كتبت: أمنية عزمي

أواني الطهي من أساسيات المطبخ المهم جدا اختيارها بدقة لأنها بتأثر مباشرة على الصحة لو كانت بتحتوي على مواد ضارة في صناعتها زي الرصاص والكادميوم ولازم نتأكد إن أي نوع خالي منهم، ومع تنوع الأنواع واختلافها في السوق بنحتار بين الأنواع ياترى نجيب ستانلس ولا سيراميك ولا الجرانيت ولا غيرها من الأنواع المنتشرة. علشان كده لازم تتعرف على كل نوع لما تيجي تشتري وبعدها تقرر حسب احتياجك، وبما إن موضوع مراجعتنا عن السيراميك يبقى نقول مبدأيا معلومة إن السيراميك مصنع من الزجاج المحول بالحرارة العالية لمادة شبه كريستالية ناعمة وليه مميزات وعيوب هنتعرف عليها مع ياقوطة من خلال استعراض أواني طهي سيراميك بونيرا- 9 قطع وهنتكلم فيها على أهم مواصفاتها ومميزاتها وكمان عيوبها علشان تقدر تكون فكرة كاملة عنها ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• اللون: بينك.
• وزن الحزمة بالكيلو جرام: 15 كيلو جرام.
• العلامة التجارية: بونيرا BONERA
• الخامة: سيراميك.
• النوع: أواني طهي.
• الرقم المميز للسلعة: 2724709833612

المميزات

• بتتميز بسطح أملس زجاجي ميزته إن إلتصاق الأكل فيها غير وارد على الإطلاق.
• سهلة في تنضيفها، بما إن الأكل مش بيلزق فيها فا بتكون الأسطح نضيفة ومش محتاجة غير غسيل بسفنجة ناعمة بصابون وتتشطف فقط لا غير، وممكن وضعه في غسالة الأطباق.
• محمية من الصدأ والتآكل اللي بيحصل في الأواني المعدن العادية لأنها من السيراميك وبالتالي آمنة على الصحة.
• بتتميز أواني الطهي بونيرا بسمكها المثالي اللي بيصل ل 4 ملي وقاعدتها السميكة اللي بتتحمل درجات الحرارة العالية ومش بتحرق الأكل وبتوزع الحرارة بشكل مناسب لتسوية مثالية.
• آمنة تماما على الصحة لأنها مصنعة من مواد صحية خالية تماما من الرصاص والكادميوم والأوكتان اللي بيمثلوا خطر على الصحة.
• الأواني السيراميك صحية جدا ومش بتتفاعل مع أحماض وقلويات الطعام وبتصلح لجميع أنواع الأطعمة سواء سائلة أو صلبة أو عجائن
• طقم بونيرا 9 قطع عبارة عن أربع أواني طهي متعددة المقاسات 28، 26، 24، 22 سم بالإضافة لطاسة شوي أو تحمير بمقاس 26 سم و4 أغطية من الاستانلس ستيل المحكمة الغلق ومزودة بيد من البلاستيك المزود بالمطاط العازل للحرارة لاستخدام آمن.
• شكلها أنيق في المطبخ وتصميمها ولونها بيضيف بهجة للمكان ووقت الطهي.

العيوب

• مش بتتحمل درجات الحرارة العالية وممكن يحصل فيها شقوق وممكن كمان تتعرض للكسر في حالة تعرض الإناء لحرارة مركزة في منطقة معينة زي إن الإناء يكون قطره أكبر من مصدر الحرارة، علشان كده السيراميك بيكون معروف انه بيستخدم معاه نار هادية وما يتعرضش لحرارة النار وهو فارغ.
• قابل للكسر لو اتعرض للوقوع المتكرر.
• بتتجرح لو استخدمت معاها معالق معدن أو نضفتها بليف أو سلك خشن ولو اتجرحت بتفقد قيمتها ويتكون ضارة على الصحة ولازم تتخلص منها.
• مش بتوزع الحرارة بشكل جيد.

تجربة المستهلك

• جربت أواني بونيرا من فترة والحقيقة السيراميك عموما في أواني الطهي ليه مميزات وعيوب، مميزاته انه مش بيلزق فيه الأكل وصحي جدا وبالنسبة لبونيرا الأواني بتاعتها سمكها 4 ملي يعني حلوة جدا والأكل مش بيلزق فيها وبتتحمل الحرارة أكتر بكتير من اللي سمكها 2 ملي، بستخدم معاها معالق خشب وسهلة في تنضيفها، عيوبها انها ممكن تتكسر وانها مش بتوزع الحرارة بشكل متساوي.

شوف أواني طهي سيراميك بونيرا- 9 قطع من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من سنة ونص، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.