين بالرمل لأي إناء حجمه مناسب لو في سفر ومفيش إمكانيات.
  • بييجي معاها كيس رمل هدية حسب المكان اللي بتشتريها منه، ويد خشب سهلة التركيب.
  • سهل تشتري الرمل الخاص بها من أماكن كتير وبيعيش معاك فترات طويلة.
  • بتسوي البن بشكل احترافي وطعم القهوة فيها مختلف.

العيوب

  • بتحتاج غالبا تشتري نوع معين من الرمل (رمل كوارتز) بيكون ليه مواصفات زي إنه بيكتسب الحرارة بسرعة وبيحتفظ بالحرارة لفترة طويلة.
  • استخدامها كتير بيسحب كهرباء.

تجربة المستخدم

  • الناس اللي بتحب القهوة بيقولوا إنها هايلة وبتطلع القهوة مختلفة ومستوية لكن بتاخد وقت طويل وبتحتاج تكون جنبها طول فترة التسخين.

شوف رمالة قهوة تركي كهربائية  سولو nasosteel من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *