دليل ياقوطة لشراء أفضل كرسي مكتب

كتب: عماد لبيب

عمرك سألت نفسك انت بتقضي وقت قد إيه قاعد على كرسيك ؟ تقريبا ٣٥ ساعة في الاسبوع، يعني ١٤٠ ساعة في الشهر، يعني تقريبًا ١٦٨٠ ساعة في السنة! لو حسبنا عدد السنين اللي الواحد بيقضيها في شركة معينة، هتستغرب لما تعرف إن جزء كبير جدًا من حياتنا بنقضيه واحنا قاعدين على الكرسي. لأ ده كمان من غير ما نحسب الوقت اللي بتقضيه في البيت على كرسي مكتبك .

السيء في الموضوع ده إن القعدة طول اليوم ممكن فعلًا تؤدي للوفاة. الابحاث العلمية بتأكد إن الأشخاص اللي بيقضوا طول اليوم قاعدين بيكونوا أكثر عرضة للوفاة بسبب الأزمات القلبية من الأشخاص الآخرين. وعلى الرغم من كل الحقايق دي، احنا نادرًا جدا ما بنهتم بشراء كرسي صحي ومريح. مش كده وبس، ده احنا ممكن نصرف مبالغ كبيرة جدًا على شراء المكتب نفسه، مع إن الدراسات بتأكد إن الكرسي الصحي المريح بيساعد على زيادة إنتاجية الموظف وكمان بيحميه من أي أضرار صحية.

وعشان إحنا هنا في ياقوطة دايمًا حريصين على توفير أسهل الطرق لحياة أفضل لكل الناس، بنقدملك دليل شامل لشراء أفضل الكراسي الصحية اللي ممكن تستخدمها في الشغل أو في البيت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

قبل ما ندخل ف تفاصيل موضوعنا، اسمحولي احكيلكم تجربة شخصية ليا في شركة كنت شغال فيها قبل كده. بعض الزملاء كانوا دايمًا بيشتكوا من آلام في الضهر والعمود الفقري ومشاكل تانية كتير. لما اتعرضوا على دكاترة، الدكاترة أكدوا إن ده بسبب الكراسي السيئة غير الصحية اللي الموظفين بيقعدوا عليها، ونصحوا الشركة إنها لازم تستبدل الكراسي دي بكراسي تانية مناسبة. خصوصًا وإن بعض الموظفين حالتهم استدعت تدخل جراحي ومنهم عمليات خطيرة. وطبعًا مش محتاج أقول إن كتير من الموظفين دول اضطروا ياخدوا أجازات مرضية وده اتسبب في ضياع وقت كتير وبالتالي أثر على إنتاجية الشركه ككل.

بس حرصًا من إدارة الشركة على صحة موظفيها وكمان عشان بدأت تستوعب أهمية ومبادئ الجلوس الصحي السليم للموظفين، الإدارة استبدلت كل كراسي الشركة القديمة بكراسي مناسبة صحيًا لكل الموظفين. طبعًا النتيجة كانت رائعة، وبدل كم الغيابات العالي للموظفين، الشركه قدرت تحافظ على صحة موظفيها وكمان على الإنتاجية العالية ليهم. ده غير طبعًا الشكل الجمالي اللي الكراسي الجديدة أضافته للمكان وده بسبب تصميماتها الأنيقة والعصرية.

طيب مبدئيًا كده، احنا محتاجين نعرف أهمية امتلاك كرسي صحي ومريح.

في الحقيقة امتلاك كرسي جيد ليه فوايد كتير قوي، يعني مثلًا:

  • بيمنع أي آلام للضهر، واللي بيُعتبر حق أساسي من حقوق أي موظف في أي شركة.
  • بيحافظ على راحة رجليك وكتفك ورقبتك أثناء العمل.
  • بيقلل الشعور بالتعب وعدم الراحة.
  • بيحافظ على توازن الدورة الدموية.
  • بيزود الإنتاجية بمعدل ١٧٪.
  • بيقلل من الوقت المستقطع وكم الغيابات وكمان الأخطاء.

مميزات ضرورية عند شراء كرسي المكتب

بما إن كرسي المكتب يُعتبر جزء من ديكور المكتب، كتير مننا بيهتموا جدًا بإن الكرسي لازم يبقى شكله حلو وكمان ما يكونش ليه أي آثار سلبية على الشخص اللي بيستخدمه. عشان كده تصميم الكرسي وكونه مريح دول أهم الاعتبارات اللي لازم نهتم بيها. ده بالإضافة لعوامل تانية لازم نهتم بيها برضه واحنا بنشتري الكرسي زي:

١- قابل للتعديل

ميزة مهمة جدًا وانت بتشتري الكرسي. تقريبًا كل الكراسي الحديثة بيتوفر فيها إمكانية تعديل الارتفاع ومسند الإيد، وده بيساعد بشكل كبير جدًا في توفيرأكبر قدر من الراحة للشخص. وفي أنواع تانية من الكراسي فيها مميزات أكتر للتعديل زي مثلًا تعديل مسند أسفل الضهر ومسند الإيد وعرض وارتفاع الكرسي وكمان تعديل زاوية ضهر الكرسي.

٢- مسند أسفل الظهر

يعتبر مسند أسفل الضهرمن أهم مميزات الكرسي المريح. بس الكرسي الأكثر راحه هتلاقيه مزود بمسند ضهر قابل للتعديل، وده بيسمح للشخص إنه يظبط الكرسي على حسب وضع ضهره، وده طبعًا ضروري لحماية الضهر من أي آلام.

٣- الارتفاع

من الضروري يكون ارتفاع الكرسي عن الأرض قابل للتعديل. في العادي بيكون ارتفاع الكرسي من ١٦ لـ ٢٠ بوصة مناسب لمعظم الناس. وده بيسمح لمستخدم الكرسي إنه يخلي أقدامه في وضع سطحي على الأرض وإيده على نفس مستوى ارتفاع المكتب.

٤- العرض والعمق

الكرسي الجيد المفروض يكون عرضه وعمقه مناسبين عشان يوفر الراحة للشخص اللي بيستخدمه. عادةً العرض المناسب بيبقى من ١٧ لـ ٢٠ بوصة، إنما العمق (من مقدمة لمؤخرة الكرسي) المفروض يكون مناسب بشكل يسمح للمستخدم إنه يسند ضهره وفي نفس الوقت يكون في مسافة من ٢ لـ ٤ بوصة بين مؤخرة الركبة ومقعد الكرسي.

٥- الحجم

من الأفضل إنك تشتري كرسي مناسب في الحجم لمكتبك. لما بتشتري كراسي كبيرة بشكل مبالغ فيه ده بتاخد مساحة كبيرة من مكتبك، وده هيخلي من الصعب عليك وعلى باقي الموظفين التحرك بحرية في المكان.

٦- مزوّد بعجل

ضروري جدًا يكون الكرسي مزود بعجل، وخصوصًا لو أرضية المكتب مفروشة سجاد. في الحالة دي، في كراسي مزودة بعجل مصنوع خصيصًا عشان يناسب الأرضيات المفروشة سجاد.

٧- قابل للدوران

الكرسي الجيد بيكون قابل للدوران وده عشان يسمح للمستخدم إنه يوصل لكل أجزاء المكتب بسهولة وكمان عشان يتجنب آلام الإيد اللي ممكن يتسبب فيه فرد الايد بزيادة عشان توصل للحاجات البعيده على المكتب.

٨- الخامات

عمرك كرهت قعدتك على كرسي بسبب إنه بيسخن ومش مريح؟ لو ده حصلك يبقى الكرسي اللي انت بتقعد عليه مصنوع من خامات لا تسمح بالتهوية. مهم جدًا تراعي الخامات اللي الكرسي متنجد بيها عشان هتأثر على راحتك لو ما كانتش خامات كويسة.

ودلوقتي بعد ما وضّحنا الميزات الضرورية اللي لازم تكون موجودة  في أي كرسي مكتب، خلينا بقى نقارن بين كذا نوع من الكراسي في الجدول ده:

العيوب المميزات الوصف الموديل
  • ضمان لمدة عام فقط.
  • متوفر بعدة ألوان.
  • مناسب للمنزل والمكتب.
  • فوم ذو كثافة عالية في منطقة المقعد والظهر.
  • يد تحكم متعددة الوظائف.
  • يد إضافية لتعديل وضع الظهر.
  • التنجيد: طبقة صناعية عالية الجودة.
  • الارتفاع قابل للتعديل.
  • مزوّد بعجل.
  • قطع غيار متوفرة.
  • سعر مناسب.
  • مصمم عشان يوفر للمستخدم عدد من المميزات اللي بتتناسب مع شكل وحجم وراحة الجسم.
Sarcomisr Secretary Office Chair
  • ضمان لمدة عام فقط.
  • الهيكل الداخلي مصنوع من الصلب والحشو فوم عالي الكثافة.
  • متوفر بألوان متعددة.
  • يد تحكم متعددة الوظائف ومزودة بمانع صدمات.
  • التنجيد: طبقة صناعية عالية الجودة.
  • الارتفاع وزاوية الميل قابلين للتعديل.
  • مزوّد بعجل.
  • قطع غيار متوفرة.
  •  سعر مناسب.
  • مصمم عشان يوفر للمستخدم عدد من المميزات اللي بتتناسب مع شكل وحجم وراحة الجسم.
Sarcomisr Leather Office Chair

 

  • ضمان لمدة عام فقط.
  • غالي الثمن.
  • مناسب للمنزل والمكتب.
  • فوم ذو كثافة عالية في منطقة المقعد.
  • الظهر عبارة عن شبكة لجلسة مريحه واسترخاء للمستخدم،
  • مسند أسفل الظهر لتوفير الراحة خلال ساعات العمل.
  • يد تحكم متعددة الوظائف مزودة بمسند يد ومسند رأس قابلين للتعديل.
  • التنجيد: طبقة صناعية عالية الجودة لمنطقة المقعد وشبكة لمنطقة الظهر.
  • الارتفاع قابل للتعديل.
  • قاعدة الكرسي ذات جودة عالية.
  • مزوّد بعجل.
  • قطع غيار متوفرة.
  • مصمم عشان يوفر للمستخدم عدد من المميزات اللي بتتناسب مع شكل وحجم وراحة الجسم.
Sarcomisr Mesh Office Chair

 

  • فترة ضمان قصيرة.
  • غالي الثمن.
  • قطع الغيار ربما يكون صعب توافرها.
  •  تصميم طبي مريح.
  • الارتفاع قابل للتعديل.
  • شبكة خلفية.
  • خامات اسفنجية بلاستيك عالية الجودة.
  • مصمم للمساعدة على العمل لساعات طويلة.
  • مسند ظهر منحني لوضع أكثر راحة
  • مزوّد بعجل.
  • الكرسي ده هو الحل المثالي للناس اللي بيعانوا من آلام الظهر، فتصميمه الطبي المريح بيوفر وضع مستقيم للشخص وده عن طريق محاذاة الظهر والكتف والرأس، الأمر اللي بيساعد على تخفيف أي التواء في عضلات أسفل الظهر.
Smart Office Furniture S F O H14 Furniture Mesh Office Chair

في النهاية، لازم نبقى عارفين إن أي كرسي المفروض يتغير كل ٥ سنين عشان تضمن كفاءته. ودلوقتي بعد ما عرفت إزاي تختار كرسي المكتب، اشتري الكرسي المناسب ليك واسند ضهرك.. وريّح.

ممكن تشوف كراسي المكتب من هنا.

قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

Leave a Reply

Your email address will not be published. Required fields are marked *