كتبت: منى عوض

رمضان شهر العبادة والخير كله وفكرة تخصيص ركن الصلاة والعبادة لطيفة جدًا وهتخلي مستوى الاستمتاع بالعبادة مختلف وليه خصوصية أكبر، خاصة في شهر كلنا بنستناه من السنة للسنة بفارغ الصبر.

خليك عارف كمان إن تحضير الركن دا مش مقتصر على الأدوات والحاجات اللي هتحتاجها وبس، بل اختيار المكان المناسب هو العامل الأهم في الموضوع. يُفضل مثلاً إن المكان دا يكون بيتميز بهدوء وراحة وبعيد تمامًا عن أي دوشة أو الغرفة اللي فيها التلفزيون، ويُفضل كمان تكون مساحته كافية لعدد الأفراد اللي هيتشاركوا فيه.

من ناحيتنا بقى في ياقوطة هنقولك على الحاجات اللي ممكن تحتاجها في صُنع ركن الصلاة والعبادة بشكل متكامل. ولو عجبك أي حاجة من اللي هنستعرضها وحبيت تشتريها تقدر تعرف أحسن سعر ليها وتقدر كمان تطلبها من خلالنا وهتوصلك في أسرع وقت.

بنفكرك إنك ممكن تشتري متطلبات ركن الصلاة والعبادة من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

سجادة صلاة

العبادة بتدور في العادة بين الصلاة وقراءة القرآن وذكر الله والدعاء وعشان تقدر تعمل كل دا وإنت مرتاح، خاصة الصلاة، هتحتاج سجادة صلاة بخامات كويسة ومريحة أثناء الصلاة والجلوس لقراءة القرآن أو إتمام أي ركن من أركان العبادة. ويفضل تختارها كمان بألوان مريحة ومناسبة بالنسبة لعينيك عشان تكون مبسوط وإنت بتستخدمها.

شوف العروض المختلفة لسجاد الصلاة على ياقوطة.

حامل مصحف

حامل المصحف أحد الديكورات اللي هتحتاجها بشكل كبير في ركن العبادة، ودا ممكن يسهل عليك قراءة القرآن الكريم أثناء الصلاة من غير ما تحتاج تمسك المصحف وتتحرك بيه.

شوف العروض المختلفة لحامل مصحف على ياقوطة.

مصحف

من المؤكد أنك هتحتاج أكتر من مصحف لو أكتر من حد هيشاركك ركن الصلاة والعبادة، بالتالي ممكن تشتري مصاحف بالشكل والحجم اللي إنت عايزه واللي يتناسب كمان مع اللي هيشاركوك في الركن دا.

شوف المصحف الشريف من هنا.

قلم قراءة القرآن الكريم

قلم قراءة القرآن الكريم فكرة عملية وكويسة جدًا خاصة بالنسبة لكبار السن والأطفال أو الناس اللي بتخاف يكون عندها غلطات في القراءة أو بتحب تقرأ ورا حد. المهم يعني فكرة عمل القلم دا بتقوم على توجيهه على أي سورة أو آية من القرآن الكريم وهو هيبدأ التلاوة من مكان ما إنت عايز وبصوت الشيخ اللي تحبه.

شوف العروض المختلفة لأقلام قراءة القرآن الكريم على ياقوطة.

سبحة

السبحة من الأساسيات كمان لأنك تقدر تقول عليها كل الأذكار اللي إنت عايزها من غير ما تتلغبط في العدد أو عقلك يتوه. وخليني أقولك إن تواجدها المستمر في إيدك هيفكرك بالذكر دايمًا.

شوف العروض المختلفة للسبحة على ياقوطة.

خاتم التسبيح

خاتم التسبيح الإلكتروني كمان وجوده هيريحك ويخليك تعرف عدد الأذكار اللي قولتها كلها بشكل فعلي، كل اللي عليك إنك تضغط على زر صغير طول ما إنت بتذكر الله.

شوف العروض المختلفة لخاتم التسبيح على ياقوطة.

تابلوه إسلامي

ممكن تختار تابلوه صغير تزين بيه الركن دا ويكون عليه آية قرآنية أو صورة إسلامية لطيفة تعزز أجواء وروحانيات المكان.

شوف العروض المختلفة للتابلوهات الإسلامية على ياقوطة.

أباجورة صغيرة

ممكن تستخدم أباجورة صغيرة كمان لو حبيت تصلي أو تقول الأذكار في ضوء خافت من غير ما تشتت انتباهك بالأضواء القوية اللي ممكن تضايقك أو تقطع حبل أفكارك زي ما بيقولوا.

شوف العروض المختلفة للأباجورات على ياقوطة.

مبخرة

البخور بيدي رائحة مختلفة للمكان وبيزود القدرة على التركيز والاستمتاع بروحانيات العبادة وتحسن نفسيتك، بالتالي ممكن تختار مبخرة شكلها شيك تحط فيها البخور الحجري وهيطلع دخان ورائحة قوية تغير رائحة البيت كله مش بس ركن العبادة.

شوف العروض المختلفة للمبخرة على ياقوطة.

أعواد بخور

لو عايز بخور سريع من غير ما تبذل أي مجهود في تحضيره، ممكن تلجأ لاستخدام أعواد البخور المختلفة اللي بتغير رائحة المكان كلياً، واللي مش هتتطلب منك غير إنك تولعها بعود كبريت أو ولاعة فقط.

شوف العروض المختلفة لأعواد البخور على ياقوطة.

معطر للجو

اختار معطر جو رائحته كويسة مريحة بالنسبالك عشان يديك إحساس بالانتعاش، ويُفضل طبعًا تختار معطر جو برائحة المسك عشان تحس باسترخاء واندماج أكبر أثناء التعبد.

شوف العروض المختلفة لمعطر الجو على ياقوطة.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.