كتبت: شذا وليد

التصفيف والعناية بالشعر دايمًا بياخد وقت كبير من روتين معظم البنات، كلنا بنقضي وقت كبير قدام المراية عشان نظبط شعرنا بالشكل اللي اللي بنحبه، وغالبًا أي بنت أدامها اختيارين يا إما بتخلي شعرها مفرود أو مجعد وعشان كده أداة التصفيف أساسية ليها للحصول على التسريحة اللي بتفضلها. في أسئلة كتيرة بتقابل أي بنت لما تيجي تشتري وتختار أداة تصفيف الشعر المناسبة لها، مثلًا: ازاي تعرف أداة التصفيف المناسبة لنوع شعرها؟ ازاي تتأكد أن الأداة آمنة ولن تضر شعرها أو تضعفه؟ وهل المفروض تجيب مكواة فرد الشعر أم أداة تجعيد الشعر ولا تشتري الاثنين؟ وزادت الأسئلة مع ظهور فرشاة فرد الشعر الجديدة وأصبح السؤال الأهم هل هي أداة تصفيف شعر آمنة وجيدة أم لا؟  ياقوطة جمعت معلومات ونصائح مهمة لشراء أنسب أداة تصفيف لكي، وكيفية اختيار أداة تصفيف الشعر المناسبة لنوع شعرك بالإضافة إلى كيفية حماية شعرك من حرارة أدوات تصفيف الشعر، وفي الموضوع دا هتلاقي إجابات عن معظم الأسئلة التي تشغلك بخصوص أداة تصفيف الشعر.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

1. تحديد أداة التصفيف المناسبة لنوع شعرك

• معرفة نوع شعرك هي أول خطوة عشان تقدري تقرري أداة التصفيف المُناسبة لك، ده بيعتمد على حاجتين أساسيتين: الطول (قصير، متوسط، أو طويل) والملمس (مفرود، مموج، أو مجعد) والمقصود بالملمس هو شكل خصلة الشعر مش مدي نعومته أو خشونته.
• مثلاً مكواة فرد الشعر اللي ليها لوحة عريضة بتنفع مع الشعر المموج المتوسط أو الطويل لأنها هتساعد على تصفيف خُصَل أكثر بشكل أسرع، أما الشعر القصير والمجعد بينفع معاه مكواة الشعر اللي ليها لوحة ضيقة عشان تصفف الشعر بشكل أكثر فعالية ودقة.
• بالنسبة لنوع المادة اللي بتغطي لوحة التصفيف، لوحة السيراميك بتنفع مع كل أنواع الشعر لأنها بتقلل التطاير وبتخليه أملس. أما لو شعرك تقيل ومجعد، لوحة التيتانيوم أو التورمالين هتبقي مُناسبة أكتر عشان بتسخن أسرع وبتفرد الشعر أحسن.

تقدري تبُصي على مكواة فرد الشعر بلوحة عريضة هنا، يبدأ السعر من 159 جنيه مصري

مكواة فرد أخرى بألواح تيتانيوم هنا، يبدأ السعر من 1299 جنيه مصري.

لمشاهدة أنواع مختلفة من مكواة فرد الشعر من هنا، يبدأ السعر من 151 جنيه مصري.

 2. حددي نوع التسريحة اللي أنتِ عايزاها

أنتِ بتحبي الشعر المفرود ولا المموج؟ لو بتحبي الشعر المفرود، يبقى مكواة فرد الشعر اللي لها شكل مستطيل هتبقي مناسبة أكتر عشان هتفرد الشعر بسهولة. لكن مكواة فرد الشعر اللي ليها شكل مُدوّر من قدام هتساعدك تحصلي على التموجات أو التجعيدات اللي بتحبيها عشان أسهل إنك تلفيها حول خُصل شعرك.

ممكن تُبصي على أنوع مختلفة من مكواة فرد الشعر بشكل دائري هنا، يبدأ السعر من 185 جنيه مصري.

اقرأ أيضًا: موضة ملابس صيف 2016

3.اختاري مكواة فرد الشعر أو أداة تجعيد الشعر – بحسب استخدامك

لو أنتِ بتحبي تحصلي على التموجات أو التجعيدات، أكيد هتلاقي نفسك محتارة بين مكواة فرد الشعر وأداة تجعيد الشعر. ياقوطة هتوضح لك الفرق بين الاثنين.

• مكواة فرد الشعر متعددة الاستعمالات لأنك ممكن تستخدميها للفرد أو التجعيد، لكن أداة تجعيد الشعر للتجعيد بس.
• مكواة فرد الشعر أسهل في الاستخدام، بس أداة تجعيد الشعر هتخليكي تحصلي على تموجات أو تجعيدات شكلها متناسق عشان حجم الأداة مش بيتغير، ممكن برضه تستخدميها عشان تحصلي على تموجات بأشكال مختلفة حَسَب إزاي بتلفي خُصلة شعرك على الأداة، لما بتلفيها على واسع هتحصلي على تموجات واسعة وهكذا.
• بالنسبة للسعر، فأداة تجعيد الشعر أرخص في أغلب الأحيان.
• في الآخر الاختيار هيعتمد على ميزانيتك والتسريحة اللي عايزة تحصلي عليها.

استعدي للصيف واحصلي على تموجات تليق بالشاطئ واشتري إحدى أدوات تجعيد الشعر هنا. يبدأ السعر من 605 جنيه مصري.

مميزات وعيوب فرشاة فرد الشعر

أكيد أغلب البنات والسيدات سمعن عن فرشاة فرد الشعر الجديدة وقد ايه هي كويسة، بس قبل ما تروحي تشتريها، ياقوطة هتقولك على مميزات وعيوب فرشاة فرد الشعر الجديدة وده بُناءً على آراء وتجارب ناس كتير.

• مميزات فرشاة فرد الشعر: الفرشاة استخدامها أسهل بكثير من مكواة فرد الشعر، والفرشاة بتسخن أسرع وبكده هتوفر لك وقت.
• عيوب فرشاة فرد الشعر: الفرشاة ممكن تسبب تقصيف وتساقط لو الشعر مش متسرح أو متشابك، و الفرشاة برضه سعرها غالي لو هتشتري ماركات من الدرجة الأولي.

في نقطة مهمة لازم تاخدي بالك منها وأنتِ بتقرري تختاري وهي نوع شعرك. يعني لو شعرك أملس أو مموج، الفرشاة هتبقي اختيار مناسب. أما لو شعرك مجعد، هيبقي لازم تستخدمي مجفف الشعر عشان تفردي الشعر شوية الأول قبل ما تستخدمي الفرشاة لأن الفرشاة لوحدها مش هتبقي كافية لفرد الشعر.

تقدري تختاريأحدث أنواع فُرَش فرد الشعر من هنا ، يبدأ  السعر من 219.95 جنيه مصري.

حماية شعرك أهم خطوة

• بغض النظر عن أداة تصفيف الشعر اللي هتختاري تستخدميها، أهم خطوة تعمليها هي حماية شعرك من الحرارة.
• لو أنتِ من البنات اللي بتصفف شعرها باستخدام الحرارة بشكل منتظم، يبقي لازم تعتني بشعرك وتستخدمي حمام كريم مغذي كل أسبوع عشان يفضَل مُحتَفظ بنعومته وحيوته. ممكن تشتري حمام الكريم المُناسب لنوع شعرك من هنا.
• قبل ما تبتدي تصففي شعرك سواء فرد أو تجعيد، لازم تُحطي مُنتج حماية الشعر من الحرارة عشان تقللي من الضرر اللي بتسببه الحرارة لشعرك.

         دوّري علي منتج الحماية من الحرارة من التشكيلة دي.

حلم كل بنت إن شعرها يبقي حلو ومصفف بالطريقة اللي تعجبها علي طول، بس افتكري إنك لازم تريّحي شعرك كل فترة من الحرارة والتصفيف عشان تحافظي على صحته وقوته.

*شاركينا بنوع أداة التصفيف اللي أنتِ بتستخدميها وتجربتك معاها ومميزاتها وعيوبها، وبتستخدميها إزاي؟

قد تنفد المنتجات من المتاجر – out of stock-  في أي وقت لكن غالبًا تصبح متاحة بعد فترة وجيزة، إذا صادفتك مشكلة مع أي منتج من فضلك إبلاغنا فى تعليق أو من خلال صفحة Yaoota.com في فيسبوك.