مراجعة ثلاجة إيديال جامبو- ديفروست- 10 قدم- باب واحد

كتبت: أمنيـة عزمي

ثلاجة إيديال غنية عن التعريف لأنها من قديم الأزل كانت تقريبا في كل بيت مصري، اختارنا نتكلم عن الثلاجة إيديال ال 10 قدم اللي رغم صغر حجمها فهي بتتميز بمساحة ضخمة من الداخل وسعتها اللترية تصل ل320 لتر، تصميمها الخارجي بيتميز بالبساطة، ومصممة بباب واحد خارجي وباب تاني داخلي للفريزر، الجسم الخارجي معالج ضد الصدأ ومزود بطبقات عزل متعددة علشان تحافظ على التبريد بشكل عالي ودا بيخليها تحتفظ بالأطعمة فريش لأطول فترة ممكنة وكمان بتحافظ عالمحتوى الداخلي بارد في حالة إنقطاع التيار الكهربائي لمدة 6 ساعات، وأهم ميزة فيها إن قطع غيارها متوفرة في كل مكان وبأسعار معقولة جدا.

هنتعرف مع ياقوطة علشان تتعرف على أهم مواصفات ومزايا وعيوب ثلاجة إيديال جامبو- ديفروست- 10 قدم- باب واحد وتتعرف كمان على رأي المستخدم فيها وخدمة ما لعد البيع، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

بنفكرك إنك ممكن تشتري ثلاجة إيديال جامبو- ديفروست- 10 قدم- باب واحد من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • حجم التلاجة: 10 قدم.
  • السعة الداخلية: 320 لتر.
  • النمط: ثلاجة بباب واحد.
  • المادة: معدن.
  • رقم الموديل: D320DWH005
  • الكود التعريفي للمنتج: ID154HL0CU5AINAFAMZ
  • العلامة التجارية: إيديال.
  • اللون: أبيض.
  • فترة الضمان: 3 سنوات.
  • بلد المنشأ: مصر.

المميزات

  • تصميم خارجي أنيق يتميز بالبساطة في المظهر من خلال باب واحد خارجي وباب داخلي للفريزر بشكل منفصل.
  • ثلاجة وفريزر رأسي بحجم 10 قدم، بتتميز بمساحة تخزين داخلية كبيرة 320 لتر بتوزيع رائع هتحل معاها مشكلة تخزين مشترياتك الأسبوعية بكل سلاسة.
  • مصممة بعدة طبقات خارجية عازلة للحرارة علشان تقدر تحتفظ بالحرارة الداخلية للتلاجة طول الوقت وتعزلها عن الرطوبة.
  • الثلاجة من الداخل منظمة بعدد 3 أرفف سلكية بتساعد على إنتشار الهواء البارد في كل أنحاء الثلاجة وقوية وبتتحمل الأوزان.
  • بتقدر تتحكم في مستوى الأرفف حسب الأحجام اللي عندك، يعني ممكن توسع المسافات أو تضيقها بين الأرفف.
  • بتحتوي على درج كبير للخضار والفواكه مساحته كويسة، بالإضافة لأربع أرفف في باب الثلاجة للاستخدامات المختلفة.
  • بتحتوي على فريزر ديفروست مسطح ولا يحتوي على أي ثقوب أو تجاويف ومساحة الفريزر مناسبة للأشخاص اللي بيحبوا يتسوقوا كل فترة ضمن الميزانية.
  • مميزة بنظام تبريد قوي بيصل لكل أنحاء التلاجة علشان تحافظ عالأطعمة طازة طول الوقت.
  • بتقدر تحتفظ بالأطعمة مجمدة في حالة إنقطاع التيار الكهربائي لفترة تصل ل 6 ساعات.
  • الثلاجة مطلية من الداخل بطبقتين إلكتروستاتيك عازلة ضد الصدأ والرطوبة.
  • نزودة بإضاءة داخلية بيوفر مستوى عالي من الرؤيا داخل الثلاجة.
  • قطع غيارها متوفرة وأسعارها مناسبة جدا وكمان بيدوا ضمان على قطع الغيار.
  • موفرة في الطاقة، إستهلاكها للطاقة معقول وأقل بكتير من التلاجات النوفروست.
  • عليها ضمان 3 سنوات.

العيوب

  • خاصية الديفروست مش بتدوب التلج أتوماتيك وبالتالي لما التلج بيتكون بياخد من مساحة الفريزر وبتضطر تفصلها كل فترة وتسيحها وتنضفها بشكل يدوي ودا بيختاج وقت ومجهود.
  • فكرة الباب الداخلي للفريزر بيستهلك برودة الثلاجة في كل مرة تفتح فيها الفريزر، وكمان تصميم فتح الباب مش مريح.
  • الثلاجة بتتأثر في فصل الصيف وصوتها بيعلى.
  • أحيانا غاز الفريون بيكون فيه مشكلة وبيسرب كل فترة ودا بيأثر على تبريد الأكل وفساده.
  • مستوى خدمة الصيانة غير جيد، وفترة الضمان 3 سنوات قليلة عالثلاجات.

خدمة العملاء

  • رقم الصيانة: 01027965653
  • عليها ضمان شامل لمدة 3 سنوات وقطع غيارها متوفرة بالضمان.
  • مراكز الصيانة متوفرة بكل أنحاء الجمهورية.
  • فيه شكاوى كتير من العملاء عن مستوى الخدمة والتباطؤ في الاستجابة.

آراء المستخدمين

  • في ناس بتشكر فيها ةبتقول انها عندها من زمان وكويسة لكن بتحتاج تتسيح كل فترة لان التلج بياخد مساحة كبيرة من الفريزر، وفي واحدة قالت انها واجهت معاها مشكلة حصلت فجأة إن الموتور اتحرق بدون أي أسباب وكان بقالها 18 شهر وقالوا إن الضمان عالموتور سنة واحدة فقط وطلبوا منها تدفع تمن الموتور اللي قريب من تمن التلاجة أصلا.

شوف ثلاجة إيديال جامبو- ديفروست- 10 قدم- باب واحد من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *