كاتيل زجاج لوتس سعة ١٫٨ لتر

واحد من أكتر الأجهزة الكهربائية اللي انتشرت في بيوت ومكاتب كتيرة الفترة الأخيرة هو كاتيل المياه، وكتير من الناس بيعتمد عليه – خصوصًا مع بدايات فصل لشتاء- في تسخين المياه الخاصة بالمشروبات الساخنة، وأحيانًا كمان في تسخين وغلي المياه أثناء الطبخ.

هنتعرف في المقال ده على كاتيل لوتس ١٫٨ لتر، وهنتعرف من خلال ياقوطة على أهم المواصفات والمميزات والعيوب ولو عجبك وعاوز تشتريه تقدر تعرف أحسن الأسعار ليه وتطلبه كمان وهيوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

الموديل Lotus كاتيل زجاج.
الخامة من الزجاج.
الطاقة غير موضح.
السعة

١.٨ لتر.

الفلتر يوجد.

المميزات

  • إنها مصنوعة من الزجاج الحراري وده بيخليها أقل عرضة من إنها تكون ترسبات في المياه مقارنة بالخامات الأخرى وده بيخليها أمان أكتر بحيث إن فيه ناس كتير بتقلق من الكاتيل المصنوعة من البلاستيك والاستانلس ستيل.
  • شكله مميز ومزود بأنوار في الجزء الاستانلس ستيل بيكون شكلها حلو قوي وهي شغالة.
  • سعة الكاتيل مناسبة تكفي عدد كبير من الأفراد وكمان بتساعد في إعداد الطعام لما تحتاج مياه ساخنة في الأكل أو حتى مياه دافية.
  • سعره مناسب.
  • وجود الفلتر مهم جدًا لمنع أي شوائب من النزول في الكوب.
  • سهل التنضيف.
  • شكله أنيق وبيزود من جمال المطبخ.

العيوب

  • رغم جمال شكله، لكن كونه مصنوع من الزجاج بيزود من احتمالية كسره.

تجربة المستخدم

  • رضوى حنفي: أنا دايمًا أسمع إن القزاز هو اللي صحي والأفضل نبعد عن حاجة معدن أو بلاستيك.
  • ياسمين الشرقاوي: عندي نفس الكاتيل ده بالظبط وجميلة جدًا والمياه فيها رايقة وشكلها حلو قوي وهي شغالة.
  • آثار نيازي إسماعيل: أحسن ماتيريال كاتيل استخدمتها على فكرة عندي نفس الماركة دي وحلوة قوي بصرف النظر إن الماركة مجهولة وفي ماركات تانية أحلى بس أنا اشتريت دي وعجبتني.
  • توتي كورشم: أنا عندي زي دي حلوة قوي معايا وبحب أتفرج على المياه وهي بتغلي فيها وأنوار الكاتيل شغالة وأوقات بطفي نور المطبخ بالليل وأتفرج عليها وهي شغالة ومنورة.
  • ديدي عفيفي: عندي زي القزاز دي بس ماركة هوم معروفة أكتر من دي أعتقد بس عمومًا الغلايات القزاز صحية وحلوة قوي.
  • يويا عفيفي: القزاز أنضف نوع وأقل حاجة بتعمل ترسيب، لكن طبعًا معرضة للكسر وده عيبه الوحيد وكمان شيك.
  • سميرة منصور: شغال معايا كويس جدًا، وبصراحة اشتريته في الأول عشان شكله حلو بس بعد الاستعمال حسيته مريح أكتر في التنظيف ومش بيتوسخ ويتبهدل زي البلاستيك.
  • أسماء حمدان: بلاش القزاز عشان ممكن حد إيده تفلت أو طفل يلعب فيه ويقع الكاتيل وينكسر وغير القزاز اللي هيبهدل الدنيا.
  • نورا عبد الله: أنا جيبت نفس النوع ده وشهر بالظبط وفصل لوحده ومش بيشتغل.
  • إيناس حسن: هو فكرة الغلاية الزجاج بتكون حلوة جدًا صحيًا لكن عايزة تأني في الاستخدام عشان حوار الكسر. لكن من الأفضل تشتري ماركة معروفة وليها صيانة لإن دي أول مرة أسمع عن ماركة لوتس.

تقدر تشوف كاتيل لوتس زجاجي ١٫٨ لتر من هنا.

وممكن تشوف نوع تاني زجاجي ومن ماركة Home المعروفة سعة ١٫٧ لترن ومزود بعنصر أمان من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

Leave a Reply

Your email address will not be published. Required fields are marked *