كل ما تريد معرفته عن الساعات الرياضية

1b3ejug

كتبت: شذا وليد

دلوقتي في عصر السرعة اللي احنا عايشين فيه، التكنولوجيا بتتطور بشكل رهيب وبتخلي حياتنا أسهل وأحسن. دايمًا بنُربط فكرة التكنولوجيا بإنها تخلينا نبذل مجهود أقل، بس الفكرة دي مش بتبقى صحيحة في أغلب الأحيان. فيه أجهزة كتير موجودة دلوقتي في السوق بتشجع الناس إنهم يكونوا أكثر نشاطًا. لكل محبي الرياضة أو الناس اللي عايزة حياتها تبقي صحية أكتر، الساعة الرياضية هي الجهاز اللي انت محتاجه. عشان سوق الساعات الرياضية متنوع ومتطور، ياقوطة بتقدملك دليل متكامل عن أنواعهم المختلفة ومميزاتهم.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيره صعودًا وهبوطًا وفقًا لحركة الأسواق.

ما هي الساعة الرياضية؟

الساعة الرياضية هي جهاز قابل للارتداء لرصد قياسات متعلقة باللياقة زي عدد الخطوات، مسافة المشي أو الجري وحرق السعرات الحرارية. بعض الساعات الرياضية بتقيس نبضات القلب وجودة النوم. الجهاز ده ممكن يتلبس على المعصم أو رقعة على المعدة أو مشبك على الملابس أو حتى كقلادة، حَسَب الماركة ونوع النشاط اللي هتقوم بيه. الساعة الرياضية بتبعت القياسات دي للتطبيق التابع له على الموبايل عشان تتابعها بسهولة.

إزاي الساعة الرياضية بترصُد القياسات المتعلقة باللياقة؟

الساعة الرياضية بيبقى فيها أجهزة استشعار لتسجيل الحركة والاتجاه وعدد المرات ومدى حدة النشاط. كل ما الساعة يكون فيها أجهزة استشعار أكتر، كل ما القياسات هتكون دقيقة أكتر. بعد كده الجهاز بيدمج القياسات دي لإعطاء تحليل للمُستخدم.

كل ساعات الرياضة بيبقى فيها أجهزة لقياس التسارع واللي بتقيس مديى التسارع (زيادة معدل السرعة) واتجاه الجسم وبالتالي عدد الخطوات اللي بتاخدها وانت بتمشي أو بتجري.

بعض ساعات الرياضة بيبقى فيها أجهزةرصد ضوئي لنبضات القلب. الأجهزة دي تقوم بإلقاء ضوءLED على الجلد وبتقيس الضوء اللي بينعكس عليه. عشان الدم يمتص ضوء أكتر، فالفرق في كمية الضوء بيدي تقدير لمعدل نبضات القلب. بس أجهزة الرصد الضوئي مش بتبقى دقيقة على طول فعشان كده مينفعش مثلاً رياضيين محترفين يستخدموها.

فيه ميزات تانية بتبقي موجودة في الساعة الرياضية (الميزات بتختلف حَسَب الماركة):

  • قياس الحرارة: لقياس درجة حرارة الجسم، وده بيساعد على تحديد إذا كنت بترهق نفسك.
  • نظام تحديد الموقع أوGPS: الميزة دي بتنفع الناس اللي بتحب الجري أو ركوب الدراجات عشان تساعدهم على تحديد مكانهم ونوعية الطريق مش بس عدد خطواتهم.
  • نظام مراقبة النوم: ده بيحدد جودة النوم عن طريق رصد حركتك وانت نايم ومدة النوم.
  • مضاد للماء: الميزة دي بتنفع الناس اللي بتمارس السباحة.

إيه الفرق بين الساعة الرياضية والساعة الذكية؟

مع إن الاتنين شبه بعض، بس كل واحدة ليها استخدامات ومميزات. الساعة الذكية هي ساعة متصلة بالهاتف الذكي الخاص بيك عن طريق البلوتوث وده بيخليك تشوف وأحيانًا ترُد على رسائلك وإيميلاتك وكمان تقدر تظبّط الموسيقي. شكلها بيبقى أرقى وأشيك من الساعة الرياضية. أما بقى الساعة الرياضية فتصميمها بيبقى عصري ووزنها أخف. بالنسبة لاستخدام البطارية والسعر، الساعة الذكية بتستهلك طاقة أكبر وسعرها أغلى عشان فيها ميزات أكتر.

دلوقتي هتلاقي ساعات ذكية بمواصفات الساعات الرياضية والعكس. لكن وظائف كل جهاز لسه منفصلين تمامًا. لو أنت بتهتم أكتر بالستايل وإنك تتابع كل رسايلك، يبقى انت محتاج ساعة ذكية.

لو عايز بعض صفات الساعة الرياضية بس نفس شياكة الساعة الذكية يبقى ادفع شوية زيادة واشتري Motorola Mota 360 smart watch يبدأ السعر من 2999 جنيه مصري. أو Sony Smart Watch 3 بسعر يبدأ من 1349 جنيه مصري.

تقدر تتفرج على تشكيلة متنوعة من الساعات الذكية هنا.

لكن لو انت رياضي وعايز جهاز متخصص ودقيق وفيه ميزات رياضية، يبقى انت محتاج ساعة رياضية. ياقوطة هتشرحلك كيفية اختيار الساعة الرياضية المُناسبة لاحتياجاتك.

إزاي تختار ساعة رياضية تتناسَب مع احتياجاتك؟

مش كل الساعات الذكية زي بعض، عشان كده انت محتاج تحدد احتياجاتك عشان تقدر تاخد قرار صحيح.

ساعة رياضية للمُستخدم العادي

fitness

دي بتبقى لشخص نشيط بيلعب رياضة بانتظام بس مش محترف. الشخص ده هيبقى عايز يتأكد إن هو بيتمرن صح لكن مش عايز تفاصيل وقياسات كتير.

الساعة الرياضية Fitbit Charge HR هتبقى اختيار كويس تبتدي بيه، واللي تقدر تشتريها بسهولة من خلال ياقوطة بسعر يبدأ من 1999 جنيه مصري.

الخصائص

  • تصميم سلس ومريح.
  • تطبيق الموبايل سهل وبسيط.
  • متوافق مع آبل وأندرويد وويندوز فون.
  • فيه جهاز قياس نبضات القلب.
  • يُسجل الجهاز قياسات عن عدد الخطوات ووقت الرياضة ومعدل حرق السعرات الحرارية وجودة النوم.
  • يَعرض هوية المُتصل من الموبايل.
  • بيجمّع القياسات في تقارير مفصلة ويحفظها على موبايلك.
  • مضادة للماء (1 ATM) وده معناه إن مفيش حاجة هتحصلها لو اتعرضت للعرق أو لامست الماء.
  • متوفرة بأكثر من لون زي الأسود والبنفسجي والأزرق والبرتقالي.

المميزات

  • الشاشة سهل قراءة القياسات عليها.
  • بترصد جودة النوم ووقته من غير ما تحتاج تظبطها.
  • ممكن تتلبس طول اليوم.
  • بتشجعك تتمرن عشان بتظهر لك التقدم اللي انت عملته على تطبيق الموبايل.
  • فيها نظام رصد للأكل والوزن، بس لازم تدخّل المعلومات بنفسك.
  • سعرها مناسب مقارنةَ بالساعات الرياضية التانية. سعرها 1999 جنيه مصري.

العيوب

  • البطارية عمرها 5 أيام بس، أقل من الشركة بتقوله.
  • مفيهاش نظام تحديد الموقع أوGPS وده بيخليها مش عملية للعدائين وراكبي الدراجة.
  • جهاز رصد نبضات القلب مش على طول بيبقى دقيق.
  • الناس اللي جلدها حساس ممكن تشتكي من الرباط المطاطي لو لابسينها مدة طويلة.
  • ملهاش قوة تحمل عالية.

لو عايز تشوف ساعات رياضية أخري للمستخدم العادي، ممكن تجرب Fitbit Blaze أو Jawbone Up Move.

ساعة رياضية للمُستخدم الرياضي

الشخص ده التمرين بالنسبة له حاجة مهمة جدًا. بيتمرن كل يوم وغالبًا جزء من فريق رياضي محترم. الشخص ده هيبقى عايز جهاز سهل الاستعمال بقوة تحمل عالية ودقيق.

الساعة الرياضية Garmin Vivoactive هتكون أنسب اختيار.

cf-lg

الخصائص

  • تصميم سلس.
  • موصول بالبلوتوث على موبايلك عشان تقدر تتابع كل رسايلك بسهولة.
  • فيه نظام تحديد الموقع GPS.
  • فيه رصد لعدد الخطوات وجودة النوم.
  • تقدر ترصد وتتابع كذا رياضة زي الجري وركوب الدراجة والجولف والسباحة ويجمعها في تقارير مفصلة، بالإضافة إلى معلومات عن معدل حرق السعرات الحرارية والمسافة.
  • مضادة للماء (5 ATM) وده معناه إنك ممكن تنزل بيها المياه أو تستحمى بيها.
  • البطارية بتقعد لحد 5 أسابيع.
  • متوافقة مع آبل وأندرويد وويندوز فون.

المميزات

  • تصميم مريح وخفيف.
  • بيهتز لما توصل لهدف أو مسافة معينة وكمان لما يجيلك رسالة جديدة.
  • تطبيق الموبايل الخاص بالساعة بيحفظ كل تمارينك في تقارير مفصلة.
  • مثالي للرياضيين.

العيوب

  • البطارية لحد 3 مش 5 أسابيع.
  • عشان الساعة الرياضية تقيس نبضات القلب، لازم تكون موصولة بحزام صدر لقياس نبضات القلب، واللي ممكن يكون مش مريح لبعض الناس.
  • جودة الشاشة مش عالية مقارنة بالساعات الرياضية الأخرى من نفس الفئة.
  • خاصية رصد جودة النوم مش متطورة، بس بتقيس الحاجات الأساسية.

ساعة رياضية للمُستخدم المُشترك في ألعاب مائية

ده الشخص اللي بيقضي أكثر من نص يومه في المياه، يا إما سباحة أو كرة الماء أو غطس أو السباحة الإيقاعية. أكيد هيكون محتاج ساعة رياضية ضد المياه تمامًا وتديه قياسات دقيقة عن كل حركة بيعملها في المياه.

الMisfit Speedo Shine هتكون احسن صديق ليه في المياه.

imgres

الخصائص

  • بترصد مسافة السباحة وعدد اللفات.
  • بتبين الوقت.
  • البطارية بتتغير كل 6 شهور.
  • ممكن تتلبس على المعصم أو كمشبك.
  • تقدر ترصد وتتابع رياضات تانية زي ركوب الدراجة والمشي والجري وكمان النوم.
  • مضادة للماء 100% حتى 50 متر تحت الماء.
  • عد تنازلي في آخر كل تمرين.
  • قياسات السباحة مُعتمدة من اختبارات معامل سبيدو.
  • متوافق مع آبل وأندرويد وويندوز فون.

المميزات

  • تصميمه الخفيف بيخليه مريح في اللبس جوه وبره المياه.
  • الشاشة فيها ألوان مختلفة عشان تبين القياسات بشكل أوضح.

العيوب

  • مبترصدش عدد ال strokes اللي عملتها.
  • الساعة ممكن أحياناً تقع.

ودلوقتي بقي عندك حافز قوي إنك تخلي أسلوب حياتك صحي وأكثر نشاطًا. مع اختيار الساعة الرياضية اللي تناسبك، ممكن بسهولة تقدر تتابع وترصد نشاطاتك وتشجع نفسك إنك تحصل على جسم أكثر لياقة.

قد تنفذ المنتجات من المتاجر في أي وقت لكن غالبًا تصبح متاحه بعد فترة وجيزه، إذا صادفتك مشكلة مع أي منتج من فضلك إبلاغ  في تعليق أو من خلال صفحة Yaoota.com في فيسبوك.

Leave a Reply

Your email address will not be published. Required fields are marked *