مراجعة لاب توب HP 255

كتبت: منى عوض

كتير جدًا من المستخدمين بيفضل الاعتماد على اللاب توب في أي شغل بيقوم بيه، وده لسهولة حمله ولإمكانياته العالية، وكمان لسهولة التنقل بيه في البيت أو أي مكان تاني. 

ورغم إن الموديلات المتاحة في السوق كتيرة وده بيسهل على المستخدم شراء واختيار الموديل المناسب ليه، فهو وفي نفس الوقت بيكون محتار لإن التنوع والاختلاف ده بيخلي كتير برضه يحتاروا ويترددوا في اختيار موديل مناسب.

هنتكلم النهارده عن لاب توب HP 255 G6. ومن خلال الريفيو ده تقدر تعرف مواصفات ومميزات وكمان عيوب اللاب توب ده، ولو عجبك الموديل وعاوز تشتريه تقدر تعرف أحسن الأسعار ليه وتقارن بينهم وممكن كمان تطلبه من خلال ياقوطة وهيوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

  • موديل اللاب توب:  HP 255 G6.
  • معالج اللاب توب من نوع AMD من فئة Core E2.
  • سرعة المعالج:  1.6 جيجاهرتز.
  • نوع نظام التشغيل: DOS.
  • كارت الشاشة AMD Radeon R2‎.
  • اللاب توب بيدعم رامات ٤ جيجابايت.
  • الهارد ديسك الخاص باللاب توب من نوع SATA مساحته ٥٠٠ جيجابايت.
  • شاشة LED رفيعة وحجمها ١٥٫٦ بوصة ودقتها عالية ١٣٦٦ × ٧٦٨ بكسل.
  • أبعاد الجهاز ٣٨ × ٢٥٫٣٨ × ٢٫٣٨ سم ووزنه حوالي ١٫٨٦ كيلوجرام.
  • الجهاز بيتصل بالإنترنت من خلال شبكات الواي فاي وبيتصل بالأجهزة الثانية من خلال شبكات البلوتوث.
  • بيحتوي على منفذ USB 3.0 ومنفذ USB 2.0 ومنفذ HDMI لتوصيل اللاب توب بشاشات التليفزيون، ومنفذ واحد مشترك بين توصيل سماعات خارجية وميكرفون.
  • بطارية اللاب توب ليثيوم أيون مكونة من ثلاث خلايا بسعة ٣١ وات في الساعة.
  • اللاب توب مزود بكاميرا HD بدقة ١ ميجابكسل ومزود كمان بميكرفون.

المميزات

  • حجم الشاشة ونوعها بيدي المستخدم نقاء ووضوح كبير للصورة. وكمان حجمها بيعتبر مناسب ومريح جدًا في الاستخدام.
  • بطارية الجهاز قوية جدا بتدوم لحد ٧٫٣ ساعة من التشغيل المستمر.
  • الجهاز بيدعم وجود مجموعة من المنافذ اللي بتقبل توصيل اللاب توب بأجهزة مختلفة.
  • الجهاز بيدعم وجود DVD-Reader / DVD-Writer.
  • الماوس بتاع اللاب توب (Touchpad) مزود بتقنية اللمس المتعدد (Multi-Touch) يعني هتقدر تستخدم أكتر من بصمة إصبع في نفس الوقت عشان تخلص أي عملية بتقوم بيها.
  • بيدعم ميزة HP Noise Cancellation اللي بتحد من الضوضاء الخلفية، زي مثلاً نقرات لوحة المفاتيح.

العيوب

  • نظام التشغيل DOS وده معناه إن المستخدم هيحتاج إنه يضيف نظام تشغيل جديد سواء كان النظام ده Windows أو Linux.
  • كارت الشاشة بيعتبر مش الأقوى بالنسبة لمحبي الألعاب.
  • البروسيسور ضعيفة وتبطئ من استخدام الجهاز أو إتمامه للمهام الشاقة، وكمان كارت الجرافيك موديل الـ Built in بيُعتبر ضعيف.
  • مش بيدعم منفذ لقراءة كارت الميموري الخارجي.
  • المساحة التخزينية للاب توب ٥٠٠ جيجابايت فقط.
  • منفذ توصيل السماعات الخارجية والميكرفون مشترك بينهم.

رأي الخبراء

المهندس أحمد طايل عنده خبرة كبيرة في مجال هندسة البرمجيات، عشان كدا حبينا ناخد رأيه في اللاب توب ده من HP، وكان رأيه كالآتي:

  • شاشة اللاب توب حجمها كبير ١٥٫٦ بوصة ودي بتعتبر حاجة مريحة للعين جدًا خلال الاستخدام المستمر على الرغم من أن دقتها مش قوي.
  • البروسيسور بتاعة اللاب توب مقدمة من شركة AMD وفئتها Core E2 وده معناه أن معالجة البيانات هتكون بطيئة إلى حد ما على اللاب توب أو بمعنى أصح مش هيبقى متاح تنفيذ أي عمليات عالية أو لعب ألعاب تقيلة على الجهاز.
  • كارت الجرافيك Built in وده بيعتبر ضعيف ومن الصعب تشغيل أي ألعاب أو برمجيات أو أي حاجة تقيلة على اللاب توب.
  • وكمان الجهاز بطيء في وحدة معالجة الرسوميات GPU، يعني لو بتلعب لعبه بيحصل بطء صريح في الوحدة دي، وده بحسب شكاوى الناس اللي استخدمت اللاب توب قبل كده.
  • البطارية ليثيوم أيون بتقعد لحد ٧٫٣ ساعة ودي تعتبر واحدة من المميزات القليلة في اللاب اللي تخلي أي مستهلك أنه يشتريه، بجانب وزن اللاب توب الخفيف وشكله الأنيق.
  • الهارد ديسك من النوع SATA ومساحته ٥٠٠ جيجابايت وفيه من الهارد نسختين واحدة سرعتها ٥٤٠٠ لفة في الدقيقة والتانية ٧٢٠٠ لفة في الدقيقة، بس يُفضل اختيار السرعة التانية اللي هي ٧٢٠٠ لفة في الدقيقة عشان تعوض ضعف الرامات والبروسيسور في عملية حركة البيانات ومعالجتها.
  • سعر الجهاز عالي بالنسبة لإمكانياته الضعيفة، يعني يفضل شراء لاب توب Core i3 بسعر أعلى حاجة بسيطة وهيقدم الغرض المطلوب منه بشكل كويس.

شوف لاب توب HP 255 من هنا.

ممكن تشوف أكتر ٧ أجهزة لاب توب شعبية على ياقوطة في ٢٠١٧ من هنا.

عايز تعرف إزاي تحافظ على اللاب توب بتاعك شوف المقال ده.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل 
ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

Leave a Reply

Your email address will not be published. Required fields are marked *