كتب: فريق الموقع

السهر والانبساط الطبلة وصوت الصاجات جوز ولوز ومكسرات بيخلوا القلب يرقص الهيصة والاحتفال والبنات حلوين جُمال في دلع وفي دلال ماتيلا بينا نرقص.. ممكن تسمع الكلمات دي كمجرد كلمات لأغنية لهشام عباس وأكرم حسني وحميد الشاعري. لكن ده وصف بسيط لحالة من الهيصة والفرح اللي بنحس بيهم في تجمعات المصايف، ولمة العيلة سواء في عيد ميلاد أو حفلة خطوبة أو حتى في حفلات الزواج. أو حتى في مجرد اجتماع عائلي فيه شوية شباب عاوزين يولعوا الدنيا.. وجود   سماعات سبيكر  في الوقت ده لا يمكن اعتباره مجرد اختيار. لكنه حاجه أساسية لازم تكون موجودة في البيت  وهنا تظهر أهمية وجود سماعات حوالينا باستمرار

والحقيقة أننا ملاحظين سيطرة شبه كامله من شركة JBL على سوق سماعات الاسبيكر. مش بس علشان فخامة تصميمها ومكوناتها اللي بتعيش فترة طويلة. لكن كمان علشان كل ده بييجي بسعر مناسب مع باقي مواصفات السماعات

ولأننا يهمنا تشتروا الاسبيكر المناسب، ياقوطة هتقولك على أفضل سماعات الاسبيكر في ٢٠٢٣  ولو عجبك أي حاجة من اللي هنستعرضها وحبيت تشتريها تقدر تطلبها من خلالنا وهتوصلك في أسرع وقت.

بنفكرك إنك ممكن تشتري سماعات سبيكر من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

سماعات بلوتوث متنقلة من جيه بي ال فليب 4 مضادة للماء – اسود، JBLFLIP4BLKAM

• عارفين لما كان المدرسين زمان ينصحونا بالاجابة في الامتحان بالمختصر المفيد؟ هو ده اللي نقدر نوصف بيه السماعة دي
• كقيمة مقابل مال. احنا بنتكلم عن واحدة من أحسن السماعات اللي شوفناها بتقدم الميزة دي. سعرها كويس مقارنة بالمواصفات
• كجودة صوت. مانقدرش نقول أنها أحسن حاجه. لكنها بتقدم جودة عالية جدا في ظروف الاستخدام التقليدية البسيطة
• يعني ايه ظروف الاستخدام التقليدية؟ يعني مش بنتكلم عن احياء حفلة في البيت مثلا. لكن تعتبر السماعة كويسة في حالة تشغيل محتوى صوتي أو محتوى سينمائي لمشاهدة اشخاص حتى ٥ اشخاص مثلا.
• وأخيرا ميزة السماعة هي أنها مضادة للمياه وتصميمها شيك وعملي

شوف سماعات بلوتوث متنقلة من جيه بي ال فليب 4 مضادة للماء – اسود، JBLFLIP4BLKAM

JBL Partybox Encore Essential Bluetooth Party Speaker

• كان فيه مثل شعبي زمان اسمه “قد الكف ويقتل ميه والف” .. الكلام في المثل الشعبي كان على المشط الجراد اللي بيطلع الحشرات. لكن احنا ممكن نقوله على JBL Partybox Encore Essential Bluetooth
• على الرغم من تصميمها الصغير نسبيا في الحجم، لكن جودة الصوت الخارج من السماعة أقل ما توصف به أنه خطير. 
• جودة الصوت وارتفاعه قابلة أنها تحيي حفلة في المنزل أو مكان متوسط بعدد متوسط الى كبير من الناس بمنتهى البساطة
• مميزات زي مقاومة الماء وتغير ألوان الاضاءة مع المحتوى الصوتي، كلها تعتبر مميزات رائعة. ممكن مش كل المستخدمين هايكونوا مهتمين بيها. لكن وجودها مش بيقلل من جودة السماعة بل على العكس بيزودها

شوف JBL Partybox Encore Essential Bluetooth Party Speaker

جاي بي إل سماعة بلوتوث مقاومة للماء JBLCLIP4GRN

• سماعة JBLCLIP4GRN تعتبر واحدة من أرخص السماعات اللي قابلناها. لكن ماتخليش انخفاض السعر يُغرك.. لأننا بنتكلم عن جودة صوت ممتازة
• يعني ايه جودة صوت ممتازة؟ يعني مستوى ارتفاع عالي، وتفضل الجودة زي ما هي حتى لو ارتفع الصوت للنهاية. 
• والحقيقة أن دي مشكلة بتواجهنا مع السماعات اللي حجمها صغير نسبيا وهي أن جودة الصوت بتتغير لما ارتفاعه يعلى. لكن كل ده مش بيحصل مع الـ JBLCLIP4GRN بل بالعكس بيفضل الصوت العالي نقي وواضح
• الميزة الأخيرة في السماعة – بالاضافة لرخص الثمن طبعا- هي مقاومتها للماء. وده معناه انك تقدر تاخدها معاك حمام السباحة مثلا. بدون ما تكون خايف من ان المياه تيجي عليها.

شوف جاي بي إل سماعة بلوتوث مقاومة للماء JBLCLIP4GRN

مكبر صوت بومبوكس محمول مقاوم للماء يعمل بالبلوتوث من جيه بي ال، اسود

• وسع وسع للعمالقة.. سبيكر بومبوكس يعتبر من أشهر الموديلات اللي بتقدمها شركة JBL لمستخدميها.
• ليه بنعتبر السبيكر ده عبقري؟ علشان بيقدم مقابل السعر المتوسط نسبيا.. نكرر.. نسبيا.. أداء أكتر من مثالي.
• ليه أكتر من مثالي؟ علشان السبيكر بيقدم جودة صوت + جودة تصميم+ قدرة عالية على التحكم في الدقة وارتفاع الصوت
• وسواء كنت عاوز تحيي حفلة. او عاوز تشغل مزيكا هادية وقت النوم أو قبل النزول للشغل. سبيكر بومبوكس هايكون الرفيق الأمثل لك.
• وبما أننا بنتكلم عن الرفقة. لو قررت تروح حمام السباحة مع ليست الموسيقى بتاعتك. ما تخافش من أي حاجه علشان السبيكر مضاد للمياه يعني هاتعمل معاه حفلة مائية بدون أي مخاوف.

شوف عروض الزباديمكبر صوت بومبوكس محمول مقاوم للماء يعمل بالبلوتوث من جيه بي ال، اسود.

JBL مكبر الصوت بوم بوكس ​​3 المحمول بتقنية البلوتوث – سكواد

• وأخيرا.. الناس اللي بتحب الـ Army style وبتحب التجديد في كل حاجه حواليها.. جايبين لكم سبيكر مع ستايل مختلف تماما
• بتحصل هنا على نفس الفكرة من أي سبيكر تاني من JBL جهاز بتصميم جميل جدا، مع القدرة على مقاومة المياه، وصوت نقي وعالي
• كل ده بييجي مع الوان شبه افارول الجيش وده بيخلي السبيكر له شكل مميز من النادر انك تلاقيه في أجهزة تانيه
• لازم نعترف أن سعر السبيكر هنا غالي نسبيا. لكن في المقابل بتحصل على أداء مثالي، وقدرة عالية على احياء الحفلات والمناسبات السعيدة. بالاضافة لخفة في الوزن وسهوله في التحريك من مكان للتاني. هانعوز ايه اكتر من كده؟!

شوف JBL مكبر الصوت بوم بوكس ​​3 المحمول بتقنية البلوتوث – سكواد.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.