مراجعة تورنيدو سخان كهربائي ٤٥ لتر

مميزات وعيوب و احدث اسعار تورنيدو سخان كهربائي ٤٥ لتر

كتبت: يارا الحميلي

سخانات المياه واحدة من أكتر الأجهزة اللي خطوة شراها بتحتاج تفكير كتير، وده لإنه من السلع المعمرة اللي بتعيش مدة طويلة في البيت أو المكتب. وتعدد وتنوع الأنواع والموديلات الموجودة في السوق على قد ما هو شيء كويس فهو شيء محير، وكتير من الناس بتفضل السخان الغاز وفيه نسبة كبيرة كمان بتفضل سخانات المياه الكهربائية.

هنتكلم النهارده عن سخان تورنيدو الكهرباء ٤٥ لتر، وهنتعرف أكتر على مواصفاته ومميزاته وعيوبه، ولو عجبك وعاوز تشتريه من خلال  ياقوطة ممكن تعرف أحسن الأسعار ليه وتقارن بينهم وتقدر تطلبه كمان ويوصل عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

النوع تورنيدو.
مصدر الطاقة كهرباء.
اللون أوف وايت.
السعة ٤٥ لتر.
الأبعاد (العرض × العمق × الارتفاع) ٤٢٠ مم × ٤٢٠ مم × ٥٤٨ مم.
الوزن ٩ كيلو.
نوع الحلة الداخلية ستانلس ستيل.

المميزات

  • فيه شاشة ديجيتال بتساعدك إنك دايمًا تعرف درجة حرارة المياه.
  • بييجي فيه ٢ ثرموستات لضبط درجة الحرارة.
  • وكمان بييجي معاه مؤشر LED مخصص لدرجة حرارة المياه.
  • الأجزاء الخارجية بتتميز بأنها معالجة ضد ترسب الأملاح عليها، وده بيطول في عمر السخان.
  • شكله الأسطواني بيديه الحجم الأمثل من جوة في التخزين، وبيقلل من ترسيب المياه في الأركان وبيخلي نظام التخزين بتاعه مناسب. وكمان بيخلي الخزان يقدر يحفظ درجة الحرارة.
  • السخان ده بيعتبر موفر للطاقة بسبب استهلاكه القليل اللي بيخليه يوفر كتير على المدى البعيد
  • شكله وتصميمه حلو وكمان لونه.
  • كون إنه متغطي بالكامل بطبقة ستانلس ستيل ده بيخليه يقاوم الصدأ.
  • ضمان ١٠ سنوات.
  • أداؤه كويس جدًا وبيعيش لسنين.
  • بيوفر الأمان التام.
  • الضوء الأحمر بييوضحلك إن السخان لسه بيسخن، والأخضر بيبين إن درجة الحرارة وصلت خلاص للدرجة المطلوبة.
  • بيسخن بسرعة أعلى من المنافسين ليه في السوق
  • العمر الافتراضي للحلة أكتر ٣ مرات عن أي حلة تانية.
  • أجود أنواع العزل.
  • مدخل واحد لدخول وخروج المياه.
  • خامة الهيكل تم معالجتها عشان ماتتأثرش ببخار المياه، أو الرطوبة.
  • حجمه مثالي.

العيوب

  • مفيش أي إبداع في الألوان أو الأشكال بالرغم من إن شكله جذاب.
  • سعره غالي بالمقارنة مع الماركات المنافسة.
  • فيه ناس كتير اشتكوا إن الموديل في خطأ صناعة في البوردة.
  • مش مناسب للأماكن اللي الكهرباء بتقطع فيها كتير.
  • بيحتاج لوقت لحد ما المياه تسخن على عكس السخان الغاز وده ممكن يعطلك شوية.

خدمة العملاء

خدمة العملاء وخدمات ما بعد البيع صعبة جدًا وكل شوية بيغيروا المواعيد. المشكلة كمان إن كتير من قطع الغيار بالذات المستوردة مش بتكون على طول متوفرة وبتضطر تحجزها لشهور لحد ما توصل.

شوف سخان تورنيدو الكهرباء ٤٥ لتر من هنا.

دلوقتي بعد ما عرفت مواصفات ومزايا وعيوب سخان تورنيدو الكهرباء ٤٥ لتر تقدر تعرف هو مناسب لاحتياجاتك ولا لأ، وماتنساش تشاركنا لو عندك تجربة مع السخان ده، وتقولنا رأيك عن طريق تعليق.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

يارا الحميلي، أنا أم لطفلين، بكتب عن الأمومة والحياة الأسرية، عشان كده هتلاقوا دايماً في مقالتي عن التجربة الشخصية، يعني بكتب عن الحاجة كأن جربتها فعلاً أو على الأقل اتكلمت ودورت حد استخدمها بالفعل عشان أضمن إن المعلومة تكون فعلاً مظبوطة. مؤمنة جدًا إن مفيش حاجة اسمها الأفضل لطفلك عشان كل طفل مختلف. عشان كده دايمًا مقالاتي هتلاقوا فيها بحث ومقارنة موضوعية عشان تقدروا تحددوا إنتم إيه الأفضل ليكم ولأطفالكم. أنا أم عاملة وعندي شغف بكل ما يخص الطفل. عندي تجارب في الكتابة في صحف زي الأهرام ويكلي، والأهرام الاستراتيجي ومجلة بيبا.

10 thoughts on “مراجعة تورنيدو سخان كهربائي ٤٥ لتر”

  1. أم ملك says:

    عندى نفس السخان بس اللمبه مش بتوصل للون الاخضر خالص .. دايما اللون الاحمر .. ممكن اعرف العيب فى ايه او يتصلح ازاى

    1. Michel Ramsis says:

      حضرتك ممكن تراجعي ضمان السخان يجوا البيت و يكشفوا عليه و يقولولك المشكله منين

  2. باسم says:

    بيسرب ميه بعد اسبوع واحد

  3. محمد محمود says:

    اشتريته و شغلته يوم 22/3/2020 يعني لم يكمل الشهرين و مع ذلك فوجأت به اليوم 10/5/2020 يفصل و ا يعمل ثم يعود للعمل بعد مده و حسبي الله و نعم الوكيل فيكم ما لحقتش افرح بيه

    1. Mohamed Abdelrahman says:

      السخان الغاز بيفصل يا افندم مع ضغط المياه، ولما ضغط المياه بيقل قوي بيفصل، ولما ضغط المياه يزيد بيشتغل مرة تانية
      وفي العموم ينصح دايما بظبط تشغيل السخان على أقل ضغط للمياه من المؤشر الخاص بالمياه

      كمان لما درجة حرارة المياه بتكون مظبوطة على حرارة عالية قوي بيفصل بشكل أسرع، للحفاظ على الوحدة الداخلية وللحفاظ على سلامة مستخدم المياه

      ولو فيه أي مشكلة ممكن حضرتك تكلم خدمة ما بعد البيع

  4. محمد ايهاب says:

    السخان الكهربا لمبة البيان لا تعمل – الشمعة اتحرقت بعد سنة نص- خدمة ما بعد البيع زبالة-

  5. Alaa hawary says:

    السخان شغال عادى بس بيعمل err

    1. Mohamed Abdelrahman says:

      للأعطال يفضل التواصل مع الصيانة يا افندم

  6. محمد حسن حسن القلينى says:

    تسريب مياة من عند التقاء الحلة مع ماسوررة المياة بعد مرور اقل من اسيوع على تركيبه

    1. Mohamed Abdelrahman says:

      الافضل تستعين بخدمة ما بعد البيع، خصوصا انك اسه في اول ١٤ يوم

Leave a Reply

Your email address will not be published. Required fields are marked *