مميزات وعيوب ديب فريزر إلكتروستار أفقي ES320 سعة ٣٢٠ لتر

مميزات وعيوب ديب فريزر إلكتروستار أفقي ES320 سعة ٣٢٠ لتر

كتبت: أمنية عزمي 

عادةً لما نيجي نشتري أجهزة معمرة لازم نسأل ونعرف عنها كل حاجة لأننا بنهتم ما نغيرهاش بعد وقت قليل. علشان كده مهم تتعرف على مواصفات الجهاز اللي عايز تشتريه وتعرف مميزاته وعيوبه ورأي الناس اللي استخدمته فيه لأن طبيعي أي منتج يبقى ليه عيوب لكن في عيوب عادية وعيوب بتوقفنا عن التفكير في المنتج، ياقوطة دورها إنها تشرح المنتجات الموجودة وتوضح كل التفاصيل اللي محتاجين تعرفوها علشان تساعدك تاخد قرار سليم. 

في المراجعة دي مع ياقوطة هنتكلم عن ديب فريزر إلكتروستار أفقي ES320 سعة ٣٢٠ لتر وهنقول أهم مواصفاته ومميزاته وعيوبه وكمان تجربة المستخدم فيه علشان نساعدك تاخد قرار، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

الكود التعريفي للمنتج EL833HLAFHA5NAFAMZ
الموديل ES320
السعة اللترية ٣٢٠ لتر.
اللون أبيض.
فترة الضمان ٥ سنوات.

المميزات

  • حجمه كبير ٣٢٠ لتر، مناسب للعائلات الكبيرة والمحلات أو المطاعم.
  • في فترة أمان بتصل لـ ٦ ساعات لو انفصلت عنه الكهرباء، يعني بيحتفظ بالمأكولات مجمدة لفترة أمان طويلة.
  • متعدد الاستخدامات، موتوره قوي وبيديك تبريد سريع لأقصى درجة تجميد وتقدر تتحكم في درجة حراته.
  • تبريده القوي بيخلي الأغذية المحفوظة داخله طازة باستمرار.
  • مش بتتقيد بمساحة محددة فيه وتقدر تشيل فيه أي أحجام ودي ميزة في الديب فريزر الأفقي.
  • مزود بنظام إضاءة داخلية بتنور الفريزر من الداخل بالكامل علشان توضحلك الرؤية بسهولة لما تفتحه.
  • مصنع ومدهون بنظام طلاء استاتيكي مقاوم للصدأ.
  • فيه طبقة عازلة قوية علشان يحتفظ بالبرودة الداخلية بدون تسريب وبالتالي بيوفر في الكهرباء.
  • مزود بشاشة خارجية تقدر تعرف منها درجات الحرارة وتظبطه على الدرجة المطلوبة.
  • فيه سلة داخلية تقدر تحتفظ فيها بالأطعمة اللي بيكثر استخدامها علشان تكون قريبة منك.
  • بيتحمل الأجواء الحارة.
  • بيساعدك في توفير الكهرباء لأنه مش بيدوب التلج آليا.
  • مش بياخد حيز رأسي من المكان وبالتالي تقدر تحطه تحت شباك أو تستغل الحائط اللي فوقه بالشكل اللي تحبه.
  • السطح الداخلي فيه أملس وبالتالي بيكون سهل التنظيف.
  • سعره أقل كتير من الفريزر الرأسي.

العيوب

  • مش بيسح التلج بشكل آلي وبتضطر تفصله كل فترة وتسيحه بنفسك، بيوفر في الكهرباء لكن بياخد مجهود ووقت.
  • بتواجه صعوبة في الوصول للأطعمة المحفوظة في قاع الديب فريزر لأنه مش منظم بأدراج أو أرفف.

فيه ناس اتغلبت على مشكلة عدم تنظيمه بأنها جابت أدراج أو سبت بلاستيك ونظمته وده فيديو بيشرح إزاي نفذوا ده .

خدمة العملاء

  • رقم الخط الساخن للخدمة ١٦٥٠٥
  • في شكاوى كتير من العملاء إن مفيش اهتمام من الشركة وان التصليح عندهم دون المستوى ومفيش أمانة في التعامل ولا التصليح واستجابتهم للعميل بطيئة جدا للأسف، وان الأجهزة بتروح بمشكلة وترجع بمشاكل تانية بسبب سوء الفنيين وعدم اهتمام الشركة.

تجربة المستخدم

  • أنا اشتريت النوع ده وصوته عالي من أول ما اشتغل وكلمت الصيانة قالولي إنه هيروح مع الوقت، وعدى عليه أسبوعين وبنفس الصوت وندمت إني جبته.
  • بقاله فترة عندي وتبريده كويس ومعنديش مشاكل معاه.

شوف ديب فريزر إلكترو ستار الأفقي ES320 سعة ٣٢٠ لتر من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

 أمنية عزمي، بكتب من 6 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرء كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول دايمًا أجرب أي جهاز بنفسي قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

2 thoughts on “مميزات وعيوب ديب فريزر إلكتروستار أفقي ES320 سعة ٣٢٠ لتر”

  1. احمد زايد says:

    السلام عليكم ورحمه الله وبركاته
    لو سمحت انا عندي الديب فريز بيعمل ثلج على الداير بتاع الباب والنوع اللي عندي افقي ولازم كل مده افصل الجهاز علشان الثلج يسيح وانا مظبط التبريد علي الدرجه الثانيه وهو ٧ مراحل تبريد يعني انا مش مزود درجه التبريد بتاعته وبلاقي ثلج على الداير بتاع الباب وصعوبة في فتح الباب والموضوع ده عامل مشكلة ارجو المساعده والرد

    1. Mohamed Abdelrahman says:

      الموديلات الدي فروست، والعادية بتعمل تلحج يا افندم وده طبيعي جدًا

Leave a Reply

Your email address will not be published. Required fields are marked *