مواصفات وأسعار تلفزيون سمارت بريميوم 50 بوصة LED، بتقنية UHD، ودقة 4K مع ريسيفر داخلي

تليفزيون سمارت بريميوم PRM50PT850

كتبت: أمنية عزمي

تليفزيون بريميوم من الأنواع الحديثة في السوق المصري والسوق العربي بصفة عامة وهي منتج إيطالي تم تجميعه وتقفيله في مصر بضمان يونيون إير وهي الوكيل الحصري ليها في مصر، الشاشة بتتميز بمعالج 4K اللي بيوضح أدق التفاصيل في شاشة بحجم 50 بوصة بإطار رفيع، بتوفر إمكانيات عالية مع صوت واضح قوي بتقدر تسمع معاه أحدث المؤثرات الصوتية بكل وضوح مع مكبر الصوت المستقل، التلفزيون سمارت وبتقدر توصله بالإنترنت سلكيا ولاسلكيا عن طريق الواي فاي وتقدر كمان تدخل على تطبيق Netflix وتتابع أحدث المسلسلات والأفلام، الشاشة بإضاءة خلفية LED، ومزودة برسيفر داخلي ومميزة بالعديد من المنافذ وعليها ضمان سنتين.

تابعنا مع  ياقوطة واتعرف على أهم مواصفات ومميزات وعيوب تلفزيون سمارت بريميوم 50 بوصة LED، بتقنية UHD، ودقة 4K مع ريسيفر داخلي وتعرف كمان رأي المستخدمين فيه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري تليفزيون سمارت بريميوم PRM50PT850 من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهب وطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات الفنية

  • العلامة التجارية: بريميوم
  • رقم الموديل: PRM50PT850
  • حجم الشاشة: 50 بوصة
  • تصميم الشاشة: مسطحة
  • الفئات: تلفزيون ذكي
  • نوع العرض: LED
  • دقة الشاشة: 3840× 2160
  • نوع ال إتش دي: 4K Ultra HD
  • الاتصال الذكي: واي فاي- إيثرنت
  • رسيفر داخلي: نعم
  • إمكانية الإتصال: 3 HDMI- 2 USB- مخرج سماعة أذن- منفذ VGA
  • فترة الضمان: سنتين

المميزات

  • شاشة كبيرة مسطحة بحجم 50 بوصة بإطار رفيع رائعة في المشاهدة خاصة في الماتشات مع وضع كرة القدم المميز اللي بيدعم 60 إطار في الثانية بدون تأخير.
  • الشاشة بدقة 4K Ultra HD 2160×3840، بتتميز بعدد وحدات بكسل بتزيد 4 مرات عن دقة ال FHD بتوضح كل التفاصيل بوضوح عالي.
  • بتتمتع بزوايا رؤيا 178 درجة، بتقدر تشوفها من أي مكان بوضوح بزاوية رؤيا عريضة.
  • تعمل بتقنية الإضاءة الخلفية LED بيظهر فيها تباين اللون الأسود وكمان بتظبط سطوع الشاشة بشكل أتوماتيكي وبتديك جودة عالية للصورة وبتوفر في الكهرباء.
  • خاصية الاتصال الذكي سواء لاسلكي أو لاسلكي عن طريق الواي فاي بتقدر تتابع معاه التطبيقات المفضلة من خلال جوجل بلاي ستور على الشاشة بحجم أكبر.
  • بتدعم أندرويد 9 سريع جدا مع مساحة 12 جيجابايت تساعدك على استخدام عدد كبير من التطبيقات.
  • إمكانية الاستعانة بمساعد جوجل الصوتي من خلال تطبيق Android TV والبحث الصوتي.
  • إمكانية الدخول على تطبيق Netflix ويوتيوب وشاهد TV ومتابعة المسلسلات والأفلام.
  • متعة إمكانية توصيل الموبايل بالشاشة وتشغيل الألعاب زي ببجي على شاشة بحجم كبير ودقة عالية.
  • بيدعم جميع صيغ الفيديو، أفلام وموسيقى و 5 أوضاع للصور سينما نهاري وسينما ليلي و قياسي وديناميكي رياضة.
  • مميزو بصوت محيطي قوي ونقي بالإضافة لمكبرات صوت.
  • مزود بمؤقت الإغلاق الأتوماتيكي ووضع الإغفاء.
  • مزودة برسيفر داخلي بتقدر تتتابع من خلاله كل القنوات.
  • مزود بمؤقت بتقدر تظبطه ويطفي بعد الوقت المطلوب.
  • إمكانية التحكم في الشاشة عن طريق الموبايل.
  • متعدد المنافذ، مزود بمنفذين HMDI، بالإضافة لمنفذين USB، منفذ كابل إنترنت بالإضافة لمنفذ سماعات أذن 3.5مم ومنفذ VGA.
  • سمك الشاشة الرفيع بيساعدك انك تعلقه عالحائط وبالتالي تستغل مساحة المكان بشكل أفضل.
  • مزود بريموت كنترول بتتحكم فيه عن طريقه من بعد وانت في كامل استرخائك وراحتك.
  • عليه ضمان لمدة سنتين.

العيوب

  • دقة الشاشة تعتبر فوق الجيدة جدا ولكن أقل من ال 4K وبتظهر بكسلات في بعض اللقطات المعتمة.
  • فترة الضمان سنتين فترة قليلة على ضمان التليفزيونات ومفروض أقل مدة 3 سنوات.
  • يونيون إير معروفة بسوء خدمة ما بعد البيع ودا يعتبر أسوأ عيب في الشاشات وهي ضمانها.

خدمة العملاء

  • رقم صيانة يونيون إير للشاشات 16381
  • مراكز صيانة متخصصة ومتواجدة في جميع أنحاء الجمهورية.
  • في شكوى من المستهلك إن الصيانة مش بيهتموا بالمشكلة وبالعميل بالمستوى المطلوب وانهم مش بيلتزموا بالتصليح في الضمان وبيحملوا المستهلك ثمن أي إصلاحات، وقطع الغيار غير متوفرة معظم الوقت وبتاخد وقت كبير علشان يوفروها.

تجربة المستخدم

  • الصورة جيدة جدا والصوت قوي ومحيطي رائع لكن مش يتوصب لمستوى تليفزيونات سامسونج وإل جي وسوني وسعرها يهتبر مش منافس، القلق منها هي إنها بضمان يونيون إير وهما الخدمة عندهم سيئة لكن ما واجهناش معاها مشاكل لأنها لسه جديدة.

شوف تلفزيون سمارت بريميوم 50 بوصة LED، بتقنية UHD، ودقة 4K مع ريسيفر داخلي من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 3 سنيين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *