كتبت: أمنية عزمي

سواءً كنت من الناس اللي بتطبخ كل يوم والمطبخ جزء مهم في بيتها أو لو كنت عندك مشروع وبتعمل أكل كتير ومحتاج بوتاجاز كويس أو مناسباتك كتير وبتحب العزايم ففي كل الحالات بوتاجاز فريش هامر الـ ٥ شعلة غاز هيساعدك في إعداد كل أنواع الأكل والمشمر والمحمر، نقول ليه. أولًا لأن فريش اتعودت تقدملنا أحسن الأجهزة المنزلية المزودة بالتكنولوجيا اللي تريحنا وتسعدنا وتوفر وقتنا. ثانيًا لأنه فيه مميزات كتير أولهم إنه ٥ شعلة، إشعال ذاتي، الحوامل بتاعته من الحديد الزهر الأنيق، فيه شاشة باللمس ومؤقت رقمي وحاجات كتير هنعرفها في الريفيو.

زي ما عودناكم مع ياقوطة بنعرض المنتج وأهم مواصفاته ومميزاته وعيوبه ونسيبلك الاختيار، هنعرض في الريفيو ده بوتاجاز فريش هامر ٥ شعلة غاز- ستانلس ستيل ٦٠ × ٨٠ ولو عجبك وعايز تشتريه تقدر من خلالنا تعرف أحسن الأسعار ليه وكمان تطلبه ويوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع

المواصفات

• ٥ شعلة.
• أمان كامل مع طاسة ساباف للشعلات.
• مؤقت رقمي.
• منظم الحرارة (ترموسات).
• مروحة فرن.
• إشعال ذاتي.
• مقبض مزدوج للفرن والشواية.
• باب يغلق مع نظام شوي.
• شواية تدور مع موتور.
• لمبة فرن.
• تايمر ٦٠ دقيقة.
• درج تسخين.
• الرقم المتسلسل للمنتج: 2724480043132
• باب الفرن زجاج بالكامل.

المميزات

• مزود بـ ٥ شعلة، ٥ شعلات غاز ٥ مقاسات متنوعة علشان تسرع عملية الطهي وتوفرلك وقتك.
• أمان تام مع طاسة ساباف للشعلات، مفيش داعي للقلق وانت بتطبخ على بوتاجاز فريش هامر، لأنه فيه إستشعار أمان يخليه يفصل الغاز لوحده لو فيه سوائل انسكبت على النار وطفتها ودا بيخلي استخدامه أمن تماما.
• مزود بمؤقت رقمي مدته ٦٠ دقيقة تقدر تظبطه بالتوقيت المناسب علشان يفكرك.
• مزود بترموستات علشان ينظم حرارة الفرن حسب الدرجة اللي سجلتها.
• الفرن مزود بمروحة بتوزع الهواء السخن داخل الفرن في كل الأنحاء علشان تضمن إن التحمير أو الطهو بالنسبة للمخبوازات أو الكيك أو أي نوع طعام يستوي من كل الجهات، وبنفس المقدار ويديك نتايج مثالية.
• إشعال ذاتي، بيوفر عليك الوقت والتفكير وبقى كل اللي عليك إنك تلف مقبض العين اللي عايز تشتغل عليها بإيد واحدة وهتشتعل بشكل ذاتي.
• حوامل من الحديد الزهر، الحديد الزهر معدن تقيل ومتين علشان يضمنلك أقصى قدر من الثبات للأواني أثناء الطهي، ده غير إنهم بيدوا قيمة عالية للبوتاجازات.
• سعة الفرن كبيرة. وده بيسمحلك بطهي كذا وجبة في نفس الوقت بسهولة يعني تقدر تحط صينيتين مع بعض ويوفر عليك الوقت والاستهلاك.
• شواية داخلية بتدور مع موتور، ومساحتها كبيرة تقدر تحط فيها فرختين للشوي في نفس الوقت.
• مزود بلمبة فرن في الجزء الخلفي من التجويف علشان يساعدك تتابع الأكل وقت الطهي من غير ما تفتح الفرن وتسرب الحرارة.
• مقبض مزدوج للفرن والشواية مصنع من الاستانلس ستيل.
• باب يغلق مع نظام الشوي، مش هتضطر تفتح باب الفرن وقت ما الشواية تكون شغالة زي معظم البوتاجازات واللي كان بيتسبب في ارتفاع الحرارة في المكان بشكل قوي.
• باب الفرن زجاج بالكامل وده بيتيح ليك إنك تشوف الأكلات داخل الفرن وكمان بيديله شياكة وبيوسع المكان.
• درج تسخين، مميز بوجود درج سفلي علشان يحافظ على الأكل سخن بعد عملية الطهي وبيحتفظ بحرارته.
• تصميمه عصري وجميل ومفيش في تقفيله مسامير في الفرن أو الأبواب وده بيسهّل عملية تنضيفه.
• ستانلس ستيل بالكامل يعني شياكة وضد الصدأ وسهل التنضيف.

العيوب

• حوامل الزهر رغم إنها الأكثر تحملًا لكن صعبة في التنضيف وناس اشتكت إن فيه طاسات مش بتثبت عليها كويس.
• مقبض الباب ستانلس ستيل وممكن يسخن لو مشغل الفرن أو الشواية فترات طويلة، محتاج تاخد حذرك وتستخدم عازل للحرارة.
• الإشعال الذاتي بيبوظ بعد فترة.

خدمة العملاء

• مراكز الصيانة غير متوفرة بشكل كافي في كل مكان. بمعنى إن خارج القاهرة بتضطر تتعامل عن طريق وكيل صيانة مش مع الشركة بشكل مباشر.
• أسعار قطع الغيار تعتبر أعلى من مثيلاتها في السوق.

تجربة المستخدم

• فيه مشكلة إن الفرن لما بيكون شغال بيسخن مقبض الفرن الخارجي لأنه ستانلس وموصل للحرارة ولو ماعملتش حسابي وأنا بفتحه بيسبب حروق.
• تقفيله مش كويس والفرن بعد فترة مش بيقفل كويس وبيسيب مسافة مفتوحة ويسرب حرارة.

شوف بوتاجاز فريش هامر ستانلس ستيل ٥ شعلة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.