كتبت: أمنية عزمي

شركة ATA أو عطـا ظهر في السوق الفترة اللي فاتت بشكل قوي وبأجهزة متعددة أشهرها شاشات تليفزيون بأحجام مختلفة وبمواصفات وتكنولوجيا تواكب التطور المستمر، وبيعتمد في المنافسة على السعر بشكل أساسي، ومع انتشار الشاشات وتجربة المستخدم ليها ظهرت شكاوى متعددة من مشاكل ظهرت في الشاشات ومشاكل التعامل مع خدمة العملاء،  لكن في نفس الوقت التكنولوجيا اللي بيقدمها ATA خاصة تنسيقات التحكم في ما يشاهده الأطفال وغيرها خلت الناس في حيرة وتساؤل، هل المنتج جيد وممكن نتغلب على عيوبه ولا لأ، ومن الموديلات الأكثر طلبا في الحجم والمواصفات هو تليفزيون 4K Smart ATA ٥٥ بوصة، تليفزيون ذكي بحجم كبير مناسب للأماكن المتوسطة، بيوفر صوت وصوت بدقة عالية في المواصفات.

تابعنا مع ياقوطة  واتعرف على أهم مواصفات ومميزات وعيوب تلفزيون تليفزيون 4K Smart ATA ٥٥  بوصة وهننقل كمان رأي المستخدمين فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري تليفزيون 4K Smart ATA ٥٥ بوصة من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات تليفزيون 4K Smart ATA ٥٥ بوصة

• إسم الموديل: 4K Smart ATA 55
• حجم الشاشة: 55 بوصة
• نوع العرض: LED
• نظام التشغيل: أندرويد
• تنسيق الفيديو: 4K
• معدلات التحديث: 60 هرتز
• اللون: أسود
• الاتصال: HDMI|USB 2.0
• فترة الضمان: 1 سنة
• بلد المنشأ: مصر

مميزات تليفزيون 4K Smart ATA ٥٥ بوصة

• شاشة مسطحة بحجم 55 بوصة مصممة بحواف رفيعة وشكل جميل، بدقة 4K، دقة الصورة فيها عالية والألوان واضحة.
• سطوع الشاشة متميز، شاشة ليد بإضاءة خلفية، بيظهر فيها تباين اللون الأسود وكمان بتظبط سطوع الشاشة بشكل أتوماتيكي وبتديك جودة عالية للصورة واقتصادية في سعرها.
• الشاشة سمارت بنظام أندرويد ومدعمة بخاصية الاتصال الذكي عن طريق LAN بتقدر تتابع معاه التطبيقات المفضلة من خلال جوجل بلاي ستور على الشاشة بحجم أكبر.
• بتتميز بجودة الصوت وقوته ووجود أكتر من وضع للصوت تختار المناسب منهم وممكن تغنيك عن مكبر الصوت الخارجي (الصب) في معظم الأوقات.
• التلفزيون مزود بمنفذ HMDI علشان يسهل توصيلها بأي أجهزة تانية زي الألعاب وتستمتع بها على شاشة بحجم أكبر كمان بتتمكن من تشغيل الأصوات ومقاطع الفيديو وبتدعم إشارات الفيديو عالي الوضوح وإشارات الصوت متعددة القنوات.
• مزود بمدخل USB اللي بتوصل الفلاشة من خلاله وتقدر تتفرج على صورك أو أفلامك المفضلة أو تستمع بالأغاني اللي بتحبها.
• مصمم بقاعدة تصميمها ذكي وبزوايا تحافظ على ثبات الشاشة بشكل جيد في حالة الصدمات.
• سمك الشاشة رفيع جدا ودي ميزة تساعدك انك تعلقه عالحائط وبالتالي تستغل مساحة المكان بشكل أفضل.
• مزود بريموت كنترول بتتحكم فيه عن طريقه من بعد وانت في كامل استرخائك وراحتك.
• سعرها منافس بقوة مقارنة بالأنواع التانية وعليها ضمان لمدة سنة.
• قطع غيارها متوفرة في السوق وأسعارها معقولة.

عيوب تليفزيون 4K Smart ATA ٥٥ بوصة

• جودة الصورة منخفضة ولا ترتقي لجودة 4K.
• نوع الليد فيها من الأنواع الضعيفة ومش بتستحمل الاستخدام الشاق وعمرها الافتراضي متوسط.
• غير مزود بمنفذ VGA اللي بتقدر توصل الشاشة من خلاله بالكمبيوتر وتشوف محتوى الكمبيوتر على شاشة التلفزيون.
• لا يحتوي على منفذ RF الخاص بالإيريال الأرضي.
• فترة الضمان سنة واحد ودي فترة قليلة جدا على ضمان التليفزيونات مفروض أقل مدة 3 سنوات.
• خدمة ما بعد البيع مستواها سيئ.

خدمة العملاء لتليفزيون 4K Smart ATA ٥٥ بوصة

• الرقم الموحد لصيانة ATA في مصر: 01016551118
• مراكزهم متوفرة في جميع أنحاء الجمهورية.
• الناس بتشتكي من مستوى سوء الصيانة وضعف استجابتهم وسوء المعاملة وتدني مستوى الإصلاح وإن الأجهزة بتروح وترجع بنفس العيب أكتر من مرة.

تجربة المستخدم لتليفزيون 4K Smart ATA ٥٥ بوصة

• الشاشة فيها بقع بيضا من الأسفل وبدلوهالي مرتين لكن بتيجي بنفس العيب.
• الأندروبد تعبان والشاشة بطيئة والتحكم في البرامج مش سلس وبطيئ، لكن الصورة حلوة.
• محتاج تجيبله ريسيفر نضيف ووصلة إتش دي واتفرج على أحلى كواليتي للتلفزيون، غير كدا جودة وحشة.
• الجهاز باظ في أقل من شهر مشكلة في الشاشة والوكيل معرفش يحل المشكلة بعد ما قعد شهرين في الصيانة.
• بيشتغل 5 دقايق وبعدين يبدأ يقطع وتأخير في الكلام واتصلت بالصيانة ولم يستجيبوا نهائيا.

شوف تليفزيون 4K Smart ATA ٥٥ بوصة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 2018.. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.