مواصفات وأسعار تليفزيون Jac ٥٥ بوصة HD LED Smart

JAC TV 55 INCH SMART NGLD-155T

كتبت: أمنية عزمي

من أبرز مميزات شاشة جاك موديل NGLD-155T هي الخامات العالية المستخدمة في صناعتها الممثلة في الإطار الخارجي المصنع من البلاستيك المقوى والأجزاء الداخلية مصنعة من الاستانلس ستيل القوي اللي بيحافظ على الشاشة، يليها جودة الصورة ونقاء الألوان، وجودة الصوت المميز بارتفاعه ونقاؤه، بالإضافة لتوفر المنافذ الخارجية اللي ممكن تحتاجها زي ال USB و HDMI، وتصميمها عصري وحديث وتقفيلها مميز جدا.

تعالى مع ياقوطة علشان تتعرف على أهم مواصفات ومميزات وكمان عيوب تليفزيون Jac  ٥٥ بوصة HD LED Smart ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري تليفزيون Jac NGLD-155T- شاشة 55 بوصة- سمارت- FHD من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • رقم الموديل: NGLD-155T
  • العلامة التجارية: جاك
  • الفئات: تلفزيون ذكي
  • نوع العرض: LED
  • حجم الشاشة بالبوصة: 55 بوصة
  • دقة الشاشة: Full HD 1920×1080
  • اللون: أسود
  • جهاز التحكم عن بعد: نعم

المميزات

  • تصميم أنيق ومميز للشاشة بحواف رفيعة ودا بيخليك تحس بحجم الشاشة الكامل وبيدي لمسة أناقة للمكان، ومرتكزة على قاعدة بتصميم ذكي يحافظ على ثباتها من الصدمات.
  • الشاشة بحجم 55 بوصة عالية الدقة Full HD بدقة 1080× 1920 بكسل وبتعتبر دقة مناسبة لحجم الشاشة وبتقدر تشوف فيها التفاصيل المهمة في الماتشات والأفلام.
  • مصممة من الخارج من خامات بلاستيك جودتها عالية 100% (PVC) يضمن دوام عمرها بشكل طويل، والأجزاء الداخلية مصنوعة من الستيل علشان تكون متينة أكتر.
  • الشاشة بإضاءة خلفية ليد بتمنحك سطوع عالي وتباين قوي للون الأسود.، بالإضافة إنها بتدعم التباين التلقائي الضخم لعرض الصور بشكل أوضح.
  • بتتميز بجودة صوت عالية بتقدر تشغل معاها معظم المؤثرات الصوتية الحديثة بوضوح ونقاء عالي.
  • تليفزيون سمارت بنظام أندرويد و واي فاي، بتوصله بالواي فاي وتستفاد بتكنولوجيا الإنترنت وتعيش على مواقع التواصل الإجتماعي على شاشة أكبر وأوضح والألعاب الجماعية عليه متعة.
  • شاشات جاك السمارت بتتميز بمدى عالي وجيد للواي فاي عكس أنواع تانية كتير، وبيبقى سهل تربط الشاشة بالموبايل ويشتغل بكفاءة عالية بدون بطء أو مشاكل تقنيات السمارت.
  • مزود بمنفذين HDMI بيوفروا صورة فائقة الوضوح HD وعن طريقهم بتوصلها بالكمبيوتر والألعاب وأجهزة التحكم والأقراص الخارجية بأي محتوى.
  • مزودة بمدخلين USB بيدعم 27 صيغة (MP3, JPEG, AVI, MPEG) بتوصلها من خلالهم بأي فلاشة وتتفرج على محتوياتها سواء صور وفيديوهات أو أفلام بتحكمك الخاص في توقيفها وتشغيلها.
  • الشاشة رفيعة ووزنها خفيف تقدر تحطها على قاعدتها أو تعلقها عالحائط وتستغل المساحة بشكل أفضل.
  • مرفق معاه ريموت كنترول للتحكم عن بعد في كل خصائصه.

العيوب

  • مش مذكور فترة ضمان، لكن عامة جاك بتدي فترة الضمان سنة واحدة ودي قليلة والطبيعي انها مش بتقل عن 3 سنوات.
  • قطع غيارها غير متوفرة وأسعارها عالية.
  • صعوبة برمجة الشاشة وضبط إعداداتها هو واحد من عيوبها، عكس معظم الأنواع الموجودة في السوق.
  • الريموت كنترول معقد جدا ومش بيعرض كل إمكانيات الشاشة وبتحتاج تدرسه كويس علشان تقدر تستفيد بكل المميزات في الشاشة.
  • غير مرفق معاه حامل للحائط.
  • مش بيحتوي على ريسيفر داخلي.

خدمة العملاء

  • مراكزهم متوفرة في جميع أنحاء الجمهورية.
  • للأسف شكاوى كتير جدا من سوء خدمة العملاء وشكوى من سوء الصناعة والصيانة مش بتهتم بالرد عالتليفونات ولا بتهتم بالشكاوى ومستوى الفنيين في التصليح سيئ، وللأسف رغم قلة فترة الضمان لكن أي عطل بيحصل بيحملوه للمستهلك ويدفع تمنه ويرجع بيوظ تاني في فترة قصيرة. ناس كتير قدمت فيهم شكاوى لحماية المستهلك.

تجربة المستخدم

  • في ناس شكرت فيها لكن قالت إن سعرها غير منافس مقارنة بالأنواع المعروفة في السوق.
  • في شكوى عامة ان الألوان فيها مشكلة زي ان سطوعها عالي وبتحتاج تقفل وتفتح كل شوية، في ناس قالت إنها مش عارفة تستخدم تقنيات السمارت من الريموت، فيه شكاوى كتير من سوء الصيانة والمعاملة وان الشاشات الجديدة بتيجي بعيوب فيها واخدوها ركنوها في الصيانة شهور بدون تصليح والناس قدمت فيهم شكاوى في حماية المستهلك.

شوف تليفزيون Jac  ٥٥ بوصة HD LED Smart من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *