مميزات وعيوب محضر الطعام Bosch – ٨٠٠ وات

مميزات وعيوب و سعر محضر الطعام Bosch - ٨٠٠ وات

كتبت: ميّ نور

زمان كان تحضير الأكل بياخد مننا وقت ومجهود كبير ما بين تقطيع الخضار وعمل الصلصة وطحن البهارات والحبوب وفرم البصل والثوم والملوخية وغيره، لكن ثورة التكنولوجيا ما سابتش حاجة في حالها، وبقى عندنا الخلاط والكبة والمطحنة والقطّاعة وتقريبًا كل الأدوات اللي بتوفر علينا وقت ومجهود في المطبخ، لكن كمان عشان التوفير بقى عنصر مهم، انتشر مؤخرًا مصطلح محضر الطعام أو (الكيتشن ماشين) اللي بيجمع بين كل أدوات المطبخ في جهاز واحد بقطع مختلفة بتقوم بمهام مختلفة.

ولأننا في ياقوطة عارفين إنتم محتاجين إيه، جبنالكم النهارده محضر الطعام التركي Bosch MCM3501M Compact، اللي هنعرفك على مواصفاته ومميزاته وعيوبه، ولو عجبك وعاوز تشتريه تقدر من خلالنا تعرف أحسن الأسعار ليه وتقارن بينهم، وكمان تطلبه وهيوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، والأسعار متغيرة صعودًا وهبوطًا وفقًا لحركة الأسواق.

الوصف

يتميز محضر الطعام أو (الكيتشن مشين) Bosch MCM3501M Compact بأنه بيوفرلك ٥٠ خاصية رائعة في مكان واحد بس وبسعر مغري جدًاعن باقي المنتجات المشابهة، ده غير إنه كمان بييجي مع خامات نضيفة جدًا من البلاستيك، وبالنسبة للمكونات البلاستيك اللي بتختلط بالأكل فهي خالية من مادة الـ BPA اللي أثبتت ضررها على جسم الإنسان لو اتعرضلها بكميات كبيرة، أما بالنسبة لإمكانياتها، فهي بتوفرلك وعاء خلط بلاستيك شفاف كبير يقدر يستوعب حتى ٢٫٣ لتر أو ٥٠٠ جرام دقيق مع باقي المكونات (بحد أقصى ٨٠٠ جرام للعجين)، مع غطاء بلاستيك شفاف وقمع عشان تضيف من خلاله الخضروات والفاكهة وتقطعيهم بسهولة، بالإضافة لـ ٦ سكاكين مختلفة بـ ٣ شفرات مزدوجة عشان تقوم بكل المهام اللي هتحتاجيها، وكمان محضر الطعام بيقدملك سرعتين، وده عشان تقدر تتحكم في كل حاجة بالمظبوط.

كمان محضر الطعام Bosch MCM3501M Compact بيقدملك مجموعة مختلفة من الأدوات اللي هتساعدك تقريبًا في معظم الأكلات، وهي:

  • أداة الخفق اللي هتساعدك تعمل الكريمة وتضرب البيض.
  • المفرمة اللي بتتكون من سكاكين معدنية حادة عشان تفرم أي خضروات لقطع صغيرة جدًا.
  • العجّانة اللي بتقدر من خلالها تخلطي أي مكونات مع بعض لحد ما تبقى متجانسة زي البيض والدقيق في العجين.
  • عَصّارة الحمضيات اللي هتساعدك تعملي عصير البرتقال والليمون الفريش بكل سهولة.
  • المطحنة الصغيرة الخاصة بكل أنواع الحبوب والمكسرات والبن.
  • ٥ أدوات معدنية لتقطيع الخضروات والفواكه بأشكال وأحجام مختلفة.
  • وأخيرًا دورق كبير للخلاط عشان تقدر تعمل من خلاله كل العصاير وصلصة الطماطم طبعًا.

المواصفات

اسم الماركة Bosch
رقم الموديل MCM3501M
استهلاك الطاقة/ قوة المحرك ٨٠٠ وات.
الوزن ١٠ كيلو جرام.
خامة الصنع بلاستيك.

المميزات

  • ٥٠ خاصية رائعة في جهاز واحد.
  • هيكل من البلاستيك خالي من مادة الـ BPA اللي أثبتت دراسات كتيرة ضررها على جسم الإنسان.
  • وعاء الخلط بحجم كبير يستوعب حتى ٢٫٣ لتر أو ٥٠٠ جرام دقيق مع باقي المكونات (بحد أقصى ٨٠٠ جرام للعجين).
  • وعاء بلاستيكي منفصل لتخزين الملحقات بسهولة مع علامات مخصصة لتحديد مكان كل قطعة عشان ما تستهلكش مساحة كبيرة.
  • الملحقات سهلة التنظيف وآمنة على غسالات الصحون.
  • ملحقات وشفرات حادة من الفولاذ المقاوم للصدأ.

العيوب

  • بعض الناس بتفضل شراء كل أداة منفردة بدلًا من شراء محضر الطعام المتكامل، تجنبًا لخسارة الأدوات كاملة بسبب تعطل المحرك الوحيد القادر على تشغيلهم.
  • الوزن الشامل لمحضر الطعام ١٠ كيلو جرام، وده يعتبر وزن تقيل وممكن يكون غير ملائم في بعض الأحيان.
  • قوة المحرك ٨٠٠ وات، في حين كثير من محضرات الطعام الأخرى بتقدم قوة محرك أفضل.
  • مش بيدعم مفّرمة خاصة باللحوم.

تجربة المستخدم

  • في بداية استخدام محضر الطعام Bosch MCM3501M Compact هتحسوا إنه صعب شوية وفيه قطع كتيرة بتتركب وتتشال، بس مع الوقت هتتعودوا عليها وتحفظوا مهمة كل قطعة وكيفية تركيبها، كمان تقدروا تستفيدوا من كتيب الإرشادات أو من فيديوهات YouTube اللي بتوضح كيفية تركيب وإزالة كل قطعة في المنتج، لكن الأهم من كل ده إنه للأسف محضر الطعام ده ما بيقدرش يفرم اللحمة، أو هتكون صعبة شوية عليه وممكن تعطل المحرك بتاعه، ولو محتاج مفرمة لحمة، يُفضل تشتري جهاز متخصص لفرم اللحمة ويكون المحرك بتاعه مناسب للمهمة دي.

خدمات ما بعد البيع

  • الشركة بوش دايمًا بتقدم ضمان على كل أجهزتها الإليكترونية، وحتى بعد الصيانة بيكون فيه ضمان سنة على القطعة اللي غيروها.

ممكن تشوف محضر الطعام Bosch MCM3501M Compact من هنا.
وكمان تقدر تشوف محضرات طعام تانية من هنا.


*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

Leave a Reply

Your email address will not be published. Required fields are marked *