مميزات وعيوب تكييف يورك ١٫٥ حصان بارد فقط بلازما- ديجيتال- تربو

مميزات وعيوب و سعر تكييف يورك ١٫٥ حصان بارد فقط بلازما

كتبت: أمنية عزمي 

التكييفات زيها زي باقي الأجهزة اللي أسعارها تضاعفت في الفترة اللي فاتت، علشان كده لما تيجي تشتري أي منتج من المنتجات المعمرة لازم تعرف عنها كل حاجة قبل ما تروح وما تكتفيش بكلام البياع لأنه مش هيقولك غير مواصفاته ومميزاته، لكن الأهم انك تعرف عيوبه وصيانته وخدمة ما بعد البيع علشان تبقى على علم من الأول وكمان ما تتغرش بسعر أقل شوية لكن ممكن يكلفك كتير بعد كده.

علشان كده بنقدملك مع ياقوطة كل المعلومات اللي محتاج تعرفها عن أي منتج، وهنتكلم في المراجعة دي عن تكييف يورك ١٫٥ حصان بارد فقط بلازما- ديجيتال- تربو وهنذكر أهم مواصفاته ومميزاته وعيوبه وكمان رأي المستخدم فيه علشان تقدر تكون فكرة كاملة تساعدك في الشراء، ولو عجبك وعايز تشتريه تقدر من خلالنا تعرف أحسن الأسعار ليه وتقدر تقارن بينهم بنفسك وتقدر كمان تطلبه من خلالنا وهيوصل لغاية عندك في أسرع وقت. 

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

كود المنتج التعريفي YKHFXC012BBM4-FX-IN
فترة الضمان ٥ سنوات.
سياسة الدفع عند الاستلام نعم.
العلامة التجارية يورك.
سياسة الاستبدال أو الاسترجاع ١٤ يوم.
النوع تكييف هواء.

المميزات

  • تكييف بارد فقط، قدرته ١٫٥ حصان واللي بيغطي مساحة ١٢ متر مربع.
  • بيوفرلك أقصى درجات البرودة في أقل وقت بمجرد الضغط على زرار التشغيل لأنه مزود بخاصية تربو.
  • وضعية الجاف، بتقدر تحصل من خلالها على تبريد جاف لهواء خالي من الرطوبة.
  • وظيفة إعادة التشغيل التلقائي، بيعيد تشغيل نفسه تلقائيا على نفس البرنامج اللي كان بيعمل عليه إذا الكهرباء فصلت ورجعت مرة تانية وده مهم في المصانع والأماكن اللي فيها أجهزة محتاجة تبريد مستمر.
  • صوته هادي ومالوش ضجيج.
  • مزود بمرواح وريش لتوزيع الهواء في كل الاتجاهات أعلى وأسفل ويمين ويسار.
  • مزود بوضعية النوم اللي بتظبط درجة الحرارة ونسبة الرطوبة الملائمة للجسم وتحافظ عليها وتوفرلك نوم صحي هادئ.
  • مزود بتايمر بتقدر تظبط مدة تشغيله ويطفي حسب المدة أوتوماتيك.
  • مزود بشاشة ديجيتال ليد بتعرف منها البرنامج ودرجة الحرارة.
  • مزود بتقنية بلازما اللي بتنقي الهواء من الميكروبات والفيروسات والروائح الكريهة وتمنحك هواء صحي نقي.
  • سهل التركيب وسهل في صيانته علشان لما تيجي تنضف الفلاتر كل فترة.
  • مزود بغطاء حماية الصمام.
  • مدهون بدهانات ضد الصدأ والتآكل علشان يتحمل كل العوامل الجوية.
  • مزود بريموت للتحكم عن بعد.
  • عليه ضمان ٥ سنوات.

العيوب

  • مش بيوفر في استهلاك الكهرباء.
  • غير مزود بتقنية التنظيف الذاتي ودي مهمة لأنها بتمنع تكون الفطريات والبكتريا داخل جهاز التكييف.
  • بتحتاج تنضف الفلاتر بصفة مستمرة علشان تحافظ على كفاءته في العمل وعلى نقاء الهواء.

خدمة ما بعد البيع

  • رقم الخط الساخن للصيانة ١٩٠٨٩.
  • مراكزهم متوفرة وفنيين متخصصين.
  • فيه شكاوى كتير من خدمة ما بعد البيع وكل اللي حصل عنده مشكلة واتصل بهم الصيانة رفضت تصلح أي شيء في فترة الضمان وقالت سوء استخدام وبتحمل العميل التكاليف.

تجربة المستخدم

  • أنا جايبه من فترة وشغال معايا كويس جدًا.
  • الوحدة الخارجية للتكييف محتاجة تتركب في مكان مفتوح وفيه تهوية جيدة علشان ما تقللش من كفاءته في التشغيل.
  • أنا عندي منه ٢ وشغال كويس ومفيش منه شكاوى.
  • الريموت كنترول باظ عندي بسرعة وما وافقوش على تغييره، رغم إنه ما فاتش عليه شهرين وقالوا سوء استخدام والمعاملة في الصيانة سيئة والضمان وهمي.

شوف تكييف يورك ١٫٥ حصان بارد بلازما ديجيتال من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

 

عن كاتب المقال

 أمنية عزمي، بكتب من 6 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرء كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول دايمًا أجرب أي جهاز بنفسي قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

Leave a Reply

Your email address will not be published. Required fields are marked *