كتبت: أمنية عزمي

مفيش أحلى من إحساس الراحة والسعادة بالبيت وهو نضيف وكل حاجة بتلمع حواليك، وبما إن شغل البيت متجدد ومش بيخلص حبينا نقولكم على شوية أدوات ومنظفات لبيت نضافته ما حصلتش، تابعنا مع ياقوطة واتعرف على كل منتج ومميزاته، ولو عجبك وحبيت تشتريه تقدر تطلبة من خلالنا وهيوصلك لحد البيت.

بنفكرك إنك ممكن تشتري أهم أدوات النظافة من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وصورة إيصال مرافق وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

ماكسيل ماجيك كريستال 700 مللي

ماكسيل ماجيك كريستال فعلا إسم على مسمى، بيلمع الزجاج بشكل رائع والأهم إنه مش بس لمعته رائعة لا دا بيشيل أي روايح موجودة مكان الأكل لو بتلمع به السفرة مثلا بعد الوجبات، وهو نفسه ليه روائح مختلفة بتعطر المكان بشكل رائع منها الشفاف بريحة الصنوبر كمان وتقدر تختار الريحة على ذوقك، الرشاش بتاعه صناعته عالية جدا وبالتالي بتقدر تجيب الغيار بس بدون الرشاش لفترة طويلة بسعر أقل.

شوف ماكسيل ماجيك كريستال 700 مللي من هنا.

بليدج منظف الباركيه

الأرضيات الباركيه ليها فخامتها وبتدي شياكة للمكان لكن بتحتاج عناية خاصة علشان ما تبوظش، تنضيف الباركيه بيكون عن طريق تلميعه مرة لمرتين في الاسبوع ببليدج الأرضيات عن طريق وضع كمية صغيرة في الغطاء وتوزيعها عالباركيه وتسيبه ينشف وتلمعه بفوطة ناعمة أو بممسحة الباركيه المخصصة ليه، البليدج بيحافظ على لمعة الباركيه طول الوقت وبيحميه لأنه فيه شمع طبيعي بيحافظ عليه بطبقة حماية ويديله لمعة لفترة طويلة، وطبعا فيه منه نوع للأثاث الخشب بروائح مختلفة.

شوف بليدج منظف الباركيه من هنا.

هاربيك منظف الحمامات 

هاربيك من المنتجات اللي اتشهرت من أول ما نزلت السوق ودا لأن مفعوله سحري في تنضيف الحمامات خاصة لو فيه لون أصفر في التواليت أو حوالين قاعدة التواليت على الأرض وفي الأركان، واللون دا بيتكون إما نتيجة غلق الشقق فترات السفر الطويلة أو نتيجة تنضيف الحمام بمنظفات عادية طول الوقت فا بيكون رواسب ومش بتنضف، لكن مع استخدام هاربيك كل فترة هتلاقي مفيش أي ترسبات وبيخلي التواليت أبيض ناصع وريحته حلوة لوقت طويل، متوفر بروايح مختلفة.

شوف هاربيك منظف الحمامات بريحة الخوخ والياسمين- 450 مللي من هنا.

لاستر منظف الحمامات

لاستر منظف الحمامات هايل لتنضيف الحمامات عامة والحوائط والأرضيات وكل ما هو سيراميك خاصة، بترج العبوة وترش على أي مكان فيه ترسبات وتسيبه 5 دقايق وتنضف بسفنجة عادية والنتيجة هتكون مفاجأة لأن دايما أكتر حاجة بتاخد وقت هي الترسبات عالحوائط وفي الحمامات، جربوا قوة لاستر في التنضيف.

شوف لاستر منظف الحمامات من هنا.

منظف ثلاجات، ميكروويف، مع منظف أفران سبراي ماجيك من ماكسيل

نيجي للمطبخ روح البيت كله، ماكسيل عامل منتجين واحد للأفران بيزيل أصعب الدهون من كل أماكن الطبخ، بيترج ويترش على الدهون في الأفران وعلى البوتاجاز والميكروويف وعلى الحوائط كمان المتأثرة بالزيوت وممكن يستخدم كمان في تنضيف الشفاطات، بيسيح الدهون ويخليها تنضف بطريقة سهلة جدا ومش بتحتاج تستخدمه غير كل فترة.

ماكسيل للثلاجات، بينضف ويعقم في نفس الوقت وبيحافظ على الثلاجات من البكتيريا اللي بتتسبب في فساد الخضروات والأكل جوا الثلاجة، بيشيل أي ألوان وبقع بسهولة، وبالنسبة لكاوتش باب الثلاجة بتغلي مية مرة كل 6 شهور ل سنة وتنزل بها على الكاوتش وبعدين يتنضف عادي بماكسيل، هتلاقيه رجع جديد تاني بنفس كفائته.

شوف منظف ثلاجات، ميكروويف، مع منظف أفران سبراي ماجيك من ماكسيل من هنا.

منظف كلوركس متعدد الأغراض، 1 لتر

كلوركس ليه منتجات كتير في السوق، لكل حاجة استخدام، كلوركس الأخضر دا بيستخدم في التنضيف للأرضيات السيراميك البيضاء وبيديها لمعة قوية وبيطهر المكان بمجرد كمية بسيطع جدا أد ملو غطا الزجاجة على كمية مية المسح للأرضيات لأن الكميات الكبيرة منه بتعمل مفعول عكسي وبتطفي اللمعة، وبتقدر تنضف وتطهر به كمان فوط التنضيف بوضع كمية قليلة منه على فوط التنضيف أثنائ غسلها.

شوف منظف كلوركس متعدد الأغراض، 1 لتر من هنا.

سائل غسيل الأطباق فيري ألترا المركز برائحة الليمون 650 ملي

فيري سائل غسيل الأطباق ملوش منافس أصلا في السوق المصري وبيتربع على عرش الأنواع كلها عن تجربة، قوة تنضيف مختلفة مع الليمون ولمعان الكريستال وتقريبا من الأنواع النادرة اللي بتحافظ على نعومة الإيدين دونا عن باقي الأنواع التانية اللي لازم تدمر الجلد مع الاستخدام، مركز جدا وكمية قليلة جدا منه كافية ولو حسبتها من ناحية السعر هتلاقيه إنه رغم سعره العالي لكن بيعيش أكتر من الأنواع التانية بسبب تركيزه، اللي بيجربه مش بيتنازل عن نضافته، والأصفر أفضلهم في الاستخدام يليه الأخضر لكن الجديد اللي بالتفاح وغيره مش حلو.

شوف سائل غسيل الأطباق فيري ألترا المركز برائحة الليمون 650 ملي من هنا.

فوط تنظيف ميكروفايبر- 6 قطع

النوع دا من الفوط الميكروفايبر انتشر الفترة الأخيرة بكثرة وبقى يتباع في كل مكان ودا لأن الطلب عليه عالي وكله مميزات وسعره حلو جدا، مصنوع من ألياف دقيقة ناعمة 80% منها بوليستر و20% قطيفة، رائع في تنضيف الخشب بالبليدج وبتنفع في التنضيف العادي للمطبخ وهايلة في تلميع تابلوهات العربيات وتقدر تستعملها في أي نوع تنضيف، قوة امتصاصها للمية عالية جدا، وبتتغسل بسهولة وترجع زي الأول وبتحتفظ بقوامها مهما غسلتها عدد مرات كتير، تقدر تعتبرها الفوطة الجوكر في التنضيف. 

شوف فوط تنظيف ميكروفايبر- 6 قطع من هنا.

**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.