مواصفات وأسعار بوتاجاز فريش جلوري- 5 شعلة غاز- ستانلس ستيل- 60×90

كتبت: أمنية عزمي

فريش بتقدم مجموعة بوتاجازات مميزة بتكنولوجيا عصرية وبمواصفات عالية تعتمد عليها في مطبخك، فريش مكوناته إيطالي وبيوفر كل الأحجام المناسبة ليك ولعيلتك علشان تسهل عملية الطبخ وتعمل ألذ الوصفات في بيتك، ومنها بوتاجاز جلوري بخمس عيون وإشعالهم ذاتي وفرنه كبير وفيه شواية ومروحة بتوزع الحرارة وتسوي الأكل بشكل أفض، وفيه مقبضين للفرن والشواية ومواصفات تانية كتير ومميزات هنعرضها في المراجعة دي مع ياقوطة  عن بوتاجاز بوتاجاز فريش جلوري- 5 شعلة غاز- ستانلس ستيل- 60×90 وهنتعرف كمان على عيوبه ومستوى خدمة العملاء ورأي المستخدم فيه ولو عجبك وعايز تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • الخامة الأساسية: ستانلس ستيل.
  • أبعاد المنتج: 60×90.
  • الكود التعريفي للمنتج: FR057HL1KQ134NAFAMZ
  • اللون: فضي.
  • فترة الضمان: 5 سنوات.

المميزات

  • 5 شعلات غاز أحجام مختلفة بتلائم كل مقاسات أواني الطهي ومنهم شعلة كبيرة ثلاثية في المنتصف توزيع النار فيها رائع وبتسوي في وقت أسرع.
  • إشعال ذاتي بالكامل بيوفر الوقت ويسهل عملية الإشعال بمجرد لف مفتاح العين المطلوب اشعالها.
  • حوامل من الزهر مصممة بشكل رائع بحواف عريضة لثبات أعلى للأواني وسهل إزالتها وتنضيفها.
  • سعة الفرن كبيرة ودا بيسمحلك بطهي كذا وجبة في نفس الوقت بسهولة يعني تقدر تحط صينيتين مع بعض ويوفر عليك الوقت والاستهلاك.
  • الفرن مزود بمروحة داخلية بتوزع الهواء السخن داخل الفرن في كل الأنحاء علشان تضمن إن التحمير أو الطهو بالنسبة للمخبوازات أو الكيك بيستوي من كل الجهات بنفس المقدار ويديك نتايج مثالية.
  • مزود بلمبة فرن في الجزء الخلفي من التجويف علشان يساعدك تتابع الأكل وقت الطهي من غير ما تفتح الفرن وتسرب الحرارة.
  • شواية داخلية بتدور مع موتور، بتشتغل بشكل منفصل عن الفرن ومساحتها كبيرة تقدر تحط فيها فرختين للشوي في نفس الوقت.
  • باب الفرن زجاج بنفس لون البوتاجاز شكله أنيق وبيحافظ على المخبوزات من تسريب الحرارة وكمان بيمنع تسريب الحرارة في المكان.
  • باب يغلق مع نظام الشوي، مش هتضطر تفتح باب الفرن وقت ما الشواية تكون شغالة زي معظم البوتاجازات واللي كان بيتسبب في ارتفاع الحرارة في المكان بشكل قوي.
  • مزود بمقبض مزدوج للفرن والشواية مصنع من الاستانلس ستيل.
  • مصمم بغطاء زجاجي مصنوع من الزجاج المقوي بشكل أنيق وبيحافظ على الفرن من الأوساخ والتجريح في حالة عدم استخدامه فترات طويلة.
  • مزود بمؤقت رقمي مدته 60 دقيقة تقدر تظبطه بالتوقيت المناسب لطهي الأكلة وبيصدر إنذار وقت إنتهاء التوقيت.
  • درج تسخين، مميز بوجود درج سفلي علشان يحافظ على الأكل سخن بعد عملية الطهي وبيحتفظ بحرارته.
  • تصميمه عصري وجميل ومفيش في تقفيله مسامير في الفرن أو الأبواب ودا بيسهل عملية تنضيفه.
  • مصنع من الستانلس ستيل بالكامل وفيه عازل للحرارة علشان لو مكانه في المطبخ قريب من الخشب ما يتأثرش يعني شياكة وأمان وضد الصدأ وسهل التنضيف.
  • تصميم مفاتيح البوتاجاز بيسهل استخدامها بسبب سهولة دورانها وارتكازها في قاعدة منفصلة وخاماتها قوية.

العيوب

  • غير مزود بخاصية الأمان اللي بتفصل الغاز أتوماتيك في حالة فوران أي سوائل على النار تتسبب في إطفائها.
  • غير مزود بشاشة ديجيتال.
  • باب الفرن مش شفاف ومش بتقدر تتابع منه الأكلات والفرن مقفول.
  • الفرن بيسخن جدا وقت استخدامه ومقبض الباب ستانلس ستيل بيسخن والمفاتيح بتتأثر بالحرارة ومع الوقت بتتأثر وتبوظ.
  • المروحة الداخلية تنضيفها صعب.
  • الإشعال الذاتي بيبوظ بعد فترة ودا في معظم البوتاجازات.

خدمة العملاء

  • مراكز الصيانة غير متوفرة بشكل كافي في كل مكان.. بمعنى ان خارج القاهرة بتضطر تتعامل عن طريق وكيل صيانة مش مع الشركة بشكل مباشر.
  • أسعار قطع الغيار تعتبر أعلى من مثيلاتها في السوق.
  • بيقدم فترة ضمان 5 سنوات.
  • في شكاوى من سوء التعامل في الصيانة.

تجربة المستخدم

  • في ناس شكرت فيه ورأيهم ان سعره اقتصادي مقارنة بباقي الأنواع وانه بشكل عام مقدور على عيوبه، وفي ناس واجهت معاه مشاكل زي ان العيون شعلتها ضعيفة، وان الفرن بيسخن جدا ويأثر على مقبض الفرن والعيون، والناس في المحافظات بيشتكوا من عدم وجود صيانة في المحافظات وبيواجهوا متاعب علشان يعرفوا يصلحوه، وان قطع الغيار في الشركة أسعارها أعلى من بره.

شوف بوتاجاز فريش جلوري- 5 شعلة غاز- ستانلس ستيل- 60×90 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *