كتبت: شذا وليد

بيتك هو مكان راحتك. هو المكان اللي بتلاقي فيه الدفء والأمان والفرحة، وأهم حاجة، حب العائلة. هو المكان اللي موجود فيه ذكريات طفولتك ولحظات شبابك. راحة البيت عمرها ما كانت بتتقاس بمساحته أو قد إيه فاخر لكن بمقدار سعادتك لما بتكون موجود فيه. من أهم الحاجات اللي بتفكرك بالبيت هي رائحته المميزة. بس إزاي تخلّي بيتك على طول ريحته منعشة وحلوة لعيلتك ولأي حد يزورك؟ ياقوطة هتقدملك نصائح بسيطة وسهلة عشان تحقق الهدف ده.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

تخلص من الروائح غير المرغوب فيها

قبل ما تبتدي تحاول تخلّي ريحة بيتك حلوة، لازم تتأكد إن ريحته مش وحشة. لأن لو حاولت تغطي على رائحة سيئة بمُعطر أو شموع مُعطرة هيبقي الموضوع أسوأ بكثير. احرص إنك تخَرّج قمامة البيت وتغسل الصحون بشكل منتظم عشان تتخلص من أي روائح عالقة. ممكن كمان تنظّف صندوق القمامة نفسه عشان ميبقاش فيه أي روائح غير مرغوب فيها. بالنسبة لحوض المطبخ، فده تنظفه بالصابون السائل المُعطر والمياه الدافئة. أخيرًا التهوية الجيدة وأشعة الشمس مهمة جدًا للبيت . خليك حريص دايمًا إن مفروشات البيت زي ملايات السرير والمخدات توصل ليها أشعة الشمس مرتين في الأسبوع على الأقل.

ممكن تشتري الصابون السائل المُفضل ليك من هنا.

يبدأ السعر من 29 جنيه مصري.

استخدم شموعًا معطرة

دي يمكن أول حاجة جت في بالك، صح؟ الشموع المعطرة من أسهل الطرق اللي تخلي ريحة بيتك حلوة. مهم إنك تقوم بتنسيق الشموع المعطرة مع الموسم والجو. يعني مثلاً، الروائح اللي تحتوي علي زهور وفواكه مناسبة للصيف لكن الروائح الخشبية والشرقية مناسبة للشتاء أكثر. لما تيجي تُحط الشموع المعطرة، خلّي الروائح الخفيفة للغُرف الصغيرة والروائح الثقيلة أو الثرية في الغُرف الكبيرة عشان تضمن رائحة مُنعشة ومتوزعة صح. لازم تاخد بالك إن الشموع تبقي بعيدة عن الأطفال والحيوانات الأليفة تفاديًا لأي مشاكل. خلّي برضه الشموع بعيدة عن الستائر والخشب أو أي حاجة قابلة للاشتعال. وعامةَ يُنصَح إنك متسبش شمعة مُضاءة ومفيش حد موجود في المكان.

تقدر تبُص علي مجموعة شموع معطرة ملونة من هنا.

يبدأ السعر من 119 جنيه مصري.

اصنع الرذاذ المعطر الخاص بك

ساعات الشموع المعطرة بتاخد وقت طويل عشان تعمل مفعول، عشان كده الاختيار الثاني هيكون الرذاذ أو السبراي المعطر. أنت ممكن تشتري رذاذ معطر عادي من السوبر ماركت، بس إيه رأيك لو تستمتع أكتر وتعمله أنت بنفسك؟ صُنع الرذاذ المعطر حاجة سهلة وبسيطة. كل اللي انت محتاجه هو زجاجة رذاذ فاضية، كحول، ماء مُقطر (ممكن تستخدم مياه عادية برضه)، وقطرات من زيت الرائحة المُفضل ليك (لافندر أو ليمون أو أي حاجة بتحبها). اخلط المزيج ده مع بعض ورُشه في المكان وقت ما تحتاج. كده هيبقي عندك رذاذ معطر سعره كويس وسهل الحصول عليه وكمان عضوي يعني مفيش قلق من أي مواد كيميائية في الجو.

ممكن تبُص على تشكيلة واسعة من معطرات المنزل هنا.

يبدأ السعر من 43 جنيه مصري.

تقدر تشتري أي من الزيوت الأساسية اللي محتاجها من بيورتن إيجيبت.

اغلي أعشاب طبيعية

طريقة تانية سهلة عشان ريحة بيتك تبقي حلوة هي إنك تغلي أعشاب طبيعية على النار. كل اللي محتاجه هو حلة صغيرة وشوية مياه ونوع أعشاب بتحب ريحته (نعناع، لافندر، روزماري.. اللي يعجبك) وورق ليمون أو برتقال. ممكن تزوّد بعض أعواد القرفة. حُط حوالي ثلثين الحلة مياه وعليهم الأعشاب والحمضيات وخليهم يغلوا على النار. واتفرج إزاي الخليط ده هيخلي ريحة بيتك منعشة!

استخدم فواحة

فواحات الزيوت العطرية من الطرق الصحية والمريحة عشان تخلي بيتك ريحته منعشة. ليهم أشكال وأحجام متنوعة وساعات بيُعتَبَروا قطعة ديكور فتبقي لمسة مميزة لبيتك. اللي بتعمله الفواحة إنها تقوم بنشر الزيت الأساسي في الهواء فبسهولة وبسرعة هتخلي ريحة بيتك حلوة. وفي الحقيقة مش دي الفايدة الوحيدة للفواحات لأنهم بيُستخدموا في طرق العلاج بالعطور. الزيوت الأساسية بتساعد على الراحة وبتخليك نشيط أكثر وبتتنفس بطريقة أفضل. من الزيوت الأساسية اللي ممكن تستخدمها هي الياسمين والفانيلا والبرغموت والنعناع وعشب الليمون.

خلّي لبيتك لمسة أنيقة ورائحة مميزة بالعصي الفواحة دي.

يبدأ السعر من 534 جنيه مصري.

استخدم مُنقي الهواء

مُنقي الهواء بقى عليه كلام كتير اليومين دول لقدرته على تطهير الهواء اللي بنتنفسه في البيت. يُستخدم مُنقي الهواء في إزالة التراب وحبوب اللقاح ووبر الحيوانات الأليفة (أجزاء ميكروسكوبية من ريش وجلد الحيوانات بتسبب حساسية لبعض الناس). بس مش كل مُنقيات الهواء بتشتغل بنفس الطريقة. أول نوع هو جهاز الأيونات السالبة، واللي بيمتص الملوثات اللي في الجو ويشحنهم بشحنة سالبة ويُطلقهم في الهواء عشان يلتصقوا بالأجسام اللي بتحمل شحنة موجبة زي الأثاث والأرضيات وغيره. ده بيقلل الملوثات في الجو وبيديك إحساس الهواء النقي. النوع ده مش بيعمل صوت وسهل الاستخدام. بس مشكلته إنه لازم تكنس الغرفة بشكل دوري عشان الأجسام الأيونية متفضلش عالقة على الأثاث والأرضيات.

تاني نوع هو فلتر HEPA الهوائي، واللي معناه High Efficiency Particulate Air. النوع ده بيحبِس الملوثات في شبكة دقيقة. ده أكثر نوع شائع من مُنقيات الهواء. وده برضه أكثر نوع مناسب لو عندك حيوان أليف عشان بيقدر يزيل الوبر والشعر. مشكلة فلتر HEPA إنه مش بيحبس الروائح. لو عايز مُنقي هواء لحبس الروائح والدخان، يبقي لازم تشتري مُنقي هواء بتقنية الكربون المنشط لأنه بيمتص الروائح اللي بتبقى عالقة على الأثاث والأرضيات والمواد الكيميائية اللي موجودة في مواد التنظيف ورائحة العطور. النوع ده من التكنولوجيا بيبقى مريح وصحي أكتر للناس اللي عندها حساسية.

تقدر تبُص على مُنقيات الهواء من هنا وتختار اللي يناسبك.

يبدأ السعر من 125 جنيه مصري.

بغض النظر عن الطريقة اللي بتفضلها، خليك فاكر إن مفيش حاجة تُضاهي متعة إنك تدخل شقتك بعد يوم مُتعب في الشغل وتستنشق هواء نضيف ممزوج برائحة حلوة هي اللي بتخلي بيتك مألوف ومريح.

قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com في فيسبوك.