مراجعة تليفزيون سامسونج ٥٥ بوصة- HDR Flat 4K- ألترا إتش دي- سمارت

كتبت: أمنية عزمي

سامسونج من الشركات اللي تقدر تثق جدا في إن المواصفات اللي بتقدمها بتكون حقيقية فعلا، ومن هنا سمعتها طغت على أنواع تانية كتير، هنتكلم عن شاشة ذكية من الفئة السابعة بدقة ألترا إتش دي 4K اللي بتقدر تستفاد من دقتها وجمال ألوانها وتفاصيلها مع أي أجهزة منزلية تانية عندك، الواقع اللي بتنقلهولك سامسونج بتقنية ألترا إتش دي 4K بتتميز به بفضل البكسلات الحمراء والخضراء والزرقاء RGB اللي بتقدمها في شاشاتها ال 4K UHD بجانب كونها هي المعيار الوحيد المعتمد للتجربة دي، شرط ضمان العرض اللي بتتميز به تلفزيونات ألترا إتش دي إن دقة وضوحها 2160×3840 يعني (8.3 مليون بكسل RGB) وهنا لازم نذكر إن سامسونج مش بتستخدم بكسلات RGBW في تلفزيوناتها الألترا اتش دي لأن كونها مدعمة ببكسلات بيضاء فا دا بيخلي جودتها تنخفض، علشان كدا هتلاقي سامسونج دايما مميزة بأفضل وأدق صورة وأروع تجربة ل 4K الأقرب للواقعية.

تعالوا مع ياقوطة نتكلم بشكل مفصل أكتر عن  تليفزيون سامسونج UA55RU7100– 55 بوصة- HDR Flat 4K– ألترا إتش دي- سمارت علشان نساعدك تتعرف على أهم مواصفاته ومميزاته وكمان عيوبه ورأي العملاء فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات 

  • نوع العرض: LED|Smart|Ultra HD 4K
  • اللون: أسود.
  • الكود التعريفي للمنتج: SA024EL15VA1NNAFAMZ
  • الاتصال: Wi-Fi|HDMI|USB 2.0
  • فترة الضمان: عامين.
  • الموديل: UA55RU7100SXEG
  • نوع المعالج: رباعي النواة.

المميزات

  • UHD يعني 3840×2160 بكسل بيوفر دقة شاشة أعلى 4 مرات من شاشة FHD كاملة الوضوح وتكاد تصل لدقة 4K فائقة الوضوح، واللي بتستمتع معاها بصورة حادة وواضحة بأصغر التفاصيل على شاشة بحجم 55 بوصة.
  • مع خاصيةHDR هتشوف كل التفاصيل الخفية بدون ما يفوتك أي تفاصيل صغيرة بفضل مستوى السطوع واسع النطاق اللي بيمنحك أوضح رؤية حتى في المشاهد القاتمة في الإضاءة وذات السطوع العالي.
  • تقنية Pure Color اللي بتنقل لك الصور والمشاهد بألوانها الطبيعية الحقيقية بوضح أقرب للطبيعة وبتدي إحساس إنك عايش جوا المشهد بتفاصيله مش بتشوفه من مجرد شاشة.
  • تقنية تعتيم UHD، بتقسم الشاشة لمربعات صغيرة وبتعالجها بحيث تبرز أدق التفاصيل وتستمتع بمستويات محسنة من الوضوح والتباين والألوان وبالتالي متعة مشاهدة عالية.
  • محسن العمق التلقائي بيعمل على ضبط مستويات التباين متعدد الطبقات وبييظهر الصورة بشكل حيوي.
  • تصميم رائع فائق النحافة بشكل معاصر بيضيف للمكان رقي بذوقه الرفيع.
  • تلفزيون ذكي بتتجمع فيه كل المتع اللي ممكن تحتاجها من خلال تواصلك به عالإنترنت ووسائل التواصل واليوتيوب من خلال جهاز واحد بتتحكم منه في جميع الأجهزة بمحور واحد لإدارتها.
  • تقنية One Depth، هي الطريقة الذكية اللي تقدر تحصل على المتعة من خلالها بطريقة سهلة وسريعة عن طريق تجميع المحتويات كلها وعرضها على شاشة واحدة وبكده تقدر تشوف العناصر كلها في صور صغيرة قبل فتح أي واحدة منها.
  • LED، صورة سطوعها عالي هتشوف معاها المباريات والأفلام بشكل مختلف بصورة غنية بالألوان والتفاصيل.
  • حجم الشاشة كبير هتستمتع معاه بصورة أكبر وتعيش فيها الحدث لو كنت من هواة المباريات ووتنغمس معاها في أحداث الأفلام.
  • الشاشة رفيعة جدا وده بيديك اختيار تعليقها عالحائط واستغلال المساحة بشكل أفضل أو تحطها كقطعة ديكور أنيقة في المكان.
  • اتحكم في الأوامر وأي حاجة بتدور عليها من خلال Bixby Voice اللي بيقدملك طريقة ثورية بتساعدك في العثور على برامج البث المباشر مع دليل عالمي وبتساعدك عن طريق الأوامر الصوتية الذكية.
  • 2 فتحة يو إس بي هتقدر توصل من خلالها كل وسائل الترفيه اللي تحبها وتشوف أفلامك وصورك وتسمع الموسيقى اللي تختارها.
  • 3 منافذ HDMI تقدر توصل الشاشة من خلالهم بأي أجهزة زي ألعاب البلاي ستيشن.
  • الشاشة سمارت بتقدر توصلها بموبايلك عن طريق الواي فاي وتستمتع بالصور والذكريات على موبايلك من خلال الشاشة.
  • تقنية Open depth هتقدر تجمع من خلالها كذا تطبيق ومحتوى وتفتحهم على شاشة واحدة وتتنقل بينهم بسهولة.
  • مميز بصوته دولبي قوي ديجيتال هتعيش معاه التجربة كأنك في السينما.
  • ريسيفر داخلي بتتابع منه القنوات العالمية بسهولة من خلال جهاز تحكم واحد.

العيوب

  • فترة الضمان سنتين فقط ودي فترة قليلة لأن أقل ضمان بيكون 3 سنوات.
  • الريموت كنترول مستوى جودته مش عالية.
  • الصوت بيضعف لما توصله بالبلوتوث.
  • مفيش خيار بيمنع إعلانات سامسونج من الظهور لما بتوصله بالإنترنت.

خدمة ما بعد البيع

  • مراكز الصيانة متوفرة في كل أنحاء الجمهورية على رقم 19089 ومتوفر عندهم قطع الغيار الأصلية بالضمان.
  • مستوى خدمة العملاء محتاج يتحسن لأن فيه شكاوى كتير منهم.

تجربة المستهلك

  • الحقيقة 95% من الآراء كلها بتشكر فيه وان شاشته بألوانها وصورتها ودقتها رائعة والصوت قوي والوضوح عالي.
  • الناس اللي اشتكت منه كانوا شاريين الشاشة من كافور في وقت عروض وللأسف شايفين بتبقى الشاشات اللي عندهم فرز تاني أو فيها عيوب، علشان كده اتأكد دايما من المكان وسمعته ومن جودة المنتج الأول لأن معظمهم كان عنده نفس المشكلة وهي ظهور خطوط عرض في الشاشة.
  • فيه شكوى من الصيانة من ناس كتير وانهم مش بيلتزموا بالتصليح في فترة الضمان.

 

شوف تليفزيون سامسونج UA55RU7100- 55 بوصة- HDR Flat 4K- ألترا إتش دي- سمارت من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال 

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *