شوربة الربيع الايطالية
مفيش افيد من شوربة الخضار.. بس مش كل حد بيعملها حلوة و لذيذة. شوربة الربيع الايطالية فيها خضار كتير بنفس فايدة شوربة الخضار و لكنها طعمها احلى علشان شبه شوربة الطماطم (بس خفيفة) و فيها خضار. جربوها و قوللنا هل عجبتكو اكتر من شوربة الخضار العادية ولا لأ ؟
المقادير
٥ كوبايات مياه مغلية
١ كوسة
١ جزرة
١/٢ كوباية فاصوليا متقطعة
١/٢ كوباية فاصوليا بيضة معلبة
١ طماطم
١/٢ كوباية صلصة طماطم
٣ معالق كبار زيت
١ بصلة
١ معلقة صغيرة ثوم مفروم
١ مكعب مرقة دجاج
٣ معالق كبيرة بقدونس مفروم
٣ معالق كبيرة كسبره مفرومة
١ معلقة صغيرة زعتر جاف
١ معلقة صغيرة ملح
١/٤ معلقة فلفل اسود
الطريقة
– قطعى كوسه وجزر وفاصوليا وطماطك وبصل.
– سخنى الزيت وبعدين زودى البصل و الثوم و قلبى لمدة ٢ ل٣ دقائق.
– زودى طماطم و صلصة الطماطم و ماجى و ملح و فلفل سبيه عالنار لمدة ١٠ دقائق و قلبى كل فتره.
– زودى مياه مغليه و خضار و سبيه لمدة ١٥ ل٢٠ دقائق.
– زودى بقدونس و كسبره و زعتر.