سلطة فاصوليا

زهقتى من كل خضار العادى بس مينفعش تعملى سفرة من غير خضار؟ (أصل بصراحة لازم حاجة تظبط الهضم مع كل المحشى و الحمام و المكرونة البشاميل ولا ايه؟) ايه رأيك تعملى سلطة فاصوليا؟ هى أصلا مفيهاش غير فاصوليا فا متخفيش مش صعبة خالص

المقادير

– ¼  كيلو فاصوليا متقطعة 

– 1 بصلة صغيرة متقطعة مكعبات

– 2 ليمونات

– ملح و فلفل

الطريقة

– هو انتى بس هتسلقى الفاصوليا, دى الحاجة الوحيدة اللى هتحتاجى تعمليها و بردو مش هتتعبك فى حاجة (بس أحسن لو سلقتى الفاصوليا جوه مصفى حديد و تحطى المصفى فوق حلة مليانة مياه و تخليها تتسلق على البخار عشان متتهريش و تفضل مقرمشة)

– لما تبرد, حطى بقيت المكونات التانية و قلبيها

– قدميها فى طبق التقديم  معاها معالق السلطة بتاعته

هاتى لمونة زيادة و ركبى فيها عصارة اللمون اللى فيها رشاش و قدميها على السفرة عشان لو حد ليه تقل على اللمون –
الأدوات المستخدمة

Leave a Reply

Your email address will not be published. Required fields are marked *