موز محمص بالآيس كريم
مستمرين فى نشر وصفات سهلة عشان يبقى الصيف أحلى .. جربوا تتحدوا الحر بالموز المحمص بالآيس كريم.
المقادير
٦ موزات
١/٣ كوباية عصير لمون
٤ معالق كبار سكر بنى
١ معلقة صغيرة قرفة
١ معلقة صغيرة جنزبيل
١/٢ كوباية عصير برتقان
٢ معالق كبار زبدة
١/٢ كوباية لوز محمص
الطريقة
– غطى الموز بعصير الليمون.
– رصيهم فى صنية.
– اخلطى السكر البنى و القرفة و الجنزبيل مع عصير البرتقان.
– صبى الخلطة (عصير البرتقان) فوق الموز.
– غطيها بالزبدة (بعد ما تسيحيها).
– دخليها فى الفرن لحد ما الموز يبقى طرى.
– لما تطلعيها رشى عليها اللوز المحمص و قدميها مع الآيس كريم.