مواصفات وأسعار بوتاجاز بريميوم جراند شيف 90 سم

بوتاجاز بريميوم جراند شيف PRM6090SS-1GC-511-IDSP-GO

كتبت: أمنية عزمي

بوتاجاز بريميوم جراند شيف بيتميز بنظام الأمان الكامل والسعة الكبيرة في الفرن ومزود بإشعال ذاتي من المفاتيح والبوردة، البوتاجاز مصنع من الاستانلس ستيل بالكامل ويعمل بالغاز، حجمه كبير 60×90 وفيه 5 عيون منهم عين بشعلة ثلاثية، مساحة الفرن والشواية منفصلين كل واحد بمفتاح مستقل، فيه شواية بمحركين و2 سيخ، مروحة داخلية لتوزيع الحرارة، الحوامل زهر بالكامل، باب الفرن مصمم بمفصلة هيدروليكية، مزود بشاشة ديجيتال وتايمر، وشكله أنيق بلون أسود يلفت الانتباه.

هنوضح في المراجعة دي مع ياقوطة أهم مواصفات ومميزات وعيوب  بوتاجاز بريميوم جراند شيف PRM6090SS-1GC-511-IDSP-GO ورأي المستخدم فيه، ولو عجبك وحبيت تشتريه تقدر من خلالنا تعرف أحسن الأسعار ليه وتقدر كمان تقارن بينهم بنفسك وممكن تطلبه من خلالنا ويوصلك في أقرب وقت.

بنفكرك إنك ممكن تشتري بوتاجاز بريميوم جراند شيف PRM6090SS-1GC-511-IDSP-GO من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات بوتاجاز بريميوم جراند شيف 90 سم

  • الموديل: PRM6090SS-1GC-511-IDSP-GO
  • أمان: أمان كامل
  • اللون ستانلس ستيل
  • عدد الشعلات: 5 شعلات
  • نوع البوتاجاز: غاز
  • تايمر: نعم
  • مروحة: نعم
  • إشعال ذاتي: نعم
  • مادة الحوامل: حديد زهر
  • أبعاد المنتج (العرض× العمق): 90× 60سم
  • فترة الضمان: 8 سنوات

مميزات بوتاجاز بريميوم جراند شيف 90 سم

  • مميز بتصميمه الكامل من الاستانلس ستيل بشكل أنيق جذاب باللون الأسود مضاد للصدأ وسهل التنظيف، ومصمم بعازل للحرارة صديق للبيئة بيحافظ على برودة الجسم الخارجي للبوتاجاز أثناء الاستعمال.
  • مميز ب 5 شعلات غاز بأحجام مختلفة بتلائم كل مقاسات أواني الطهي ومنهم الشعلة الوسطى كبيرة ثنائية الإشعال.
  • حامل أواني مصنوع من الزهر تقيل وثابت وفي نفس بيحافظ على ثبات أواني الطهي عليه.
  • مزود بخاصية الأمان الكامل للشعلات، واللي بتوفر عنصر الحماية الكاملة لأنه بيفصل الغاز أتوماتيك عند إنسكاب أي سوائل على الشعلات.
  • بتقدر تتحكم في وظائفه بشكل كامل عن طريق شاشة ديجيتال تعمل باللمس واللي من خلالها بتقدر تشغل الإشعال الذاتي والتايمر والإضاءة الداخلية ومروحة الفرن.
  • إشعال ذاتي كامل للفرن والبوتاجاز سلس وبيشتعل أتوماتيك بمجرد لف العين المطلوبة.
  • الفرن حجمه كبير 170 لتر بإضاءة داخلية ومميز برفين سلك مفرغ يسمح للحرارة تنتشر في كل مكان وبيوفر وقت كبير في العزايم.
  • مزود بمروحة داخلية للفرن بتوزع الهواء الساخن في كل الإتجاهات علشان تديك تسوية كاملة من كل الإتجاهات.
  • بيتميز بشواية بعدد 2 محرك و2 سيخ بشكل عرضي في الفرن بتقدر تنجز فيهم كمية كبيرة من الشواء في نفس الوقت ومن الأنواع المميزة في شويها بشكل رائع.
  • مزود بمفاتحين منفصلين للفرن والشواية بتقدر تشغل فيها الفرن والشواية في نفس الوقت مع غلق باب الفرن.
  • باب الفرن مزود بمفصلة هيدروليكية بتقفل الباب أتوماتيك بمجرد الضغط في وضع الإغلاق.
  • تايمر رقمي للتحكم في الوقت واللي بتعرف من خلاله الوقت المتبقي على الشاشة وبيفصل الغاز بعد الوقت المبرمج مع صوت تنبيه.
  • فيه غرفة تسخين في أسفل الفرن علشان تحتفظ فيها بالأكل سخن فترات طويلة.
  • عليه ضمان لمدة 8 سنوات.

عيوب بوتاجاز بريميوم جراند شيف 90 سم

  • الحوامل الزهر وزنها تقيل وقابلة للكسر لو وقعت.
  • خاصية الإشعال الذاتي بتتلف بعد وقت قصير.
  • بياخد حيز كبير من المطبخ ومحتاج مطابخ كبيرة.
  • إيد الفرن ستانلس موصل للحرارة ولازم تمسكها بعازل.
  • قطع الغيار سعرها عالي.
  • مستوى خدمة العملاء في يونيون إير سيئ.

خدمة عملاء بوتاجاز بريميوم جراند شيف 90 سم

  • أرقام الصيانة الخاصة ب يونيون إير: 16305- 01112606368- 01112606361
  • خدمة العملاء عندهم مستواها سيئ جدا ومفيش إهتمام بالشكاوى والأعطال متكررة، وللأسف سوء الخدمة بيخلي ناس كتير يخافوا يشتروا منتجاتهم.

تجربة المستخدم لبوتاجاز بريميوم جراند شيف 90 سم

  • بستخدمه بقالي 6 شهور والحقيقة كويس جدا ونار العيون عالية لكن الشواية بحسها ضعيفة.
  • الحوامل الزهر تقيلة جدا وصعبة في تنضيفها ووقع مني اتكسر وغيرته وسعره كان عالي.
  • في رأي بيقول إن الستانلس ستيل تحت العيون لونه بيغير.

شوف بوتاجاز بريميوم جراند شيف 90 سم من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *