ماكينة حلاقة لكل رجل

مميزات وعيوب و سعر ماكينات الحلاقة للرجال في مصر

كتب: محمد حمدي

تعتبر حلاقة الدقن واحدة من أقدم الأمور اللي قام بيها الراجل علشان يكون مظهره أفضل وكجزء من العناية بصحة البشرة. لكن الرفاهية اللي كانت متاحة للناس في زمان كانت أقل بكتير من اللي بنشوفها في حياتنا اليومية النهارده، وده بسبب التطور التكنولوجي اللي ما سابش كبيرة أو صغيرة في حياتنا من غير ما يتدخل فيها ويخليها أسهل كمان.

كمان بقت العناية بالبشرة وشكل الدقن من الحاجات المهمة اللي بيتم تقييم كتير من الناس بخصوصها سواءً في مقابلات العمل أو في العلاقات الاجتماعية ما بينهم، خصوصًا مع رجوع الدقن الطويلة والمهذبة بعناية كموضة تاني بعد غياب.

وعلشان كده ياقوطة النهارده هتستعرض معاكم مجموعة من ماكينات الحلاقة المميزة والمتطورة واللي بتناسب أي نوع من أنواع الدقن أو أي ستايل تحبوا دقنكم تكون عليه. لو كنتم من محبي حلاقة الدقن أو تهذيبها وتحديدها، الموضوع ده هيكون مثالي بالنسبة لكم.

كمان راعينا في ماكينات الحلاقة اللي بنقدمها لكم إنها تكون متفاوتة من حيث الأسعار بحيث تناسب كل الميزانيات على اختلافها، ومختلفة في الإمكانيات علشان نرضي كل الأذواق والأطراف. ووفرنالكم منتجات تقليدية تماما للناس اللي بتحب الـ Old school فيما يتعلق بحلاقة الدقن.

ماكينات الحلاقة دي كلها متاحة على ياقوطة، وتقدروا تعرفوا أحسن الأسعار ليها وتقارنوا بينهم كمان. ولو عجبتكم ماكينة حلاقة منهم وعاوزين تشتروها تقدروا تطلبوها من خلالنا وهتوصل لغاية عندكم في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

أسئلة قبل الشراء

أما لو كنتم محتارين في اختيار نوع ماكينة الحلاقة المناسبة لكم، هنطرح عليكم بعض الأسئلة اللي ممكن تكون مفيدة وعملية لكم قبل خطوة الشراء.

١. طبيعة الاستخدام

مهم تسأل نفسك عن طبيعة استخدام ماكينة الحلاقة. يعني هل هتستخدمها لحلاقة الشعر ولا الدقن ولا الشعر والدقن؟ وهل هتستخدمها لحلاقة الدقن كلها، ولا للتحديد والتهذيب بس؟ وهل من المفيد لك وجود أكتر من فرشاة للاستخدام بمقاسات مختلفة؟ وهل هتحتاج قطعة منفصلة لإزالة الشعر الزائد في الأنف والأذن ولا الأمور دي بالنسبة لك كمالية والمطلوب ماكينة حلاقة تقليدية؟

٢. معادلة سهولة الاستخدام VS السعر VS الإمكانيات المتطورة

نقدر نقول لك إنك هتاخد ٢ بس من ٣ عوامل من العوامل دي. بالتالي عليك الاختيار بين سعر مناسب واستخدام سهل وفي المقابل الماكينة مش هتكون متطورة قوي، أو سعر مناسب وإمكانيات متطورة وفي الحالة دي الاستخدام مش هيكون سهل لأن الموديل مش هيكون مشهور. وأخيرًا طبعًا تقدر تختار ماكينة حلاقة سهلة الاستخدام وإمكانياتها متطورة، بس في الحالة دي لازم يكون عندك استعداد تدفع أكتر شوية.

٣. الميزانية المحددة

وأخيرًا تعتبر الميزانية من أهم الأمور اللي لازم تضعها في الاعتبار، لأن تقريبا ٩٠٪ من قرارات الشراء بتتوقف على الميزانية المحددة، ولازم يتم التفرقة بين ميزانية الهدية الشخصية وميزانية الجهاز اللي بيتم شراؤه للاستخدام الشخصي.

Braun MGK3080 ماكينة حلاقة متعددة الاستخدامات – ٩ × ١

براون بتقدم لنا هنا عدة حلاقة مناسبة لكل أنواع الحلاقة تقريبًا. وبيقدر أي واحد يحلق دقنه أو شعره من خلال عدة مكونة من ٩ قطع عبارة عن قطعة رئيسية للحلاقة بالكهرباء، مع ٧ رؤوس قابلة للتركيب بشكل منفصل وأخيرًا ماكينة حلاقة يدوية تقليدية من جيليت مع إمكانية التحرك بانسيابية على الوجه.

المواصفات

الماركة براون.
عدد القطع ٩ قطع + ٧ رؤوس.
الاستخدامات تهذيب – قص الشعر – قطعة للأنف والأذن.
نوع الحلاقة حلاقة جافة – حلاقة بالماء.

تقدر تشوف Braun MGK3080 ماكينة حلاقة متعددة الاستخدامات – ٩ × ١ من هنا.

Kemei KM-4003 Wet & Dry For Men – Foil Shavers

الناس العملية اللي بتحب ماكينات الحلاقة اللي سعرها قليل، واللي بتقدم تجربة حلاقه جيدة في نفس الوقت هيلاقوا مع  KM-4003 التوليفة المناسبة بين المهام الأساسية للحلاقة والسعر المناسب في نفس الوقت.

المواصفات

الماركة كيمي KM
عدد القطع قطعة واحدة + رأس واحدة.
الاستخدامات تهذيب – قص الشعر.
نوع الحلاقة حلاقة جافة – حلاقة بالماء.

شوف ماكينة الحلاقة Kemei KM-4003 Wet & Dry For Men – Foil Shavers من هنا.

Philips S5100/06 Electric Shaver Dry For Men

فيلبس كانت ولا تزال اسم مميز في عالم أدوات الحلاقة بشكل خاص والأجهزة الكهربائية بشكل عام، والحقيقة إننا قابلنا كتير من الرجال واللي بيفضلوا منتجات فيلبس عن أي منتجات تانية فيما يتعلق بأدوات الحلاقة.

المواصفات

الماركة فيلبس.
عدد القطع قطعة واحدة + رأس واحدة.
الاستخدامات تهذيب – حلاقة الدقن.
نوع الحلاقة حلاقة جافة – تنظيف الماكينة بالماء.

شوف ماكينة الحلاقة Philips S5100/06 Electric Shaver Dry For Men من هنا.

Philips – Electric Shaver – AT890

لسه مع فيلبس وماكينة حلاقه تانية بنعتبرها الحل المثالي للناس اللي بتحتاج تحلق دقنها بشكل يومي أو شبه يومي بسبب ظروف الشغل مثلًا، بالتالي الماكينة دي بتقدم لهم الحل المثالي لإنها بتحلق الدقن بشكل مثالي في أقل من ٣ دقايق يوميًا، ولو أضفنا للميزة دي ميزة سهولة التنظيف هنكون بنتكلم عن توليفة حلوة للناس اللي عاوزه تاخد مظهر جيد في وقت قليل.

المواصفات

الماركة فيلبس.
عدد القطع قطعة واحدة + رأس واحدة.
الاستخدامات تهذيب – حلاقة الدقن.
نوع الحلاقة حلاقة جافة – حلاقة بالماء.

شوف ماكينة الحلاقة Philips – Electric Shaver – AT890 من هنا.

باناسونيك ES-LV61-A تعمل مع رطب وجاف للرجال – ماكينة حلاقة شفرة

ومن فيلبس لباناسونيك. وبالنسبة للناس اللي بتتنقل كتير وبتسافر من مكان لمكان هتعتبر ماكينة الحلاقة دي ممتازة جدًا. أولًا بسبب صناعتها المميزة واللي بتتميز بيها باناسونيك في كل منتجاتها تقريبًا، وثانيًا بسبب التصميم الفريد والمميز من نوعه، وطبعًا بسبب الجراب اللي بييجي مع الماكينة واللي بيخلي تخزينها والتنقل بيها أسرع وأسهل.

المواصفات

الماركة باناسونيك.
عدد القطع قطعة واحدة + رأس واحدة + جراب + شاحن.
الاستخدامات تهذيب – حلاقة الدقن.
نوع الحلاقة حلاقة جافة – حلاقة بالماء.

شوف ماكينة الحلاقة باناسونيك ES-LV61-A تعمل مع رطب وجاف للرجال – ماكينة حلاقة شفرة

Philips PQ206 Electric Shaver Plus

فيه ماكينات للحلاقة بتجمع بين الشكل الجميل الانسيابي والسعر المناسب والإمكانيات المميزة، وده كان شعورنا لما شوفنا PQ206 من فيلبس. أولًا هي من شركة موثوق فيها وقوية، وهي شركه فيلبس واللي زي ما قولنا لها باع طويل في مجال صناعة وبيع أجهزة الحلاقة، ثانيا شكلها جميل وعصري وجذاب.

المواصفات

الماركة فيلبس.
عدد القطع قطعة واحدة + رأس واحدة.
الاستخدامات تهذيب – حلاقة الدقن.
نوع الحلاقة حلاقة جافة – حلاقة بالماء.

شوف ماكينة الحلاقة Philips PQ206 Electric Shaver Plus من هنا.

Remington PR1370 Power Series Aqua Pro Electric Rotary Shaver

الناس اللي بتحب تجرّب ماركات مختلفة ممكن تجرب ماكينة الحلاقة من Remington في الحقيقة هي مش بتقدم إمكانيات أو شكل أفضل بكتير من باقي الماركات اللي استعرضناها خلال بحثنا، وفي نفس الوقت يعتبر سعرها غالي شوية، لكن مقابل سهولة استخدامها وبطاريتها اللي بتدوم لوقت طويل تعتبر صفقة كويسة بالنسبة لكتير من المستخدمين.

المواصفات

الماركة Remington
عدد القطع قطعة واحدة + رأس واحدة. 
الاستخدامات تهذيب – حلاقة الدقن.
نوع الحلاقة حلاقة جافة – حلاقة بالماء.

شوف ماكينة الحلاقة Remington PR1370 Power Series Aqua Pro Electric Rotary Shaver من هنا.

Gillette ماكينة الحلاقة جيليت ماك 3 + ٤ رؤوس

أما الناس اللي بتحب تجارب الحلاقة التقليدية اللي مفيهاش تعقيد أو استعمال بطاريات أو أمواس غاية في القوة وأسعار عالية، بننصحهم بتجربة ممتازة لماكينات الحلاقة التقليدية من جيليت.

الميزة الأساسية لماكينات ماك 3 هي إنها بسيطة وسهلة الاستخدام، وأمواسها متوافرة وسعرها قليل مقارنة بأمواس أي ماكينة أخرى، أما الميزة الأهم هي إن الماكينة سعرها قليل مقارنة بأي ماكينة حلاقة بالكهرباء، وفي نفس الوقت نتيجتها قوية وجيدة وتستحق التجربة لو كنت من الناس اللي بتحب الحلول التقليدية واللي لسه مؤثرة لحد النهارده.

المواصفات

الماركة جيليت.
عدد القطع قطعة واحدة + ٥ أمواس حلاقة. 
الاستخدامات تخفيف – حلاقة الدقن.
نوع الحلاقة حلاقة بالماء.

شوف Gillette ماكينة الحلاقة جيليت ماك 3 + ٤ رؤوس من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

Leave a Reply

Your email address will not be published. Required fields are marked *