مواصفات وأسعار التكييف الصحراوي إلكتريك هاوس- 90 لتر

تكييف صحراوي مبرد هواء- 90 لتر

كتبت: أمنية عزمي

التكييف الصحراوي انتشر جدا في السنوات الأخيرة كبديل للتكييف العادي والمروحة لأنه بيجمع بين التبريد وتوزيع الهوا في كل الاتجاهات بوحدة متحركة تقدر تستخدمها في أماكن متعددة وبسعر مناسب جدا وموفر في الكهربا، التكييف الصحرواي إلكتريك هاوس من أنواع مبردات الهواء المميزة جدا في مواصفاتها ودا خلاه منافس قوي في السوق، وفيه ميزتين أقوى من بعض، الأولى انه مصمم لمكان مخصص للتلج بعبوتين بيتم تجميدهم واستخدامهم، والتانية ان سعته اللترية 90 لتر وتعتبر سعة ضخمة جدا وبيشتغل بها فترة طويلة بدون ما يحتاج لإعادة ملئ الخزان، بالإضافة لمواصفات تانية كتير منها مختلف ومميز هنتعرف عليه في مراجعتنا.

تابعنا مع ياقوطة  واتعرف على أهم مواصفات ومميزات وعيوب التكييف الصحراوي إلكتريك هاوس – 90 لتر وهننقل كمان تجربة المستهلك معاه علشان تقدر تكون فكرة كاملة تساعدك على تحديد اختيارك، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري التكييف الصحراوي إلكتريك هاوس- 90 لتر من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات التكييف الصحراوي إلكتريك هاوس – 90 لتر

  • العلامة التجارية: Electric House
  • بلد المنشأ: الصين
  • سعة الخزان: 90 لتر
  • الخامة الأساسية: بلاستيك
  • البار كود: 6225000451421

مميزات التكييف الصحراوي إلكتريك هاوس – 90 لتر

  • هيكل تبريد قوي بيساعدك على التقليل من حرارة الجو عن طريق مضخة بتضخ المياه بتوزيع منتظم والهواء بيمر من خلال الفلتر ويتبخر معاه جزء من المياه ويتوزع في المكان من خلال الريش المتحركة.
  • بيتمتع بموتور قوي 230 وات واللي بيديك تبريد سريع للمكان في وقت قليل، وعنده قدرة على تبريد مساحة من 30 ل 40 متر بشكل جيد جدا.
  • مميز بسعة تخزين ضخمة، تانك تخزين المياه فيه بسعة 90 لتر، ودا ميزته انه مريح جدا في التعامل لأنك مش هتحتاج تملاه كل شوية، بالإضافة لوجود مؤشر شفاف بيبين مستوى مية الخزان.
  • مزود ب ووتر بامب غاطس لقياس مستوى المية وبيتوقف عن العمل أتوماتيك في حالة نقص المياه وبكدا بيحافظ على الموتور من الحرق.
  • مزود بخاصية تربو لتبريد المكان في أقل وقت وتوزيع الهواء البارد في المساحة بشكل أسرع، وتقنية التربو في التكييفات الصحراوية قليلة جدا ودي من أحد مميزاته المختلفة.
  • بيوفر تبريد قوي من خلال ثلاث جهات موزعة للهواء ودا بيساعد على انتشار الهواء البارد في كل أنحاء المكان.
  • مصمم بوسادات تبريد من ال 3 جوانب لتبريد قوي وسريع في المكان وتلطيف حرارة الجو بشكل أسرع.
  • مصمم بصندوق تلج في الأعلي فيه عبوتين جيل التبريد بيتم تجميدهم واستخدامهم لتلطيف الحرارة في أجواء الحر الشديدة.
  • مصنع من البلاستيك الحراري القوي اللي بيتحمل وضد الصدأ وسهل التنظيف.
  • مزود بمروحة PVC 3 سرعات واللي بتوزع الهواء توزيع جيد في كل مكان وتزود احساس البرودة في الجو.
  • مزود بفلتر يعمل على تنقية الهواء من الغبار خاصة لو بتستخدمه في أماكن مفتوحة بيكون مفيد جدا.
  • موفر جدا في الكهرباء، أقل في إستهلاكه بأربع مرات من التكييف العادي.
  • مزود بخمس عجلات بتسهل حركته ونقله من مكان لمكان.
  • خزان المياه فيه قابل للفصل، مع إمكانية فك المبرد لتخزينه في أوقات الشتاء ودي حلة مشكلة كبيرة وهي احتياج مساحة تخزين كبيرة في حالة عدم استخدامه.
  • مصمم بتغليف مضغوط يسهل نقله وتخزينه في مساحة صغيرة.
  • مصمم بأسلوب ذكي تخليه يتوقف تلقائيا لو حصل أي تسريب للمياه وبالتالي بيوفر عنصر الأمان.
  • مش بيشغل مساحة كبيرة وتقدر تحطه في أي مكان بسهولة.
  • مثالي جدا للأماكن الجافة وبيمنحها معادلة الرطوبة المطلوبة لجو صحي.
  • تقدر تشغله على أي محول كهرباء في حال إنقطاع التيار الكهربائي.
  • سعره كويس جدا لو قارناه بالتكييفات وكمان بيوفر في الكهرباء.

عيوب التكييف الصحراوي إلكتريك هاوس – 90 لتر

  • الفلتر بيحتاج صيانة وتنضيف بصفة دورية علشان تمنع الأملاح والأتربة والروائح الكريهة منه وميكونش مجال لنمو الميكروبات اللي بتزود الحساسية الصدرية.
  • بيحتاج غسل حوض المياه باستمرار وتنظيفه من الأتربة والترسبات علشان متكونش وسط لنمو الميكروبات.
  • الفلتر الداخلي بيحتاج بتغير كل فترة لأنه بيتعرض للإنسداد.
  • المروحة الداخلية بتحتاج فحص وتزييت باستمرار.
  • لا يصلح للأجواء اللي فيها رطوبة لأنه هو نفسه بيزود الرطوبة في الجو وزيادتها بتعمل اختناق واحساس عالي بالحرارة.
  • لازم تهتم بتوصيل السلك الأرضي لأن نسيانه ممكن يؤدي لصدمات كهربائية تؤذي البعض.

تجربة المستخدم للتكييف الصحراوي إلكتريك هاوس – 90 لتر

  • المكيف الصحراوي إلكتريك هاوس هايل في استخدامه ومن أكتر المنتجات اللي عجبتني لما كنت بشتري وما ترددتش لحظة وانا بشتريه، بيفرق جدا في درجة حرارة الجو وسريع في تبريده وأهم حاجة اني بنساه فترات طويلة لأن الخزان فيه كبير.
  • مريح وعملي جدا وفعلا فيه كل المواصفات.

شوف التكييف الصحراوي إلكتريك هاوس – 90 لتر من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 2018، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *