مراجعة بلاي ستيشن 3 من سوني

مميزات وعيوب و سعر بلاي ستيشن 3 من سوني Sony PlayStation 3

كتبت: ميّ نور

بمرور الزمن وتطور التكنولوجيا ووسائل التسلية والترفيه، بدأت تظهر أجهزة البلاي ستيشن، واللي لفتت أنظار كتير من الناس وأصبح لها شعبية كبرة جدًا، خصوصًا بعد ازدياد شعبية رياضة كرة القدم، اللي كتير من الناس كانوا بيشتروا أجهزة البلاي ستيشن مخصوص عشان يقدروا يلعبوا عليها ألعاب الكورة المشهورة زي PES و FIFA، ومع الوقت بدأ أجهزة البلاي ستيشن تتطور أكتر والألعاب الخاصة بيها تكتر في الأسواق، ولو لسه ما اشترتش البلاي ستيشن وبتفكر تشتريه، النهارده عملنالك المقال ده عشان يساعدك في الاختيار، وهنستعرض مع بعض مواصفات جهاز بلاي ستيشن 3 من سوني 320 جيجا، وأهم مميزاته وعيوبه اللي بيقدمها، ولو عجبكوا البلاي ستيشن ده وعاوزين تشتروه تقدروا من خلالنا في ياقوطة تعرفوا أحسن الأسعار ليه وتقارنوا بينهم وتطلبوه كمانوهيوصل لغاية عندكم في أسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

 

المواصفات

الماركة Sony
الموديل PlayStation 3
اللون أسود.
سعة الهارد ديسك ٣٢٠ جيجابايت
دقة عرض مقاطع الفيديو ١٠٨٠ بكسل
المعالج Cell Broadband Engine

الوصف

يعتبر جهاز بلاي ستيشن 3 من سوني، هو أنحف جهاز لعب على الإطلاق في الأسواق، وكمان شكله شيك وبييجي مع دراع وايرلس بيتشحن كل فترة حسب البطارية، والجهاز مناسب جدًا للاعبين المحترفين لأنه بيقدم تقنية عالية بتسمح بتشغيل عدد كبير من الألعاب مهمًا كانت أنواعها، سواء كانت أكشن أو مغامرات أو رياضة أو تعليمي، فالجهاز بيتميز بعدد من التقنيات زي الإيثرنت واستقبال شبكات الواي فاي اللي بتتيح للاعب فتح الإنترنت وتحميل الألعاب من خلال متجر البلاي ستيشن اللي بيكون عليه عدد كبير من الألعاب المتنوعة اللي ممكن تشوفها، وكمان ممكن تلعب أونلاين من خلال الإنترنت مع لاعبين حقيقيين من كل دول العالم، بالإضافة لإمكانية فتح المحادثات مع الغير واستخدام مجموعات Trophy اللي بتدي جوايز للاعبين.

المميزات

  • حجم الجهاز صغير ومناسب يتحط في أي مكان، وكمان بييجي مع هيكل رقيق جدًا ونحيف.
  • دعم الإيثرنت والواي فاي اللي بيتيح الوصول لمتجر الألعاب واللعب أونلاين.
  • دعم لإمكانية فتح المحادثات مع اللاعبين.
  • دعم مجموعات Trophy.
  • دقة عرض مقاطع الفيديو بتوصل لـ ١٠٨٠ بكسل.
  • بييدعم تشغيل كتير من الألعاب المشهورة على عكس أجهزة الإكس بوكس.
  • سعره مناسب لامكانياته.
  • أسعار الدراعات الخاصة بيه مش غالية زي دراعات الإكس بوكس أو البلاي ستيشن 4 على سبيل المثال.

العيوب

  • سعة التخزين للجهاز ٣٢٠ جيجابايت فقط، ودي مساحة قليلة بالمقارنة مع أجهزة تانية كتير في السوق.
  • خامات الدراع ضعيفة وممكن تبوظ أو تعطل بعض الزراير بسهولة.
  • للأسف الجهاز بيجي مع دراع واحد فقط، وهتحتاج تشتري دراعات تانية لو هتلعب مع حد كمان.
  • حرارته بترتفع مع كتر الاستخدام والحرارة، لكن ممكن تصليحه.
  • مش بيدعم تشغيل النسخ التجريبية للألعاب.

شوف سوني البلاي ستيشن 3 من هنا.

كمان ممكن تشوف أفضل أجهزة ألعاب الفيديو من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

Leave a Reply

Your email address will not be published. Required fields are marked *