مراجعة تكييف فريش سمارت بيسك بارد- ساخن ٤ حصان

مميزات وعيوب و سعر تكييف فريش سمارت بيسك بارد- ساخن ٤ حصان

كتبت: أمنية عزمي

درجات الحرارة بقت دايمًا في ازدياد مستمر وبقت تيجي موجات حر في غير أوانها معظم أوقات السنة. والاتجاه لشراء التكييفات بقى منتشر، بس لازم قبل ما تشتري تكييف تعرف المواصفات اللي هتشتري على أساسها، زي إنك تعرف حجم المساحة أو الغرفة اللي هتركب فيها تكييف علشان تعرف إنت محتاج تكييف قوته كام حصان ودي أهم حاجة، الباقي مواصفات بتميز كل تكييف عن التاني، وكل واحد بيختار اللي يناسبه منها حسب ميزانيته واحتياجاته.

هنقدملكم مراجعة عن تكييف فريش سمارت بيسك بارد- ساخن ٤ حصان وهنشرح فيها أهم مواصفاته ومميزاته وعيوبه ورأي المستخدمين فيه، ولو عجبك وحبيت تشتريه تقدر من خلال ياقوطة تعرف أحسن الأسعار ليه وكمان تقدر تطلبه من خلالنا وهيوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • قدرة التبريد/التدفئة ٤ حصان بارد/ ساخن.
  • اقتصادي في استهلاك الطاقة ليلًا.
  • يعمل بسعة كهربائية منخفضة.
  • خاصية التنظيف الذاتي.
  • شاشة ليد.
  • اكتشاف الخطأ في الجهاز تلقائي.
  • الحماية عند التبديل والإيقاف.
  • وحدة خارجية مضادة للصدأ.
  • نظام تربو للتبريد السريع.
  • التشغيل التلقائي بعد انقطاع الكهرباء
  • أبعاد الوحدة الداخلية ١١١٧٨× ٣٢٦× ٢٥٣ ملم.
  • مدة الضمان ٥ سنوات.

المميزات

  • قدرته ٤ حصان وبيوفر هواء بارد وساخن، ويكفي لمساحة ٣٠ متر مربع.
  • اقتصادي في استهلاك الطاقة ليلًا، وها لأنه بتقنية إيكو اللي لما بتشغلها بتوفر درجة حرارة ملائمة لدرجة حرارة جسم الإنسان وقت النوم ولما بتوصل لدرجة الحرارة المطلوبة بيتوقف تلقائيًا، ويحافظ على درجة الحرارة وبالتالي بيقلل من استهلاك الكهرباء.
  • يعمل بسعة كهربائية منخفضة.
  • خاصية التنظيف الذاتي. الوحدة الداخلية بتعمل على تنظيف نفسها بشكل ذاتي وتنمع تكوين البكتيريا والعفن.
  • شاشة ليد. بتقدر من خلالها تعرف درجة الحرارة وتتابع أي تغيير.
  • اكتشاف الخطأ تلقائي. دي مهمة جدا الحقيقة لأن ناس كتير معندهاش خبرة المعرفة بالأعطال واكتشاف الخطأ ذاتي بتوضحلك نوع العطل أو المشكلة وتساعدك على حلها.
  • مضاد للصدأ. وحدة خارجية مقاومة للصدأ والتآكل والظروف الجوية القاسية بفضل الدهانات المميزة اللي بتستخدمها فريش في أجهزتها.
  • نظام التبريد السريع تربو. النظام اللي عنده القدرة على تبريد المكان في أقل وقت.
  • التشغيل التلقائي بعد انقطاع الكهرباء. لما تيحي تدوّر على راحة في التكييف يبقى تشوف خاصية التشغيل التلقائي دي موجودة ولا لأ بعد ما الكهرباء تقطع وترجع، لأنها بتخليه يرجع بشتغل تلقائي بنفس البرنامج اللي ظبطته لحد توقيته ما يخلص ودي مفيدة جدًا أثناء النوم.
  • ريموت كنترول كفاءته عالية وقوي علشان يتحمل من غير ما يحصل له أي مشكلة لأنه وسيلة التحكم في كل وظائف التكييف عن بعد.
  • خاصية التحكم في اتجاه تدفق الهواء أو تثبيته في اتجاه واحد.

العيوب

  • فيه عيب ظهر من خلال تجربة المستخدم وهو إنه مش بيشتغل بسعة كهربائية منخفضة زي ما ذكروا في المواصفات ودي عدم مصداقية من الشركة.
  • بيستهلك كهرباء كتير مهما قالوا إنه بيخفض الاستهلاك.
  • مفيهوش خاصية البلازما كلاستر اللي بتعمل على إزالة الفيروسات والبكتيريا المتواجدة في المكان علشان توفر هواء صحي ونقي.
  • الكمبريسور لازم يتركب في مكان مفتوح علشان ميأثرش على كفاءته.

خدمة العملاء

  • فريش بتديك ضمان ٥ سنين على التكييف والضمان شامل الجهاز كله. وأي عطل أو عيب في الجهاز من المصنع هي مسئولة عنه. قطع الغيار خارج الضمان أسعارها أعلى من مثيلاتها.

تجربة المستخدم

  • اشتريت منهم تكييف زي ده بس الـ ٣ حصان وقالوا إنه بيشتغل على أقل جهد كهرباء وللأسف ما اشتغلش ورفضوا يبدلوه وكلام إنه بيشتغل على أقل جهد مش صحيح. وقالولي كد لحد ما اشتريت وبعدين فني التكييف قالي لازم تشتري ستابليزر يقوي الكهرباء.

احكيلنا تجربتك مع تكييفات فريش في كومنت.

شوف تكييف فريش سمارت بيسك بارد/ساخن ٤ حصان من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

 

عن كاتب المقال

 أمنية عزمي، بكتب من 6 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرء كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول دايمًا أجرب أي جهاز بنفسي قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

Leave a Reply

Your email address will not be published. Required fields are marked *