مواصفات وأسعار تليفزيون Mega 32 بوصة LED FHD Smart Android

تليفزيون سمارت أندرويد- FHD LED- 32 بوصة من ميجا ME32S

كتبت: أمنية عزمي

تلفزيون ميجا سمارت أندرويد جمع لك كل اللي نفسك فيه في شاشة واحدة بسعر منافس جدا بتعيش معاه متعة الاتصال بالإنترنت في عالمك الخاص اللي بتتحكم من خلاله في المحتوى اللي تحب تشوفه في الوقت اللي يناسبك، الشاشة 32 بوصة بجودة صورة عالية الوضوح بدقة 1080 بكسل، ألوانه طبيعية، صوته واضح، وبيتميز بتعدد المنافذ زي USB وال HDMI  اللي بتضيف متعة اختيار البرامج والأفلام من خلال توصيلهم بالشاشة.

 تابعنا في المراجعة دي مع ياقوطة هنوضح فيها أهم مواصفات ومميزات وعيوب تليفزيون سمارت أندرويد- FHD LED– 32 بوصة من ميجا ME32S وهننقل لك رأي المستخدم فيه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري تليفزيون سمارت أندرويد- FHD LED- 32 بوصة من ميجا ME32S من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات الفنية

  • رقم الموديل: ME32S
  • حجم الشاشة بالبوصة: 32
  • نوع العرض: FHD|LED
  • دقة العرض: 1920×1080
  • نسبة السطوع: 230 شمعة/متر مربع
  • نوع التليفزيون: سمارت أندرويد
  • مدة الاستجابة: 8 مللي/ثانية
  • زاوية الرؤية: 178×178
  • الاتصال: HDMI|USB

المميزات

  • الشاشة مصممة بحواف رفيعة بتدي إحساس حجم الشاشة بالكامل 32 بوصة، وحجمها مناسب لدقتها الكاملة FHD بدقة 1920×1080 بكسل بتقدر تشوف فيها كل التفاصيل الصغيرة بوضوح عالي.
  • تليفزيون سمارت بنظام أندرويد، تقدر توصله بالإنترنت عن طريق الواي فاي أو كابل الإنترنت وتعيش على Netflix واليوتيوب ومواقع التواصل الإجتماعي على شاشة أكبر وأوضح والألعاب الجماعية عليه متعة.
  • شاشة ليد بإضاءة خلفية، بيظهر فيها تباين اللون الأسود وكمان بتظبط سطوع الشاشة بشكل أتوماتيكي وبتديك جودة عالية للصورة واقتصادية في سعرها.
  • زمن الاستجابة فيه 8 مللي/الثانية يعتبر زمن كويس جدا في سرعته للتليفزيون.
  • بيتمتع بزوايا رؤية عريضة 178×178 بتقدر تشوف معاها الشاشة من كل الزوايا.
  • مزود بمنفذين HDMI بيدعم إشارات الفيديو بوضوح عالي وإشارات الصوت متعددة القنوات بتستمتع من خلالها بمقاطع الفيديو والصور بدقة أعلى مع تشويش أقل بجودة رائعة، وبتوصله بالكمبيوتر والألعاب وأجهزة التحكم والأقراص الخارجية بأي محتوى.
  • مزود ب 4 منافذUSB بتوصله من خلالهم بأي فلاشة وتتفرج على محتوياتها سواء صور وفيديوهات أو أفلام بتحكمك الخاص في توقيفها وتشغيلها.
  • مزود بمنفذ AV للأوديو والفيديو، ومدخل RF.
  • مصمم بقاعدة تصميمها ذكي من ناحية الارتفاع والسمك وبزوايا تحافظ على ثباته بشكل جيد في حالة الصدمات.
  • سمك الشاشة رفيع ودي ميزة تساعدك انك تعلقه عالحائط وبالتالي تستغل مساحة المكان بشكل أفضل.
  • مزود بريموت كنترول بتتحكم فيه عن طريقه من بعد وانت في كامل استرخائك وراحتك

العيوب

  • من أنواع الشاشات اللي الليد فيها قابل للتلف بسهولة وبعد فترة قليلة بتلاقي نقط في الشاشة.
  • مش مذكور فترة ضمان.
  • مش بتقدر تشوف الشاشة من الزوايا.

خدمة العملاء

  • مفيش ليهم مراكز صيانة وبيتم الإصلاح عن أي متخصص شاشات.

تجربة المستخدم

  • للأسف مقدرتش أوصل لحد جربه، ياريت لو ليك تجربة معاه تفيدنا بها.

شوف تليفزيون Mega  32 بوصة LED FHD Smart Android من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *