مراجعة تليفزيون ATA 32 بوصة- ليد- عالي الجودة

ata tv 32 inch hd

كتبت: أمنية عزمي

تلفزيون ATA 32 بوصة بتقنية حديثة تواكب التكنولوجيا في مجال الشاشات، وبيعتبر مصدر متعة عند ناس كتير بسبب سعره المنافس ومواصفاته، بيتميز بخامات صنع جودتها عالية وموفر في الطاقة وبيحافظ عالنظر من الإشعاع، صوته قوي والصورة فيه بدقة عالية الجودة، شاشة ليد بإضاءة خلفية بتوفر سطوع عالي، مزود بواجهة متعددة الوسائط، ودا بيخليها اختيار مناسب من حيث المواصفات والسعر، لكن هل يكفي الحكم على الشاشة من خلال المواصفات والسعر فقط!

دا اللي هنتكلم عنه في المراجعة دي مع ياقوطة وهنوضح أهم مواصفات ومميزات وكمان عيوب تلفزيون ATA 32 بوصة- ليد- عالي الجودة وهننقل كمان رأي المستخدمين فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري تليفزيون ATA 32 بوصة- ليد- عالي الجودة من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات الفنية

  • موديل: 32DN4
  • نوع العرض: HD|LED
  • بلد المنشأ: مصر
  • اللون: أسود
  • الاتصال: HDMI|USB 2.0
  • فترة الضمان: 1 سنة
  • حجم الشاشة بالبوصة: 32

المميزات

  • الشاشة بحجم 32 بوصة مصممة بحواف رفيعة وشكل جميل، وحجمها مناسب لدقتها الإتش دي اللي وضوحها بيكون بدقة 1366× 720 بكسل بيظهرجمال الصورة والألوان.
  • سطوع الشاشة متميز، شاشة ليد بإضاءة خلفية، بيظهر فيها تباين اللون الأسود وكمان بتظبط سطوع الشاشة بشكل أتوماتيكي وبتديك جودة عالية للصورة واقتصادية في سعرها.
  • بتتميز بجودة الصوت وقوته ووجود أكتر من وضع للصوت تختار المناسب منهم وممكن تغنيك عن مكبر الصوت الخارجي (الصب) في معظم الأوقات.
  • التلفزيون مزود بمنفذ HMDI علشان يسهل توصيلها بأي أجهزة تانية زي الألعاب وتستمتع بها على شاشة بحجم أكبر كمان بتتمكن من تشغيل الأصوات ومقاطع الفيديو وبتدعم إشارات الفيديو عالي الوضوح وإشارات الصوت متعددة القنوات.
  • مزود بمدخل يو اس بي اللي بتوصل الفلاشة من خلاله وتقدر تتفرج على صورك أو أفلامك المفضلة أو تستمع بالأغاني اللي بتحبها.
  • مصمم بقاعدة تصميمها ذكي وبزوايا تحافظ على ثبات الشاشة بشكل جيد في حالة الصدمات.
  • سمك الشاشة رفيع جدا ودي ميزة تساعدك انك تعلقه عالحائط وبالتالي تستغل مساحة المكان بشكل أفضل.
  • مزود بريموت كنترول بتتحكم فيه عن طريقه من بعد وانت في كامل استرخائك وراحتك.
  • سعرها مميز جدا ومنافس بقوة مقارنة بالأنواع التانية وعليها ضمان لمدة سنة.
  • قطع غيارها متوفرة في السوق وأسعارها معقولة.

العيوب

  • نوع الليد فيها من الأنواع الضعيفة ومش بتستحمل الاستخدام الشاق وعمرها الافتراضي متوسط.
  • غير مزود بمنفذ VGA اللي بتقدر توصل الشاشة من خلاله بالكمبيوتر وتشوف محتوى الكمبيوتر على شاشة التلفزيون.
  • لا يحتوي على منفذ RF الخاص بالإيريال الأرضي.
  • دقة الشاشة متوسطة بالنسبة للشاشات الأعلى منها في السعر.
  • فترة الضمان سنة واحد ودي فترة قليلة جدا على ضمان التليفزيونات مفروض أقل مدة 3 سنوات.
  • مستوى الصيانة سيئ.

خدمة العملاء

  • مراكزهم متوفرة في جميع أنحاء الجمهورية.
  • الناس بتشتكي من مستوى سوء الصيانة وضعف استجابتهم وسوء المعاملة وتدني مستوى الإصلاح وإن الأجهزة بتروح وترجع بنفس العيب أكتر من مرة.

تجربة المستخدم

  • في آراء كتير قالت ان الحركة بتكون بطيئة نوعا ما وبتكون محسوسة في القنوات الرياضية والأفلام، الصورة مش بتتحرك بنعومة زي الأنواع التانية، بالإضافة ان ألوانها مش الأروع بين الشاشات، ومع الوقت بيظهر في الشاشة بيكسلات وبتكون واضحة في بعض الألوان أكتر من غيرها زي الأحمر.
  • كان في شكوي تانية ان الشاشة بتفصل أو تتحرق بعد فترة قصيرة واوقات بتشتغل صوت فقط بدون صورة، والصورة بيظهر فيها بقع بيضاء ودا عيب صناعة في الليد بيظهر بقوة في الشاشات الرخيصة بسبب ان الليد بيتركب فيها على عدد من المساطر وبتكون متوصلة ببعضها مش كل لمبة لوحدها وبالتالي لو فصل واحد الكل بيفصل، وبيشتكوا ان التصليح بيتم على حسابهم حتى وهم في الضمان.

شوف تلفزيون ATA 32 بوصة- ليد- عالي الجودة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *