كتبت: أمنيـة عزمي

إلكتروستار من الماركات المميزة في تصنيع أجهزتها بشكل عام ومشهورة جدا بالثلاجات والديب فريزر بشكل خاص، وبتعتبر من الاختيارات الأولى لقاعدة عريضة من الناس في مجال الثلاجات لأنها بتوفر موديلات بسعر مناسب جدا ومواصفات متنوعة ترضي أذواق الجميع،  بالإضافة إنها بتهتم بالمساحات الداخلية وتكنولوجيا التبريد وصديقة للبيئة، ومصممة بطبقات عزل متعددة علشان تحافظ على التبريد بشكل عالي وده بيخليها تحتفظ بالأطعمة باردة في حالة إنقطاع التيار الكهربائي لمدة 6 ساعات، وأهم ميزة فيها إن قطع غيارها متوفرة في كل مكان وبأسعار معقولة جدا.

هنتكلم مع ياقوطة في المراجعة دي عن ثلاجة إلكتروستار 11 قدم- باب واحد وهنوضح أهم مواصفاتها ومميزاتها وعيوبها ونتعرف على رأي المستخدم فيها علشان تقدر تكون عنها فكرة كاملة، ولو عجبتك وقررت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

بنفكرك إنك ممكن تشتري ثلاجة إلكتروستار 315- 11 قدم- باب واحد- فضي من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• حجم التلاجة: 11 قدم.
• السعة الداخلية: 315 لتر.
• أبعاد المنتج (الارتفاع× العرض× العمق): 1735× 620× 632 مم.
• النمط: ثلاجة بباب واحد.
• المادة: معدن.
• رقم الموديل: One door 315
• العلامة التجارية: إلكتروستار.

المميزات

• ثلاجة وفريزر رأسي 11 قدم، ومساحة تخزين داخلية كبيرة 315 لتر بتوزيع رائع وحجم مناسب لكل المساحات وشكلها أنيق جدا.
• الثلاجة من الداخل منظمة بعدد 3 أرفف سلكية بتساعد على إنتشار الهواء البارد في كل أنحاء الثلاجة وقوية وبتتحمل الأوزان.
• بتقدر تتحكم في مستوى الأرفف حسب الأحجام اللي عندك، يعني ممكن توسع المسافات أو تضيقها بين الأرفف.
• بتحتوي على درجين للخضار مساحتهم كويسة وكمان تقسيم الدرجين أفضل من الدرج الواحد في التحمل، بالإضافة لأربع أرفف في باب الثلاجة للاستخدامات المختلفة.
• بتحتوي على فريزر ديفروست مسطح ولا يحتوي على أي ثقوب أو تجاويف ومساحة الفريزر مناسبة للأشخاص اللي بيحبوا يتسوقوا كل فترة ضمن الميزانية.
• مميزة بنظام تبريد قوي بيصل لكل أنحاء التلاجة علشان تحافظ عالأطعمة طازة طول الوقت.
• مصممة بعدة طبقات خارجية عازلة للحرارة علشان تقدر تحتفظ بالحرارة الداخلية للتلاجة طول الوقت وتعزلها عن الرطوبة.
• مميزة بالقدرة على التحكم التام في درجة التبريد وبتقدر تتحكم في درجات التبريد في التلاجة والفريزر كل واحدة لوحدها، وتقدر تصل بدرجة تبريد الفريزر لصفر.
• بتقدر تحتفظ بالأطعمة مجمدة في حالة إنقطاع التيار الكهربائي لفترة تصل ل 6 ساعات.
• الثلاجة مطلية من الداخل بطبقتين إلكتروستاتيك عازلة ضد الصدأ والرطوبة.
• قطع غيارها متوفرة وأسعارها مناسبة جدا وكمان بيدوا ضمان على قطع الغيار.
• موفرة في الطاقة، إستهلاكها للطاقة معقول وأقل بكتير من التلاجات النوفروست.
• عليها ضمان 5 سنوات.

العيوب

• خاصية الديفروست مش بتدوب التلج أتوماتيك وبالتالي لما التلج بيتكون بياخد من مساحة الفريزر وبتضطر تفصلها كل فترة وتسيحها وتنضفها بشكل يدوي وده بيختاج وقت ومجهود.
• تبريد الثلاجة مش قوي ودا بيحصل بسبب إنها بتسرب غاز الفريون.
• عدم إنتظام درجة الحرارة المطلوبة بشكل مستمر بيأثر على جودة الطعام.
• في أغلب الأوقات بتحتاج إن صيانتها تتم في مركز الصيانة وبالتالي بتكون عرضة للخبطات وقت النقل.

خدمة العملاء

• الرقم الساخن للصيانة 16505.
• عليها ضمان شامل لمدة 5 سنوات وقطع غيارها متوفرة بالضمان.
• مراكز الصيانة متوفرة بكل أنحاء الجمهورية.
• فيه شكاوى كتير من العملاء عن مستوى الخدمة ومستوى فنيين الصيانة وان الأجهزة مش بتتصلح وبترجع لنفس عيبها تاني ومستوى الخدمة سيئ للأسف.

آراء المستخدمين

• معظم الآراء بتقول إنها بتشتغل أول سنة وكويس وبعدين الموتور بيبدأ صوته يعلى وتسخن من جوانب التلاجة، وفي ناس اشتكت إن الموتور باظ والصيانة غيرته وشحنت الفريون وباظ تاني بعد شهرين والصيانة قالت إن الضمان على الموتور شهرين فقط لا غير وانه هيتغير على حساب العميل.
• في ناس قالت إنها بتيجي بعيوب صناعة زي إن الكاوتش اللي في باب التلاجة اتخلع منها وهي لسه جديدة والتعامل مع الصيانة كان سيئ وبيتأخروا في مواعيدهم جدا وده بيأثر على الأكل المتخزن في التلاجة.

شوف ثلاجة إلكتروستار 315– 11 قدم- باب واحد  من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.