آيس تى بالنعناع
مفيش احلى من آيس تى فى الحر دا و كمان بالنعناع المنعش و مش هياخد ولا وقت ولا مجهود عشان يتعمل فى البيت فى اى لحظة تحس فيها بالحر.
المقادير
٦ أكياس شاى اسود ( أو احمر على حسب انتوا بتحبو تسموه ايه)
٨ كوبايات مياه سخنة
٣/٤ كوباية سكر
٣/٤ كوباية مياه
٣ اغصان نعناع طازج
الطريقة
– سيبى ال٦ باكتات شاى فى المياه السخنة لمدة ٤ دقايق.
– شيلى الباكتات و سيبى الشاى يبرد شوى و دخليه فى التلاجة على ما تخلصى.
– حطى حلة على النار و ضيفي فيها السكر و المياه العادية و النعناع و اغليهم على نار متوسطة و انتى بتقلبى لحد ما السكر يدوب
شليه من على النار و سبيه يبرد شوى.
– هاتى دورق و امليه تلج و زودى عليه الشاى الى فى التلاجة و النعناع اللى كان على النار و قدميه بدرجة البرودة الى انتى عايزاها.
– زينيها بشرائح الليمون والنعناع.