شنطة لكل سيدة، ولكل ذوق
كتبت: مي سرور
شنطة الإيد مهمة جدًا لكل سيدة، لأنها بتكمل أناقتها وبتعكس جزء من شخصيتها والأهم إنها تكون شنطة عملية ومفيدة. أكيد كل سيدة بتحب تغير شنطتها من وقت للتاني ومع كل موسم، وده عشان حب التغيير والتجديد وكمان لمسايرة الموضة. بس إنها تلاقي الشنطة المناسبة مرات بتكون مهمة صعبة لأن في عناصر كتيرة بتأثر على الموضوع ده. زي طريقة اللبس ونوعيته، ذوق السيدة وأسلوب حياتها، وأكيد الميزانية. عمومًا فيه ١٠ أنواع ثابتة من الشنط، هنركز هنا على ٥ أنواع رئيسية، وهنتعرف من خلال ياقوطة على مواصفاتهم وهنعرض كمان مجموعة تناسب معظم الأذواق ولو عجبتك شنطة منهم وتحبي تشتريها تقدري تعرفي أحسن الأسعار ليها من خلالنا، وتقارني بين أسعارهم وتطلبيها كمان وهتوصل لغاية عندك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
- شنطة الكتف (Satchel bag): وهي بتحمل على الكتف وتناسب المرأة العاملة وهي متوسطة الحجم. ودي أساسي تكون عند كل سيدة.
- الشنطة المخلة (Tote bag): شنطة عملية وغالبًا بتكون كبيرة وبيد طويلة وتناسب الخروجات وحمل الأشياء الشخصية. وهي مناسبة للبنات اللي لبسهم كاجوال.
- شنطة بدون يد (Clutch bag): غالبًا بتكون صغيرة ولامعة، ودي للسهرات والمناسبات وبتكون متوسطة الحجم ودي بتناسب الاستعمال اليومي.
- شنطة الظهر (Backpack): عملية وتناسب البنات.
- شنطة كروس (Cross bag): تعتبر شنطة وسط بين شنطة الظهر وشنطة الكتف وغالبًا بتكون صغيرة أو متوسطة الحجم ويميزها يد طويلة قوية قابلة للتعديل. وعشام كده تناسب الفتيات والسيدات.
وفيه كمان ٥ حاجات مهم تدوري عليهم في أي شنطة عشان تختاري شنطة اليد المناسبة ليكي
١-الطول
طول يد الشنطة مهم يتناسب مع حجمك. خط الوسط هو اللي بيحدد طول الشنطة المناسبة ليكي. فلو كان الجزء الأسفل من جسمك رفيع تكون الشنطة اللي إديها طويلة وتصل بعد خط الوسط حتى منطقة الأرداف مناسبة ليكي. أما لو كان الجزء الأسفل عريض فالشنطة المناسبة ليكي هي اللي إيديها بالكاد تصل لخط الوسط ولا تتعداه. وعامة الشنط اللي إيديها بتوصل حتى خط الوسط بتناسب جميع الأجسام.
٢-الحجم
ما تجريش وراء الموضة إذا كانت لا تناسبك، فالشنط الصغيرة – حتى لو كانت موضة -مش بتناسب الطويلات أو اللي جسمهم مليان شوية. وكمان الشنط الكبيرة مش بتناسب اللي جسمهم صغير.
٣-الشكل
اختاري شكل الشنطة اللي يكمل شكلك انتي. وعشان تعملي كده فكري في شنطة تكون بالظبط عكس شكلك العام. يعني لو كنتي طويلة ورفيعة اختاري شنطة تكون مستديرة وطرية يعني مالهاش زوايا حادة. أما لو كنتي قصيرة ومليانة شوية فختاري شنطة زواياها محددة.
٤-النوع
نوع الشنطة ضروري إنه يكون ملائم لأسلوب حياتك ولبسك عامة. يعني لو لبسك كاجوال مش هيكون مناسب ليكي الشنط الكلاسيكية التقليدية اللي يدها قصير، المناسبة ليكي هتكون الشنطة المخلة Tote أو الكروس أو شنطة الظهر Backpack. وحتى لو بتختاري شنطة لمناسبة معينة أكيد هيكون شكلها ينفع للمناسبة الخاصة دي (سهرة أو فرح مثلًا) ونفس الوقت تكون مناسبة لشخصيتك وذوقك لأن الشنطة زي كل حاجة بتختاريها لازم يكون فيها جزء من شخصيتك.
٥- الاستخدام
هتستخدمي الشنطة في إيه؟، ده أهم وأول عنصر تفكري فيه. سواء كانت الشنطة للاستعمال اليومي للعمل أو للخروج، أو لحمل الكتب أو للذهاب للنادي والجيم، ضروري يكون في ذهنك الحاجات اللي هتشيليها في الشنطة. ولما تلاقي الشنطة المناسبة لازم تشوفي إمكانياتها يعني هل فيها جيوب كافية، مكان للموبايل وسوستة تشيلي فيها الفلوس.
وهنتعرف دلوقتي على مجموعة مختلفة ومتمزية من الشنط
Indian Style Black BackPack
- شنطة كاجوال من الحجم المتوسط من نوع الـ Backpack .
- من الجلد الصناعي.
- تطريز بالخيوط بأسلوب فني هندي.
- أبعادها ٣٧ × ٢٧ سم.
- تناسب البنات والشابات للاستخدام اليومي في النادي أو الخروجات.
شوفي شنطة Indian Style Black BackPack من هنا.
Classic Handbag
- شنطة كلاسيكية من الحجم المتوسط وبإيد قصيرة.
- من الجلد الصناعي.
- أبعادها ١٨ × ٢٨ سم
- تناسب السيدات.
Handbag Black
- شنطة بيد ثابتة متوسطة الطول وأخرى طويلة متحركة.
- من الجلد الصناعي بلون أسود.
- حجمها كبير وبها جيب خارجي وحلية رسمة فراشة.
- تجمع بين نوعية Tote & satchel bag تناسب البنات والسيدات.
شوفي شنطة Handbag Black من هنا.
Classic Light Brown Handbag
- شنطة كلاسيكية متوسطة الحجم.
- بإيد ثابتة قصيرة وأخرى طويلة متحركة.
- من الجلد الصناعي بلون بيج.
- أبعادها ٢٣ × ٢٠ سم.
- من نوع Satchel bag تناسب السيدات.
شوفي شنطة Classic Light Brown Handbag من هنا.
Light Brown Cross Body Bag
- شنطة كاجوال وعملية، بيد طويلة cross قابلة للتعديل.
- من الجلد الصناعي بلون بني فاتح.
- تناسب الشابات والبنات.
شوفي شنطة Light Brown Cross Body Bag من هنا.
Woman’s Dark Blue Back Pack
- شنطة من نوع الـ Backpack.
- من الجلد الصناعي بلون أزرق غامق.
- أبعادها ٢٤ × ٣٠ سم
- تناسب الشابات والسيدات.
شوفي شنطة Woman’s Dark Blue Back Pack من هنا.
White Flower Handbag
- شنطة كلاسيكية صغيرة بيد قصيرة.
- من الجلد الصناعي بلون أبيض وبها حلية على شكل زهرة.
- أبعادها ١٣ × ٢٢ سم.
- تناسب السيدات.
شوفي شنطة White Flower Handbag من هنا.
وممكن كمان تشوفي أكتر ٧ شنط شهرة على ياقوطة في ٢٠١٧ هنا.
قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.