كتبت: شذا وليد وفاطمة سيف

الغاز مادة سائلة تشبه الهواء مش صلبة ولا في شكل سائل. وبيُستخدم في الغالب كنوع من الوقود للتدفئة والطهي سواء غازات طبيعية أو غازات صناعية.

أنواع الغاز مختلفة وكتيرة منها: الهواء والهيليوم والنيتروجين والفريون وثاني أكسيد الكربون وبخار الماء والهيدروجين والغاز الطبيعي والبروبان والأكسجين والأوزون وكبريتيد الهيدروجين. قبل اختراع الغاز الطبيعي وتطويره علشان يبقى المصدر الاقتصادي لاستخدامات الغاز، كان الغاز الصناعي هو النوع الأشهر في الاستخدامات المنزلية. ولو احنا هنفكر في مصدر للطاقة المناسب لينا في البيت هيكون الغاز الطبيعي لأسباب كتيرة، ياقوطة هتعرّفك عليها في المقال ده.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

ليه الغاز الطبيعي يُعتبر المصدر الأنسب للطاقة داخل البيت؟

لعدة أسباب منها إنه:

• صديق للبيئة لأنه مش بيخرج منه كتير من المخلفات الثانوية زي باقي أنواع الوقود التانية.
• آمن وسهل الاستخدام.
• موجود باستمرار مش زي أسطوانات البوتوجاز.
• تكلفته أقل بكتير عن باقي أنواع الوقود التانية.

كل الأسباب دي تخليك تفكر تغير للغاز الطبيعي في بيتك.

أشهر أنواع الغاز هي: البروبان، البوتان والغاز الطبيعي

البروبان

النوع ده من الغاز بيستخدم كوقود للمحركات والمواقد وأنظمة التدفئة المركزية. وعادة بيستخدم البروبان كبديل للغاز الطبيعي (يتم تخزين البروبان في خزانات في هيئة سائل) ويعتبر جزء من الغاز الطبيعي لكنه خام. البروبان آمن تمامًا للاستخدام في المنزل لأنه مش بيتفاعل مع الهواء. واستخدامه مش مكلف وبيطلّع مستويات عالية من الحرارة مقارنة بالسخانات الكهربائية. من ناجية تانية تعتبر خزانات البروبان مش عملية قوي للاستخدام. وده لإن استخدامها صعب ومتعب شوية وكمان تكلفتها أكتر من تكلفة الغاز الطبيعي.

البوتان

مركب عضوي قابل للاشتعال. مش بينتج أي لون، وهو أسهل نوع ممكن تحويله لسائل من أنواع الغاز.

الغاز الطبيعي

الغاز الطبيعي هو أحد أنواع الوقود الحفري الموجود في حالة غازية. وبيتم استخراجه من داخل الأرض بنفس طريقة استخراج النفط. وهو غاز عديم اللون والطعم والرائحة.

ومع كده، فاستخدام الغاز ما كانش منتشر ولا موجود بنفس الصورة الموجود عليها دلوقتي وده بسبب صعوبة إنتاجه واستهلاكه مقارنة بالوضع الحالي ليه.

إحنا في ياقوطة هنطلع سوا في رحلة سريعة لسنين بعيدة شوية عن اكتشاف الغاز، ومش بس كده إحنا كمان هنديلك شوية نصايح دهبية لسهولة وسلامة استخدام الغاز في البيوت المصرية.

الدفايات أو البوتاجازات أو المسطحات (اللي بتشتغل بالغاز)

شوف موديلات مختلفة للبوتوجازات بتشتغل بالغاز والكهربا من هنا.

إمتى تم اكتشاف الغاز الطبيعي لأول مرة؟

زمان من حوالي ١٠٠٠ سنة قبل الميلاد، كان يعتبر الغاز الطبيعي لغز. وأحيانًا كان بيتسرّب الغاز الطبيعي من الأرض ويشتعل ويسبب الحرايق وقت البرق ما يضرب الأرض. والحرايق دي شغلت بال وتفكير الناس جدًا وده لإنهم ما كانوش عارفين تفسير ليها وكتير منهم فكّر إن ده من صنع الآلهة القديمة واللي كانوا بيؤمنوا بوجودها وعلشان كده بنى اليونانيين زمان مجموعو من المعابد كنوع من التكريم والتقدير للآلهة في نفس الأماكن اللى كانوا بيشوفوا فيها النار دي.

وبعد كده وتقريبًا من ٥٠٠ سنة قبل الميلاد، كان الصينيون هم أول ناس استخرجوا الغاز الطبيعي من الأرض عن طريق استخدام ساق خشب الخيزران لنقله للسطح لاستخدامه في غلي ماء البحر علشان يشربوا منه مياه نقية وتصلح للشرب.

سنة ١٧٨٥ تقريبًا، كانت بريطانيا أول من استخدم الغاز الطبيعي بشكل تجاري علشان تنوّر البيوت والشوارع، ومن وقتها بدأ الاستخدام التجاري للغاز يظهر ويتعرف للناس.

طب وبالنسبة لسلامة استخدام الغاز؟

لإن الغاز الطبيعي عديم اللون والرائحة، فمش هتقدر تعرف لو كان فيه تسرب غاز أو لأ. لكنهم لاحظاو زمان إن استنشاق كميات كبيرة من الغاز ده بيسبب الغثيان وممكن الموت، وعلشان كده عمال مناجم الفحم زمان كانوا بياخدوا معاهم طيور لأماكن شغلهم ويراقبوها ولو لاحظوا إنهم تعبت او وقعت يبعدوا عن المكان ده لإنهم بيعرفوا كده إن المكان ده فيه غاز. طبعًا دي طرق قديمة ومش موجودة دلوقتي.

حقيقة ممتعة: للكشف عن الغاز الطبيعي تم إضافة مادة الميثان، وهي مادة كيميائية غير ضارة، تضاف للغاز الطبيعي وتخلي له رائحة لأنها تحتوي على مادة الكبريت. وبالطريقة دي كان الناس بيعرفوا لو كان فيه تسرب غاز ولا لأ.

إزاي نحافظ على المنزل آمنًا؟

مع إن استخدام الغاز الطبيعي مفيد، فاحنا برضه ما نقدرش نتجاهل المخاطر الصحية المحتملة ليه. ياقوطة هتقدملك مجموعة نصايح لضمان سلامتك بوجود الغاز الطبيعي في المنزل:

• دوّر على ختم نجمة الطاقة الزرقاء عند شراء جهاز غاز جديد. وده بيضمن إن الجهاز بيلبي معايير الأمن المثالية.
• اتأكد من فحص جميع أجهزة الغاز الخاصة بيك بانتظام للبحث عن أي تسرب للغاز. يجب فحص جميع الأنابيب للتأكد من أنها ضيقة بما فيه الكفاية لمنع تسرب الغاز.
• دوّر على أي علامات على الأجهزة الخاصة بيك، زي اللهب الأصفر (اللون العادي هو الأزرق)، أو البقع السوداء، لإنها ممكن تكون دليل على وجود مشكلة في الجهاز.
• يفضل تثبيت جهاز كاشف مسموع لأول أكسيد الكربون في منزلك. أول أكسيد الكربون هو واحد من المركبات الموجودة في الغاز الطبيعي. ومن الأفضل تثبيته في الغرف الموجود فيها أجهزة الغاز. شوف أجهزة الكشف عن الغاز من هنا.

• اعرف أعراض التسمم بغاز أول أكسيد الكربون في حالة تعرض أي فرد من أفراد أسرتك له. وتشمل الأعراض: الغثيان والدوخة والصداع والإغماء وضيق التنفس. لما يكون كل أفراد عائلتك بيعانوا من الأعراض دي في نفس الوقت، فده معناه احتمالية وجود تسرب للغاز. لو ظهرت الأعراض وانت في المنزل واختفت عند مغادرتك، فدي علامة تانية لتسرب الغاز.
• اتأكد من إن المنطقة المحيطة بأجهزة الغاز عندك جيدة التهوية وغير مكتومة، لضمان دوران تيار الهواء في المكان.
• لو كنت بتسيب منزلك لفترات طويلة، اتأكد من إغلاق جميع صمامات إمدادات الغاز لتجنب أي تسرب للغاز.
• في حالة حدوث أي حريق ناتج عن الغاز الطبيعي، حافظ دايمًا علي وجود طفاية حريق متعددة الأغراض في المنزل للحد من أي ضرر.
• امتنع عن تثبيت أو إصلاح أي جهاز غاز طبيعي بنفسك. ودايمًا اطلب صيانة الغاز الطبيعي.
• حافظ على نظافة الأجهزة لتجنب أي تراكم للأوساخ. وده للتأكد من أن الجهاز يعمل دون مشاكل.
• ما تسيبش الفرن بتاعك شغال إلا للطبخ (لتسخين منزلك على سبيل المثال).
• اتأكد من بقاء الأطفال والحيوانات الأليفة بعيدة عن أجهزة الغاز.
• في حالة وجود تسرب للغاز، ما تشربش سجاير ولا تفتح النور ولا تولع شمعة أو كبريت. قم بفتح جميع النوافذ لتهوية المنزل، واقفل إمدادات الغاز الخاص بك لغاية ما ييجي الفني لإصلاح المشكلة.

ياقوطة بتقدملك دليل مختصر لجهازك من أجل الحفاظ على الأمان بغض النظر عن نوع أجهزة الغاز اللي بتستخدمها:

• يجب فحص جميع أجهزة الغاز الخاصة بك من قبل خبير بشكل منتظم.
• قم دائمًا بمراقبة أي مشاكل تحدث مع الأجهزة الغاز الخاص بيك.
• استخدم أجهزة الغاز عند الحاجة فقط.
• اشتري جهاز كاشف مسموع لغاز أول أكسيد الكربون.
• خلي بالك للأعراض الشائعة للتسمم بأول أكسيد الكربون. واللي بتشمل: الصداع، الشعور بالتعب والدوار، الشعور بالمرض وقلة التركيز، التعب وآلام المعدة، ضيق في التنفس أو صعوبة في التنفس.

شوف أجهزة الفرن اللي بتشتغل بالغاز من هنا.

وشوف سخانات الغاز من هنا.

وممكن تشوف بوتاجازات الغاز المسطحة من هنا.

وشوف كمان بوتاجازات الغاز من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.