إيه هي كاميرات Action Cam وإيه أشهر أنواعها في السوق

كتب: خالد عاصم

إيه هي كاميرات الحركة أو Action Cam وليه مهمة لو بتحب تمارس الرياضة أو ليك في المغامرات، وإيه أشهر أنواعها، كل ده هنجاوب عنه بالتفصيل في المقال ده.

ولو أي كاميرا هنتكلم عنها عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

معنى Action Cam

كاميرات الحركة أو Action Camera والمعروفة باختصار باسم Action Cam هي عبارة عن كاميرا رقمية عادية بتقوم بتصوير الصور والفيديو مع التركيز أكتر على الفيديو، والميزة الرئيسية للنوع ده من الكاميرات هي أنه بييجي بمجموعة كبيرة من الاكسسوارات والملحقات اللي ممكن تخليك تستخدمها تحت المياه أو في الخوذة اللي بتلبسها على راسك وانت راكب عجلة أو موتوسيكل أو نقدر نقول تقريبًا على أي حاجة ممكن تتخليها، وهي دي الميزة الرئيسية للنوع ده من الكاميرات لأن من خلال الملحقات دي بتقدر Action Cam إنها تصوير نشاطك وانت جوا النشاط ده وبتخلي الناس تشوف مغامراتك كأنهم جواها بالظبط، وبيتميز كمان النوع ده من الكاميرات بإنه بيعتمد على عدسات عريضة عشان تقدر تلقط نطاق أكبر من الكادر اللي أدامك.

عوامل لازم تراعيها في كاميرات Action Cam

جودة تصوير الفيديو

كلمات زي HD أو High Definition أو Full HD أو 1080p، كلها بتشير لمعنى واحد وهو الجودة العالية اللي بتخليك تقدر تشغل الفيديو اللي صورته على التليفزيون أو الموبايل أو التابلت أو تعرضه على اليوتيوب أو على بروجيكتور أو كمبيوتر، وتقريبًا أغلب لم مكانش كل كاميرات الحركة المتوفرة حاليًا بتصور الفيديو بجودة Full HD وده شيء مهم جدًا لأن ده اللي بيميز كاميرات الحركة فإنها تقدر تلقط أفضل صورة ممكنة للفيديو.

أما عن جودة 4K أو Ultra HD واللي بتقدم دقة أعلى وجودة صورة أفضل في الفيديو مهما كانت وسيلة العرض كبيرة، ففي مجموعة كبيرة من كاميرات Action Cam بتدعمها بس مش كلها ومش الأنواع اللي مش معروفة أوي واللي بتكتفي بجودة Full HD.

الاستخدام تحت المياه

زي ما قلنا من أبرز مميزات كاميرات الحركة إنها ممكن تشتغل تحت المياه باستخدام الملحق أو الاكسسوار المناسب، وده اللي بيخليك تقدر تستخدم على أعماق مختلفة، وعشان تقدر تحدد العمق ده لازم تعرف كويس إمكانيات الكاميرا وكمان قدرة الاكسسوار اللي هتستخدمه، بمعنى هيقدر يستحمل لحد عمق قد إيه وينفع في الغطس ولا العوم بس.

ملحقات كاميرات Action Cam

بتتمتع كاميرات Action Cam بمجموعة كبيرة من الملحقات والاكسسوارات اللي ممكن تخليك تركبها على أي حاجة ومن أشهرهم اللي هنتكلم عنه دلوقتي:

  • التركيب على الرأس Headcam Attachment: وده الملحق اللي بيخليك تقدر تركب الكاميرا على الخوذة أو على رأسك من خلال استخدام الملحق المناسب وده بيكون مثالي في لمغامرات اللي زي تسلق الجبار أو الجري أو ركوب الأمواج أو لوج الرمل أو التزلج على الجليد وغيرها من المغامرات دي.
  • التركيب على العجلة Handle Bar Attachment: وده الملحق اللي بيسمحلك بتركيب الكاميرا على جادون العجلة يعني بيكون مثالي لهواة ركوب الدراجات الهوائية.
  • التركيب في السيارات Windscreen Attachment: وده بيسمحلك تركب الكاميرا في الزجاج الأمامي لعربيتك وده طبعًا مثالي لو بتحب تسافر أو تتحرك بعربيتك كتير، ومع تفعيل خاصية Time Lapse في الكاميرا هتقدر تلخص رحلتك كلها في دقيقتين مثلًا.
  • الاستخدام تحت المياه Underwater Cover: الغطاء أو الكوفر اللي بيخليك تقدر تستخدم الكاميرا تحت المياه سواء خلال العوم أو الغطس على حسب نوع الاكسسوار وإمكانياته.
  • الريموت كنترول: وده هيكون مثالي للتحكم في الكاميرا في الأنشطة اللي هتحتاج تستخدم فيها إيديك الاتنين.

دق المستشعر والميجا بيكسل

بتركز كاميرات Action Cam على تصوير الفيديو ولكنها كمان بتقدر تصور الصور الفوتوغرافية، وعشان كده لازم تعرف دقة الكاميرا أو عدد الميجا بيكسل، وننصحك بإنك ماتختارش أقل من ٨ ميجا بيكسل.

الذاكرة الداخلية

ممكن ماتكونش الذاكرة الداخلية مهمة أوي إنها تكون كبيرة في كاميرات التصوير الفوتوغرافي، لكن كاميرات Action Cam بتركز بشكل أساسي على تصوير الفيديو وعشان كده لازم تراعي الذاكرة الداخلية، وكمان لازم تعرف إن كانت الكاميرا بتقبل كروت الميموري ولا لا، وطبعًا لازم تتأكد هي بتدعم أنهي نوع من كروت الميموري وبذاكرة لحد كم جيجابايت، وده لأن تصوير الفيديو بيستحوذ على مساحة كبيرة أوي، فكفايه إنك تعرف إن دقيقة واحدة بس بجودة 4K بتاخد حوالي ٤٠٠ ميجابايت، يعني الكاميرات بذاكرة سعتها ١٢٨ جيجابايت بتقدر تسجل تقريبًا حوالي خمس ساعات ودي ممكن ماتكونش مساحة كافية أوي في الرحلات الطويلة.

الاتصال اللاسلكي

من غير وجود بلوتوث أو واي فاي هتحتاج في كل مرة تطلع كارت الميوري وتدخله في الكمبيوتر عشان تقدر تاخد الفيديوهات اللي عليه ودي ممكن تكون مهمة مزعجة عشان كده حاول تختار الكاميرا اللي فيها اتصال عن طريق بلوتوث أو عن طريق واي فاي.

عدسة Fisheye

مش حاجة ضرورية أوي بس بتقدر تقدم تأثير حلو ومختلف على الصور والفيديوهات، فعدسة Fisheye هي عدسة عريضة جدًا بتقدم تأثير بنورامي مختلف عن العدسات العريضة التانية وممكن تضيف تأثير لطيف على صورك وفيديوهاتك لو تحب.

كم إطار في الثانية

الإطارات لكل ثانية هي وحدة من وحدات قياس الفيديو، فأي مقطع فيديو مكون من مئات الصور الثابتة اللي بتتحرك بسرعة معينة في الثانية الواحدة عشان تكون صورة متحركة أو فيديو، وهو ده معدل الإطارات لكل ثانية أو FPS، والمعتاد والمنتشر دلوقتي هو معدل ٢٤ إطار لكل ثانية، عشان كده اختار الكاميرا اللي تكون بتدعم المعدل ده فأعلى مش أقل.

التقريب البصري أو الزووم

الخاصية دي بتعتمد على الحاجة اللي بتحب تصورها وطبيعة استخدامك للكاميرا، فمثلًا أي عدسة بتقريب أقل من 3x معناه إنك هتبقى مضطر تقرب أوي من الحاجة اللي بتصورها ودي ممكن تكون حاجة كويسة في إحالة تصويرك للطرق أو الأشخاص بس مش هتبقى حاجة كويسة خالص في حالة تصويرك لحيوانات برية مثلًا.

أشهر كاميرات الحركة Action Cam في مصر

كاميرا GoPro Hero 7

تعتبر شركة GoPro هي الشرطة الأقوى والأشهر في عالم تطوير كاميرات Action Cams وهي الاسم الألمع في العالم ده وكاميراتها منتشرة في العالم كله، وكاميرا Hero 7 واحدة من الإصدارات المتعددة للكاميرا دي، وبتتميز الكاميرا بهيكل صلب ومقاوم للمياه، أما عدستها فدقتها ١٠ ميجا بيكسل بتتمتع بعدسة عريضة وبتقدر تصور فيديو لحد جودة 4K، وفيها كمان شاشة بقطر ٢ بوصة ده غير كمان فيها تحكم بالصوت وخاصية تثبيت الفيديو.

اتعرف على عروض أسعار مختف كاميرات GoPro المتوفرة على ياقوطة من هنا.

كاميرا DJI Osmo Pocket

من بين الشركات الشهيرة جدًا في عالم التصوير ومستلزماته شركة DJI واللي بتقدم مجموعة من كاميرات Action Cam اللي من بينها اللي زي GoPro ومنها كمان كاميرا Osmo Pocket اللي بتتميز بحجم صغير جدًا ببخليك تحطها في جيبك بسهولة، الكاميرا بتعتمد على ٣ محاور لثبيت الصورة وبتدعم تصوير الفيديو لحد جودة 4K، أما دقة المستشعر فتبلغ ١٢ ميجا بيكسل والمستشعر نفسه بقطر ١/٢.٣ بوصة وأدامه عدسة فتحتها f/2.0 بزاوية رؤية ٨٠ درجة.

اتعرف على عروض أسعار كاميرا DJI Osmo Pocket من هنا.

اتعرف على مختلف منتجات DJI المتوفرة على ياقوطة من هنا.

اتعرف على عروض أسعار مختلف كاميرات Action Cam على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *