مميزات وعيوب قطاعة ميني من ميانتا

كتبت: أمنية عزمي

قطاعات الطعام انتشرت كتير الفترة الأخيرة، وبقينا نشوفها في معظم المحلات اللي بتهتم بعرض أداوت المطبخ. وسبب انتشاراه هو إنها بتشهل كتير من عملية الطبخ لإنها بتقطع وبتفرم، وكمان بتسهل جدًا من عمل العصاير.

هنتكلم النهارده في ياقوطة عن القطاعة ميني من ميانتا CH-171. ومن خلال الريفيو ده هنتعرف على مواصفاتها ومميزاتها وكمان العيوب. ولو عجبتك وعاوز تشتريها تقدر تطلبها من خلالنا وهتوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.

المواصفات

العلامة التجارية ميانتا.
الطاقة ٤٠٠ وات.
الرقم المميز للسلعة 2724271665659
اللون أبيض.
الضمان سنتين.

المميزات

  • تعمل بقوة ٤٠٠ وات. ده معناه إن موتور الجهاز قوي وعملي جده كقطاعة خضروات وفرم، وكمان خلاط للعصير.
  • مزودة بسلاح مزدوج. ود اللي بيقوم بأفضل تقطيع وفرم وخلط بالشكل والحجم اللي محتاجة لأي نوع خضار، بالإضافة لعمل العصاير والميلك شيك بسهولة ووقت قصير.
  • سعة نص لتر. قطاعة الخضروات ميانتا وعائها ٥٠٠ مللي، يعني هتقدر تحضر فيها كل احتياجات طبخك ومكوناته الأساسية.
  • تشغيل بالضغط. بتتحكم في تشغيلها بالضغط على زرار بسهولة وتتحكم في توقيت الضغط اللي محتاجة حسب حجم الخضار اللي بتقطعه إذا محتاجة قطع كبيرة أو صغيرة أو مفرومة.
  • شفرات قابلة للفك ومصنعة من الاستانلس ستيل. تقدر تفك الشفرات وده بيسهل عملية غسلها وتنضيفها وكمان مصنوعة من مادة الاستانلس ستيل القوية والحادة في نفس الوقت علشان تسهل عملية التقطيع والمعدن آمن مش بيصدي.
  • ملحق معها سكينة إضافية لعمل الميلك شيك. بتقدر تبدل سكينة تقطيع الخضروات والبصل بسكينة تعمل الميلك شيك.
  • ليها سرعتين. بتتحكم في سرعتها حسب احتياجك إذا محتاج تقطيع كبير بتعمله على أول سرعة، والسرعة العالية للخلط السريع والفرم بشكل أقوى.
  • شكلها أنيق وحجمها صغير، يعني مش هتاخد حيز ولو حبيت تخزنها مش هتاخد مكان وإضافة جميلة في مطبخك.
  • ضمان شامل لمدة سنتين. شركة ميانتا بتدي ضمان سنتين على المنتج شامل قطع غيار أصلية.

العيوب

  • حجم سعتها قليل. لو محتاج تقطع كمية خضار كبيرة هتعمله على مرتين أو تلاتة حسب الكمية وبالنسبة للعصاير. كمان نص لتر مناسب لأسرة صغيرة أو لاستخدام شخصي، لكن لو محتاج تعمل كمية كبيرة هيبقى وقتها الحجم صغير يعني كوبايتين تقريبًا.
  • ماينفعش تستخدم قطع تلج مع العصاير، لإنها مع الوقت ممكن تشرخ الوعاء البلاستيك اللي بيضرب فيه التلج مع العصير، أو الميلك شيك.

خدمة العملاء

مهندسين وفنيين متخصصين وخدمة سريعة. المنتج عليه ضمان سنتين وقطع الغيار متوفرة أصلية بالفاتورة وبالضمان.

تجربة المستخدم

  • المنتج جيد وسعره معقول بالنسبة لأسعار السوق.
  • كتير من المستخدمين شايفين إنها مفيدة جدًا وفي عملية فرم الملوخية الخضراء.
  • ممتازة وخامات كويسة جدًا.
  • المنتج رائع ومطابق للمواصفات وسعره حلو جدًا بالنسبة لماركة معروفة زي ميانتا وأنصح بشرائه.

شوف القطاعة ميني من ميانتا CH-171  من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

 أمنية عزمي، بكتب من 6 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرء كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول دايمًا أجرب أي جهاز بنفسي قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

Leave a Reply

Your email address will not be published. Required fields are marked *