قائمة قصيرة بأهم مواصفات التلاجة

تعرف علي قائمة بأهم مواصفات و معايير اختيار التلاجة

كتبت: شروق نبيل

من بين كل الأجهزة اللي في المطبخ، التلاجة بتعتبر دايمًا هي روح المطبخ اللي من الصعب تخيل أي مطبخ من غيرها، وطبعًا السوق مليان أنواع وأشكال كتير بمواصفات ومميزات مختلفة وده ممكن يصعب على المشتري عملية إنه يحدد إيه أنسب نوع لاحتياجاته.

لوعايز تشتري تلاجة ياقوطة هتساعدك في المهمة دي وهنقدملك قائمة قصيرة بأهم المواصفات اللي لازم تاخد بالك منها وإنت بتشتري أي تلاجة عشان تختار الجهاز المناسبة ليك ولاحتياجاتك. هنتعرف في المقال ده على أهم المواصفات والمميزات اللي مهم تكون موجودة في التلاجة اللي هنشتريها، كل الأنواع اللي موجودة في المقال متوفرة على ياقوطة، ولو عجبكم جهاز منهم وعاوزين تشتروه تقدروا تعرفوا أحسن الأسعار ليه وتقارنوا بينهم وتطلبوه من خلالنا وهتوصل لغاية عندكم في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

النوع

  • لو عندك أطفال بيستخدموا الفريزر للآيس كريم مثلاً، التلاجة الفريزر السفلي ممكن تكون مناسبة بالنسبة لك لكن لو عندك آلام في الظهر وهتضطر توطي كل شوية عشان تجيب حاجات من الفريزر مش هتكون كويسة عشانك.
  • لو عايز تلاجة كبيرة تكفي أكل وكمان عايز شكل أنيق يبقى التلاجة بابين هي أنسب اختيار ليك.
  • التلاجة اللي بباب فرنسي هي عبارة عن تلاجة ببابين وفريزر سفلي وبتكون مساحتها كبيرة جدًا ومناسبة أكتر للمطاعم والكافيهات.
  • التلاجة الميني بار مناسبة ليك لو عايز تلاجة تحطها في غرفة النوم أو المعيشة أو المكتب عشان المياه أو الأكلات الخفيفة. بالرغم من صغر حجمها لكن ممكن تستهلك كهرباء زي التلاجة الكبيرة بالظبط.
  • التلاجات البلت إن بتكون مساحتها كبيرة لكن في نفس الوقت بتوفر مساحة لإنها مدمجة.
  • لو إنت عندك وحدة فريزر منفصلة يبقى التلاجة اللي من غير فريزر هتكون مناسبة لك وميزتها إن مساحتها واسعة.

السعة والحجم

  • اختار سعة مناسبة ليك ولأسرتك، ماتجيبش تلاجة كبيرة زيادة عن احتياجاتك لإنها هتستهلك كهرباء زيادة.
  • لازم تقيس المساحة اللي هتحط التلاجة فيها.
  • ماتزنقش التلاجة في الحيطة وسيب مساحة ١٠-١٥ سم من وراء التلاجة ومساحة ٥ سم حوالين التلاجة.
  • حجم التلاجة بيتقاس بالقدم.
  • لو أسرتك مكونة من ٤ أفراد يبقى سعة ما بين ١٨ قدم و٢٤ قدم هتكون مناسبة.
  • لو إنتم فردين فقط يبقى سعة ما بين ١٢ لـ ١٨ قدم هتكون مناسبة ليك حسب بتطبخ قد إيه.
  • لو بتستخدم المياه والتلج بشكل مستمر يبقى يستحسن تجيب تلاجة بحنفية مياه وتلج من برة عشان تتجنب إنك تفتح التلاجة كتير في خلال اليوم لإن ده بيقلل من كفاءتها

مميزات عصرية

  • التلاجات اللي ببابين وبأدراج في منها أنواع سهلة في الفتح وأدراج بتتزحلق بسهولة، زي تلاجات سامسونج وال جي.
  • اختار تلاجة سهل إنك تحرّك الأرفف بتاعتها وتشيلها من مكانها لسهولة التنضيف
  • لو عايز حاجة متطورة قوي في تلاجات ذكية بتتوصل بالإنترنت عن طريق الواي فاي عشان تشوف وصفات مختلفة أو حتى تشغل مزيكا وإنت في المطبخ.
  • فيه أنواع بتسمحلك إنك تتحكم في درجات الحرارة والرطوبة براحتك عشان الأكل يكون دايمًا طازج.
  • اختار تلاجة سهلة التنضيف يكون سطحها ناعم مش خشن وكمان تكون مابتتأثرش بالبصمات.
  • اختار تلاجة يكون صوتها واطي ومش مزعج.
  • اختار تلاجة يكون فيها فلتر للروائح عشان الأكل ما يتأثرش.
  • اختار تلاجة موفرة في استهلاك الطاقة عشان ماتسحبش كهرباء كتير وكمان بلاش تحطها جنب أي مصدر حرارة زي البوتاجاز.
  • اختار تلاجة بييجي معاها ضمان لفترة طويلة.

تقدر تشوف أنواع تلاجات مختلفة من هنا.

وشوف كمان إزاي تشتري وتختار ثلاجة جديدة، من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

Leave a Reply

Your email address will not be published. Required fields are marked *