مزايا وعيوب ديب فريزر ديجيتال ٥ أرفف من يونيون إير

مميزات وعيوب و سعر ديب فريزر ديجيتال ٥ أرفف من يونيون إير

كتبت: أمنية عزمي

الناس نوعيات، في منهم اللي بيحب يشتري احتياجاته من الأطعمة أول بأول وتاكل الخضار في الموسم بتاعه وخلاص، وفي منهم اللي مش بيحب فكرة التسوق وبيحب يجيب احتياجاته مرة كل فترة وتكفيه فترة كبيرة والنوعية دي غالبًا هي اللي بتحتاج تجيب ديب فريزر وفي الغالب بتكون عيلة كبيرة أكتر من شخصين علشان فريزر التلاجة مش بيكفيهم. وناس بتحب تخزن الخضار يبقى موجود عندها طول السنة مش بس في الموسم بتاعه، لما تحب تجيب ديب فريزر بتشوف محتاجة سعة قد إيه والمساحة اللي هتحطه فيها قد إيه ولو ديب فريزر رأسي مش بيحتاج مساحة كبيرة على الأرض بس بياخد مساحة طولية على الحائط.

تعالوا مع ياقوطة نقولكم أهم مواصفات ومميزات وعيوب ديب فريزر ديجيتال أسود ٥ أرفف من يونيون إير ولو لقيت فيه المواصفات اللي محتاجها تقدر تعرف من ياقوطة أحسن أسعاره وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • العلامة التجارية: يونيون إير.
  • اللون: أسود.
  • شاشة ديجيتال.
  • ٥ أدراج.

المميزات

  • لون أسود غاية في الأناقة والتميز وملمس خارجي خشن سهل التنضيف، ويضفي رونق للمكان بلونه المميز كقطعة ديكور تضيف للمكان.
  • مزود بـ ٥ أدراج من الداخل علشان يساعدك في عملية تنظيم حفظ الأطعمة وفصل كل نوع عن الآخر، وده بيسهل عليك إنك تلاقي اللي بتدور عليه.
  • الأدراج حجمها كبير وموحدة كلها في الحجم وده بيديك سعة أكبر في نوعه، لأن بعض الأنواع بيكون الدرج الأول والأخير تصميمهم حجمه صغير.
  • مزود بتقنية منع تكون الثلج وده بيسهل عليك كتير لأنه مش بتحتاج تسيحه وتنضفه من التلج كل فترة وبيوفر الوقت والمجهود.
  • خاصية التجميد السريع. الخاصية دي بتعمل على تبريد الأطعمة بسرعة وتجميدها في وقت قياسي ودرجة تجميده بتكون أعلى من فريزر التلاجة العادي بمراحل.
  • مزود بشاشة ديجيتال بتقدر تعرف منها درجة حرارة الجهاز.
  • الجسم الخارجي للديب فريزر مصنوع من مادة مضادة للصدأ.
  • مزود بمروحة تبريد داخلية بتعمل على توزيع الهواء في كل الاتجاهات علشان تساعد في وصول التبريد لكل أجزاؤه بقوة وبتتوقف لو فتحت الباب.
  • ملمسه الداخلي أملس وده بيساعد على تنضيفه بشكل أسهل.
  • فيه خاصية تعديل درجات الحرارة.
  • حجمه مش كبير بمعنى إنه مش بياخد مساحة أرضية لكن بياخد مساحة من شكل الحائط.

العيوب

  • خاصية إذابة التلج تلقائيًا استهلاكها للكهرباء عالي.
  • الأدراج بلاستيك مش شفاف وكان أفضل تكون شفافة علشان تبين اللي جواها من غير حاجة لفتح الدرج.
  • مفيهوش خاصية صانع الثلج.
  • مفيهوش لمبة داخلية تساعدك تشوف الأطعمة جواه.
  • لازم تكون مغلف الأطعمة بشكل جيد لأن التبريد عن طريق التهوية بيعمل لسعة في الأكل لو كانت ظاهرة من غير تغليف.

خدمة العملاء

  • خدمة عملاء شركة يونيون إير مش الأفضل خالص، وكتير من المستخدمين بيشتكوا منهم ومن مواعيدهم. كمان الفنيين مش الأفضل وسط باقي الشركات.

تجربة المستخدم

  • أختي عندها واحد زيه وحلو جدًا ومنظم بأدراجه ونوفروست وبياخد حاجات كتير قوي ومش بياخد مساحة في المكان.

احكيلنا عن تجربتك مع ديب فريزر يونيون إير في كومنت.

شوف ديب فريزر ديجيتال أسود ٥ أرفف من يونيون إير من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

 أمنية عزمي، بكتب من 6 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرء كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول دايمًا أجرب أي جهاز بنفسي قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

Leave a Reply

Your email address will not be published. Required fields are marked *