مواصفات وأسعار ديب فريزر كريازي الأفقي سعة ٢١٧ لتر

مميزات وعيوب و سعر ديب فريزر كريازي الأفقي سعة ٢١٧ لتر

كتبت: أمنية عزمي   

لما تيجي تشتري ديب فريزر هتلاقي قدامك اختيارات وموديلات كتير في السوق، مبدئيًا لازم تحدد شوية عوامل اللي هتختار على أساسها علشان تقلص التفكير ويكون أسهل عليك في المقارنة، زي مثلًا حجم الديب فريزر أو سعته حسب عدد أفراد العيلة، وإذا كنت من الناس اللي بتحب تشتري حاجتها مرة كل فترة كبيرة وتخزنها ده برضه هيساعدك تحدد الحجم، وهل عندك فريزر تاني مساعد زي فريز التلاجة ولا لأ، وكمان المكان المتاح عندك ويستوعب حجم فريزر قد إيه، كل دي عوامل أساسية تحطها في بالك الأول وبعد كده تنتقل لمواصفات الفريزر واللي هتلاقي شرح متوفر عندنا لمعظم الماركات على مجلة ياقوطة علشان نقدر نساعدك في الإختيار.

في المراجعة دي هنقدملكم مواصفات ومميزات وعيوب ديب فريزر كريازي الأفقي سعة ٢١٧ لتر ولو عجبك وقررت تشتريه هتلاقي عندنا برضه أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك لحد عندك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

كود السلعة KI693HLAEO6JNAFAMZ
بلد المنشأ مصر.
اللون أبيض.
مدة الضمان ١٠ سنوات.
موديل E220
السعة ٢٢٠ لتر.
أبعاد المنتج عرض ٨١٠ × عمق ٦٧٠ × ارتفاع ٨٥٠.

المميزات

  • يعمل بخاصية نو فروست اللي بتدوب التلج ذاتيًا، وبالتالي بيوفر الوقت والمجهود في تنظيفه.
  • بيحتفظ بالأغذية طازجة لفترات طويلة.
  • سعته كبيرة حوالي ٢٢٠ لتر، وبتعتبر سعته أكبر من الديب فريزر الرأسي وكمان تقدر تشيل فيه أحجام مختلفة بدون التقيد بالمكان.
  • مزود بطبقة سميكة عازلة من ٦ :٨ سم ودي بتحافظ على درجات البرودة وبالتالي بتقلل من استهلاك الكهرباء.
  • كفاءته عالية جدًا في التبريد وبيقدر يحتفظ بالأطعمة لفترات طويلة.
  • جسم الفريزر مصنع من الصلب ودا بيخليه قوي ومتين وفي نفس الوقت ضد الصدأ.
  • سطحه من الداخل أملس وده بيخليه سهل التنظيف.
  • يعمل بضاغط Tropical hermetic وهو ضاغط استوائي محكم سعته -٢٣.٣ وات.
  • حجم الفريزر بيسمحلك تستغل الحائط حواليه أو تضعه في مكان فيه شباك مثلًا. لأن مساحته بتاخد من الأرضية أكتر من الحائط.
  • بيحتوي على سلة تقدر تحتفظ فيها بأطعمة خاصة أو ترتبه حسب رغبتك.
  • سعره أرخص من الفريزر الرأسي.

العيوب

  • مش منظم بأدراج وأرفف زي الفريزر الرأسي وبالتالي صعب في الوصول للأطعمة لأن كلها على بعضها من غير نظام. وده بيخليك كل ما تحتاج تجيب حاجة تاخد وقت علشان تدور عليها، وأحيانًا بتضطر تطلع كل الأغذية اللي في الفريزر علشان توصل لحاجة في القاع، وممكن تعرف إزاي تتغلب على المشكلة دي من هنا.
  • بياخد مساحة كبيرة على الأرض وبالتالي محتاج مكان واسع أو بيضيق المكان لو مش كبير.
  • خاصية النوفروست بتستهلك كهرباء أكتر من العادي لكن بتوفر وقت ومجهود كبير في تذويب التلج كل فترة.
  • مش مزود بإضاءة داخلية.

خدمة العملاء

  • خدمة محترمة واهتمام عالي بأي شكوى وضمان للمنتج ١٠ سنوات ودي فترة ضمان كبيرة تدل على ضمان متانة المنتج، قطع غيار أصليه بالضمان ومهندسين متخصصين وفنيين على مستوى عالي من الكفاءة وكمان عروض على أسعار الصيانة كل فترة وكمان كريازي بتقدملك أفكار تقدر تساعدك تعرف لو عندك مشكلة وحلها من خلال موقع كريازي الرسمي.

تجربة المستهلك

  • أكتر حاجة عجبتني فيه إنه مش بيعمل تلج نو فروست وده مريحني جدًا، وتبريده قوي جدًا ومساحته كبيرة بياخد حاجات كتير.

شوف ديب فريزر كريازي أفقي سعة ٢١٧ لتر E220 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

 أمنية عزمي، بكتب من 6 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرء كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول دايمًا أجرب أي جهاز بنفسي قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

One thought on “مواصفات وأسعار ديب فريزر كريازي الأفقي سعة ٢١٧ لتر”

  1. مصطفي says:

    لوسمحت انا عندي ديب فريزر كريازي افقي

Leave a Reply

Your email address will not be published. Required fields are marked *