مزايا وعيوب بوتاجاز غاز يونيون تك ٤ عيون من يونيون إير

مميزات وعيوب و سعر بوتاجاز غاز يونيون تك ٤ عيون من يونيون إير

كتبت: أمنية عزمي

بوتاجاز يونيون إير بشعلاته الأربعة وعيونه الفضية وشكله المميز وفرنه الكبير وخاصية الإشعال الذاتي فيه ده غير إنه مش بيحتاج مكان كبير، بيسهل عليك ويساعدك سواء بتطبخ لنفسك أو لأسرتك فأكيد الطبخ معاه هيكون ألذ وأسهل.

هنقدملكم ريفيو في ياقوطة نوضحلكم فيه أهم مواصفات ومميزات وعيوب بوتاجاز غاز يونيون تك  ٥٥×٥٥ من يونيون إير ولو لقيته مناسب ليك وحبيت تشتريه تقدر تعرف من خلالنا أحسن الأسعار ليه وتقدر كمان تطلبه من خلالنا ويوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • بوتاجاز غاز يونيون تك C5555SW- 128- ٥٥×٥٥ من يونيون إير.
  • عدد الشعلات: ٤.
  • إشعال ذاتي.
  • شواية.
  • غطاء زجاجي.
  • اللون: أبيض.
  • الضمان: ٧ سنوات.

المميزات

  • مزود بخاصية الإشعال الذاتي اللي بتسهل عليك عملية الإشعال والبحث عن كبريت أو ولاعة.
  • ٤ شعلات بأحجام مختلفة بتساعدك وتوفرلك وقتك وتحسسك بمتعة الطهي في وقت قصير.
  • غطاء زجاجي علوي عاكس وقوي وبيضيف شياكة للبوتاجاز وبيحميه وقت عدم استخدامه من الاتساخ وتقدر كمان تستفاد بالمساحة دي وهو مغلق بإنك تحط عليها أطباق أو حاجات خفيفة وبالتالي تبقى مساحة إضافية تقدر تستفاد بها.
  • سعة الفرن معقولة وتقدر تحط فيها صينية كبيرة أو إتنين صغيرين بحيث إنه يساعدك في الطهو بسرعة وسهولة.
  • مزود بلمبة داخلية في الفرن علشان تساعدك تتابع طهي الوجبة من غير ما تفتح الباب وتسرب الحرارة.
  • مقبض الفرن ستانلس ستيل سهل التنظيف وشكله شيك وأزرار فتح العيون بلاستيك ودي ميزة فيها إنها عازلة للحرارة ومش بتسخن مع الفرن.
  • مزود بحوامل من الصاج سهل التنظيف ولا تلتصق بها الدهون.
  • مزود بشواية داخلية في الفرن لشوي الدجاج أو الكفتة والشيش طاووق.
  • سعره معقول جدا وفي متناول أي شخص.

العيوب

  • الحوامل الصاج رغم إنها سهلة في التنظيف إلا إنها مش ثابتة، وده بيخلي أواني الطهي تكون معرضة أنها تقع من عليها ودا فيه خطورة.
  • مفيهوش عنصر الأمان اللي بيخلي الغاز يفصل إذا انسكبت عليه سوائل وطفت النار.
  • حجم الفرن مش بيسعف في العزايم أو لما بيكون في أكتر من صينية محتاجة تسوية في الفرن.
  • الشواية بتاخد فرخة واحدة ومش بتشتغل بشكل منفصل لوحدها. بتشتغل مع الفرن.
  • الإشعال الذاتي بيبوظ بعد فترة.
  • إيد الفرن ستانلس ستيل يعني موصلة للحرارة وده بيخليها تسخن لما يكون الفرن شغال وبالتالي لازم تتعامل معاها بحذر ومن خلال عازل علشان ماتسببش حروق. وده كمان مش أمان بالنسبة للأطفال الغير مدركين.
  • مفيهوش مروحة في الفرن اللي بتساعد على توزيع الحرارة ونضج كامل للأكل بشكل متساوي.

خدمة العملاء

  • خدمة عملاء يونيون إير مش الأحسن ولا الأفضل، وفيه شكاوى كتيرة من كتير من مستخدمين الشركة عليهم.

تجربة المستخدم

  • الأقوال متضاربة بين إن ناره ضعيفة وإنها قوية جدًا، لكن الغالبية العظمى من الناس اللي استخدمته بتشكر فيه جدًا لكن بيحذروا من انسكاب سوائل عليه لأنها بتبوظ الإشعال الذاتي ولازم يتنضف كويس. بشكل عام الفرن كويس جدا والبوتاجاز هايل وأحسن من مثيلاته اللي بـ ٤ عيون.

شوف بوتاجاز غاز يونيون تك  ٥٥×٥٥ من يونيون إير من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

 

عن كاتب المقال

 أمنية عزمي، بكتب من 6 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرء كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول دايمًا أجرب أي جهاز بنفسي قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

Leave a Reply

Your email address will not be published. Required fields are marked *