مراجعة غسالة يونيون إير الهاف أتوماتيك ١٢ كيلو

مميزات وعيوب و سعر غسالة يونيون إير الهاف أتوماتيك ١٢ كيلو

كتبت: أمنية عزمي

الغسالة واحدة من أكتر الأجهزة الكهربائية اللي وجودها بيسهل كتير من عملية تنضيف الهدوم والملايات وغيرهم من المستلزمات الخاصة بالبيوت. والغسالات موديلات زي الأتوماتيك والفوق أتوماتيك والعادي والنصف أتوماتيك وبأسعار تناسب كل الميزانيات بتختار منها اللي يناسبك حسب ميزانيتك وعدد أفراد أسرتك والمكان اللي خصصته ليها ودايمًا مهم نتعرف على المواصفات اللي بتقدمهالك الشركات وحدد منها المهم بالنسبة لك واللي بتختار على أساسه زي سعة الغسالة وإنها تكون ليها مكان مناسب جنب توصيلات المية وسرعة دورانها ومدى تنضيفها.

تعالوا مع ياقوطة هنوضح في الريفيو ده مواصفات ومميزات وعيوب غسالة يونيون إير الهاف أتوماتيك ١٢ كيلو ولو لقيتها مناسبة تقدر من خلالنا تلاقي أحسن أسعارها وتقدر كمان تطلبها من خلالنا وتوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • قدرة الغسيل: ١٢ كجم.
  • قدرة التجفيف: ٣ كجم.
  • كمية مياه الغسيل: ٤٠- ٧٥ لتر.
  • قدرة مضخة الصرف: ٢٥ لتر/دقيقة.
  • قدرة موتور الغسيل: ٢٢٠ وات.
  • قدرة موتور العصر: ٧٠ وات.
  • مصدر الطاقة: فاز ١/ هرتز ٥٠/ فولت ٢٤٠-٢٢٠.
  • إجمالي الوزن ٣٥ كجم.
  • صافي الوزن: ٣٠ كجم.
  • الأبعاد: ٩٦.5×٤٦.5× ٨٢٫٥ سم.
  • حمولة الحاوية: (HC,20,40,40).

المميزات

  • سعتها الداخلية كبيرة ١٢ كجم يعني بتوفر مجهود لأنك بتقلل عدد مرات الغسيل لأنها بتاخد كمية كبيرة من الملابس في المرة الواحدة.
  • حجمها بيسمحلك إنك تغسل فيها بطاطين ومفروشات وتوفر مجهودك في الغسل اليدوي أو فلوسك في التنظيف الجاف.
  • موفرة واقتصادية لأنك بتقدر تستخدم معاها أي نوع مسحوق عادي، ومعروف إن المساحيق العادية أسعارها أقل كتير من المساحيق الأتوماتيك.
  • بتقدر تغسل فيها أي أنواع أقمشة ومفروشات.
  • تنظيفها كويس جدا وفيها دورة نقع للملابس شديدة الاتساخ.
  • مزودة بتايمر بتتحكم في التوقيت اللي عايزة من خلاله حسب نوع الأقمشة ودرجة اتساخها.
  • فتحتها العلوية سهلة في التعامل ومناسبة للأشخاص اللي عندهم مشاكل في الضهر وكبار السن، وكمان تقدر تضيف أي قطعة غسيل منسية خلال الدورة وهي شغالة بعكس الأتوماتيك.
  • مصنعة من البلاستيك القوي واللي بيخلي وزنها معقول في نفس الوقت يعني تقدر تنقلها من مكانها وتنضف تحتها بسهولة عكس الغسالات الأتوماتيك.
  • موفرة في الكهرباء لأنها مش بتسخن المية.

العيوب

  • مش بتشطف الغسيل بشكل جيد ومعظم اللي بيستخدموها بيضطروا يشطفوا الغسيل بشكل يدوي لأن بقايا المسحوق بتسبب حساسية جلدية. والشطف اليدوي بياخد مجهود عالي وبيكون متعب في الشتاء والبرد.
  • دورة العصر فيها مش بقوة الأتوماتيك وبالتالي الغسيل بياخد وقت أطول علشان ينشف.
  • مفيهاش تسخين للمية وبالتالي بتضطر توصلها وصلة من السخان أو تملاها مية سخنة بشكل يدوي.
  • استهلاكها للمية عالي جدًا مقارنة بالغسالات الأتوماتيك.

خدمة العملاء

  • خدمة عملاء يونيون إير مش الأحسن ولا الأفضل، وفيه شكاوى كتيرة من كتير من مستخدمين الشركة عليهم.

تجربة المستخدم

  • أنا عندي غسالة يونيون إير هاف أتوماتيك دي وهايلة في نضافتها وده اللي خلاني أتمسك بيها لأن معظم العيلة عندنا كانوا بيشتكوا إن الفول أتوماتيك نضافتها مش بالمستوى المطلوب خاصةً العائلات اللي عندهم أطفال والهدوم بتتوسخ جامد، لكن الحقيقة بشطف الغسيل على إيدي لأن الشطف مش قوي وبحس إن بيبقى فيه بواقي صابون لسه، وعندي أطفال بيجيلهم حساسية من بواقي الصابون وهو ده اللي مرهق خاصة في الشتا لكن كتنضيف هايلة.
  • أنا عندي الهاف أتوماتيك وروعة في التنضيف ومش بشطف حاجة بره وبتوفرلي كتير في المسحوق لأني بستخدم مسحوق عادي وبضيف أي هدوم نسيتها وهي شغالة عادي.

شوف غسالة يونيون إير نصف أتوماتيك ١٢ كجم من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

 أمنية عزمي، بكتب من 6 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرء كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول دايمًا أجرب أي جهاز بنفسي قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

Leave a Reply

Your email address will not be published. Required fields are marked *