إكسسوارات لحمّام رائع وعملي

stunning bathroom-04

كتبت: أماني سمير

 الحمّام من أكتر الأماكن اللي كلنا بنقضي فيه وقت مش قليل في البيت، وعشان كده بنهتم دايمًا بإنه يكون مريح. تعتبر إكسسوارات الحمّام ومكملات الأناقة الخاصة بيه جزء مهم من ديكور أي حمّام، و ده لإنها بتضيف لمسات أنيقة وعملية تخلّي حمّامك أكتر عصرية ورفاهية.

ولإن ياقوطة يهمها دايمًا راحتكم وسعادتكم، هنعرض عليكم مجموعة متنوعة من المنتجات العصرية اللي هتناسب شكل حمّامكم مهما كان شكله او مساحته، تقدروا تشوفوها وانتم قاعدين في مكانكم وتتعرفوا على مميزاتها ومواصفاتها، وكمان تعرفوا بتتباع فين وبكام قبل ما تشتروا. ولو عجبكم منتج منهم وعايزين تشتروه أونلاين، اطلبه في أي وقت وهيوصلكم لحد باب البيت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

١- حامل بكر المنديل

الحامل ده بيتميز بشكله الأنيق والجذاب علشان يضيف لحمّامك لمسة عصرية تليق مع ديكوره سواء كان مودرن أو كلاسيك، وهو مصنوع بالكامل من المعدن المقاوم للصدأ ومزود بغطاء عريض علشان يحمي بكرة المنديل من البلل أو التراب وتفضل نضيفة وصحية طول فترة استخدامها.

شوف حامل بكرة المنديل، بسعر يبدأ من ١٧٩ جنيه مصري.

٢- حوض غسيل مسطح

مع إن تصميم الحوض ده بسيط، لكن شكله أنيق خصوصًا إنه مصنوع من البورسلين الناعم وكمان قوي ويستحمل معاك. الحوض ده بيتميز بلونه الأبيض اللي يناسب كل الحمّامات مهما كان شكلها أو حجمها.

شوف حوض غسيل مسطح، بسعر يبدأ من ٢٥٠٠ جنيه مصري.

٣- خلّاط حوض

هو خلّاط تم تصميمه بتكنولوجيا مبتكرة تتناسب مع متطلبات العصر ليمنحك تجربة مختلفة تحس معاها بالمتعة وسهولة الاستخدام، الخلّاط بمقبض واحد مصنوع من المعدن المقاوم للصدأ وقلب الخلّاط مصنوع من السيراميك بتقنية السيلك موف (الحركة الناعمة) عشان يسهل عليك التحكم في درجة حرارة المياه بطريقة مناسبة ليك من غير أي مجهود.

شوف خلّاط حوض، بسعر يبدأ من ١٠٥٠ جنيه مصري.

٤- حامل فرشاة حمّام

تعتبر فرشاة الحمّام من أهم أدوات النضافة اللي بتحافظ على التواليت وتخليه نضيف وصحي طول الوقت، عشان كده اخترنالك الحامل ده وهو مصنوع بالكامل من المعدن المقاوم للصدأ ومزود بحامل معدني كمان عشان يحافظ على شكل حمّامك شيك ويكون متماشي كمان مع ديكوره.

شوف حامل فرشاة حمّام، بسعر يبدأ من ٤٢٥ جنيه مصري.

٥- مجموعة دُش الاستحمام

هو عبارة عن دُش رئيسي بالخلاط ومعاه دُش متحرك لاستخدامه بحرية وخصوصًا لو عندك أطفال صغيرين. مع المجموعة دي هتلاقي تجربة استحمام ممتعة، فمحركات الدُش المتطورة الموجودة جوة رأس الدُش هتوفرلك دقة متناهية وثبات في توزيع المياه يسمح لك بالحصول على تدفق مياه معتدل أو نشط في أي وقت عشان يناسب جميع أفراد الأسرة.

شوف مجموعة دُش الاستحمام، بسعر يبدأ من ١٦٠٠ جنيه مصري.

٦- سجادة ملونة

تتميز السجادة بألوانها الزاهية والمتناسقة مع بعضها، ده غير تصميمها الشيك بيضاوي الشكل. هتضيف السجادة دي لمسة من الجمال والعصرية لديكور حمّامك مهما كان شكله أو حجمه، وهي مصنوعة من ألياف القطن وممكن غسلها وتنضيفها بكل سهولة.

شوف سجادة ملونة، بسعر يبدأ من ١٩٩ جنيه مصري.

٧- مقبض حمّام

يتميز هذا المقبض بروعة التصميم خصوصًا إن لونه نحاسي واللون ده بيجمع بين روح العصر الحالي وأصالة الماضي، وهو سهل وعملي في استخدامه ويتناسب مع ديكور حمّامك سواء كان مودرن أو كلاسيك.

شوف مقبض حمّام، بسعر يبدأ من ٣٣٠ جنيه مصري.

8- مرآة حائط مطويّة

تتميز المرآة بشكلها الجذاب والمبتكر بالإضافة لكونها عملية ومريحة في استخدامها وممكن تتحكم في وضعها بالمسافة اللي تناسب احتياجاتك اليومية وعند الانتهاء منها يمكنك إعادة تطبيقها مرة تانية، وهي سهلة التركيب على مجموعة متنوعة من الأسطح الملساء ومناسبة للاستخدام في المناطق الرطبة والجافة لإنها مصنوعة من المعدن المقاوم للصدأ والمطلي بالكامل بالكروم  وده بيحافظ عليها دايمًا بتلمع.

شوف مرآة حائط مطوية، بسعر يبدأ من ٣٩٠ جنيه مصري.

٩- سلة غسيل

هذه السلة تتميز بشكلها العصري والعملي في نفس الوقت وممكن وضعها في أي غرفة أو في الحمّام فهي سهلة الحمل والطي علشان تداري الهدوم لو محتاجة غسيل. ممكن تشيل فيها الهدوم النضيفة أو الهدوم اللي محتاجة تتغسل، فهي سلة متعددة الاستخدامات عشان تكون جاهزة دايمًا في أي وقت.

شوف سلة غسيل، بسعر يبدأ من ٣٢٠ جنيه مصري.

١٠- طقم مناشف حمّام

والطقم ده بيتكون من ٥ قطع بأحجام مختلفة علشان تناسب كل الاستخدامات وتكون مناسبة لكل أفراد الأسرة، وهو مصنوع بالكامل من القطن المصري للحفاظ على سلامتك وسلامة عائلتك. بيتميز الطقم ده بألوان متعددة ومميزة لتختار منها اللي يناسب ذوقك وديكور حمّامك.

شوف طقم مناشف حمّام، بسعر يبدأ من ٥٢٠ جنيه مصري.

١١- مجلة ديكورات الحمّام

عن طريق المجلة دي هتقدر تعرف وتشوف أكتر من ١٥٠ فكرة مبدعة وعصرية لديكور الحمّام مهما كان حجمه، وكمان بتقدم لك أهم التصميمات لأشهر المهندسين اللي حققوا حلول مبتكرة ومذهلة كانت مناسبة مع احتياجات وأذواق عملائهم. مش كده وبس، دي كمان بتعرض لك طرق الإضاءة المختلفة وأشكال الحوائط والشبابيك والإكسسوارات المختلفة زي الدش والتواليت والبانيو علشان تكون مصدر أساسي تعتمد عليه وانت بتصمم حمّامك أو وانت بتجدد ديكوره.

شوف مجلة ديكورات الحمّام، بسعر يبدأ من ٢١٠ جنيه مصري.

١٢- مجفف مناشف كهربائي

ويعتبر المجفف ده فكرة رائعة وعملية تخلي المناشف جافة وصحية باستمرار ويحافظ عليها من البلل خصوصًا إن البلل بيخليها عرضة لتكون البكتريا والفطريات، وهو مصنوع من الاستانلس استيل المقاوم للصدأ ويتمتع بقوة ٤٥ وات وده هيوفرلك درجة الحرارة المناسبة لتجفيف المناشف في أسرع وقت وتكون دايمًا جاهزة للاستخدام.

شوف مجفف مناشف كهربائي، بسعر يبدأ من ١٥٩٧ جنيه مصري.

١٣- ستارة حمّام

الستارة دي مصنوعة من قماش البوليستر المقوى مع غطاء طارد للمياه ومزودة كمان بحزام مطاطي في الحافة السفلية ليضيف وزن للستارة ويضمن تعليقها بشكل مستقيم. مقاسها ٢٠٠ سم للطول و ١٨٠ سم للعرض وبتتميز بنقشاتها الجميلة وألوانها الزاهية اللي بتضيف لشكل حمّامك العصري.

شوف ستارة حمّام، بسعر يبدأ من ٢٩٠ جنيه مصري.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

Leave a Reply

Your email address will not be published. Required fields are marked *