مراجعة بوتاجاز يونيون إير I-Cook الذكي- غاز 60×90

كتبت: أمنية عزمي

يونيون إير من الشركات المتصدرة للأجهزة الكهربائية بشكل عام وللبوتاجازات بشكل خاص وبتوفر بوتاجازات بأحجام مختلفة تناسب كل المساحات بتصميمات أنيقة وخامات عالية وتكنولوجيا متطورة، ومن أشهر أنواع بوتاجازات يونيون إير مبيعا هو I-Cook وده لأنه بيتميز بالتكنولوجيا الحديثة وعملي جدا في مواصفاته، تابعونا في المراجعة دي مع ياقوطة هنتكلم بالتفصيل عن بوتاجاز يونيون إير I-Cook الذكي- غاز 60×90 وهنتعرف على أهم مواصفاته ومميزاته وكمان عيوبه ورأي المستخدم فيه، ولو عجبك وحبيت تشتريه تقدر من خلالنا تعرف أحسن الأسعار ليه وتقدر كمان تقارن بينهم بنفسك وممكن تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • حجم الفرن: 125 لتر.
  • الميقاتي: تايمر ديجيتال 7 مفاتيح.
  • الشعلات: 1 كبرى، 1 ثلاثية، 1 صغرى، 2 متوسطة.
  • السطح العلوي: ستانلس.
  • الغطاء العلوي: زجاج عاكس.
  • لوحة التحكم: زجاج (الكتابة الداخلية غير قابلة للمسح).
  • ثرموستات: متوفر.
  • الشواية: عدد 2.
  • مروحة فرن: متوفر.
  • حامل الأواني: زهر.
  • مروحة تبريد السطح: ديجيتال ثابتة.
  • أمان الشعلات: أمان كامل.

المميزات

  • مساحته كبيرة 60×90 بيوفر المساحة الكافية لاستخدم أواني متعددة، ومزود ب 5 شعلات متنوعة الأحجام 1 كبرى- 1 ثلاثية- 2 وسط- 1 صغرى.
  • العين الكبيرة ثلاثية الشعلة بتسرع من عملية تسوية الطعام أكتر من العادية بنسبة 15%، ومكانها في منتصف البوتاجاز علشان تديك المساحة مرتاحة لأي حجم أواني.
  • حامل أواني من الحديد الزهر المميز بمتانته وثبات الأواني عليه وبيتحمل درجات الحرارة العالية.
  • ديجيتال كنترول بتتحكم من خلاله في جميع وظائف البوتاجاز بالكامل.
  • مزود بتايمر ديجيتال بتقدر تعرف منه الوقت المتبقي عالتسوية وبيديك إنذار لما ينتهي الوقت، والميزة هنا انه في كل مفتاح على حدة فيه تايمر يعني 7 مفاتيح.
  • أي كووك مصنع بالكامل من الفولاذ المقاوم للصدأ بخامات قوية تعيش معاك وسهلة في تنضيفها وبيحتفظ برونقه طول الوقت.
  • مزود بإشعال ذاتي للفرن والبوتاجاز بالكامل.
  • أمان كامل، بيفصل أتوماتيك في حالة إنسكاب أي سوائل عالعيون تتسبب في إطفائها.
  • الفرن حجمه كبير 125 لتر وبتقدر تحط فيه أكتر من صينية حجم كبير وتوفر في وقتك خاصة في العزومات.
  • مزود ب 2 موتور شواية و2 سيخ تقدر تشوي فيه فرختين أو شيش طاووك وكفتة بكمية كبيرة في المرة الواحدة.
  • مزود بمروحة داخلية في الفرن لتوزيع الهواء الساخن بالتساوي علشان تحصل على أحسن تسوية.
  • مزود بمروحة تبريد للسطح ديجيتال ثابتة بتساعد على تبريد السطح في حالة استخدام الفرن والشواية.
  • مزود بلمبة قوية في الفرن بتقدر تتابع من خلالها عملية التسوية.
  • مزود بثرموستات بتقدر تتحكم من خلالها في درجة حرارة الفرن.
  • بتقدر تشغل الفرن والشواية مع بعض في نفس الوقت وتستغل الوقت.
  • فيه غرفة تسخين أسفل الفرن علشان تحتفظ فيها بالأطعمة سخنة لوقت التقديم مزودة بمقبض يسهل فتحها.
  • مزود بأرجل قابلة للتعديل.
  • المفصلات المستخدمة فيها كلها إيطالي وبالتالي بتكون ناعمة في استخدامها وقوية ومتينة.

العيوب

  • أكبر عيب في يونيون إير عامة وفي البوتاجازات خاصة هو سوء خدمة بعد البيع لأنه بيظهر فيه مشاكل كتير وبيحتاج صيانة باستمرار ومستوى خدمة الصيانة سيئ بما يكفي لتجنب منتجاتهم.
  • سعره أعلى من مثيله في الأسواق رغم انهم بنفس الجودة.
  • مروحة الفرن بيتراكم عليها دهون وبتكون صعبة في تنضيفها.
  • مقبض الفرن مصنع من الاستانلس وهو موصل للحرارة وبالتالي بيسخن جدا وقت استخدام الفرن وكذلك مفاتيح العيون مصنعة من مادة بتتأثر بالحرارة ومينفعش تتعامل معاهم بدون عازل حراري وأحيانا تأثير حرارة الفرن بيخليها ما تفتحش.
  • الحوامل الزهر بتحتاج تنضيف أول بأول لأنها صعبة في التنضيف لو الدهون تراكمت عليها.

خدمة العملاء

  • رقم الخدمة الساخن 19094
  • خدمة العملاء عندهم مستواها سيء جدا ومفيش إهتمام بالشكاوى والأعطال متكررة، وللأسف سوء الخدمة بيخلي ناس كتير يخافوا يشتروا منتجاتهم.

تجربة المستخدم

  • في رأي بيقول إن ناره ضعيفة مع الغاز الطبيعي والفرن بياخد وقت طويل على ما يسخن.
  • في رأي شايف انه كويس لكن الاشعال الذاتي فيه باظ بسرعة في العيون اللي بتستخدم بشكل أكبر.
  • أسوأ شركة في خدمة ما بعد البيع والصيانة، مواعيدهم كتيرة ومفيش التزام بيها، حتى الصيانة بتيجي وتمشي والعيب زي ما هو.

شوف بوتاجاز يونيون إير I-Cook الذكي- غاز 60×90 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *