دليل ياقوطة لشراء أحسن خلاط مياه

كتبت: منى عوض

خلاط المياه أو الحنفية عنصر أساسي ومهم جدًا في أي حمام في العالم يعني المسمى اختلف والأهمية واحدة، ولكن مؤخرًا انتشار وتنوع الشركات إللي بتنتج الحنفيات دي واختلاف أسعارها بقى شيء مرهق.

ولإننا في ياقوطة بنهتم براحتك هنقدملك في المقال مجموعة نصايح مهم تخليها في بالك وانت بتشتري خلاط المياه، وهنقدملك كمان مجموعة مختلفة وأنيقة من الخلاطات دي تقدر تعرف أشكالها وأسعارها المختلفة من خلالنا، ولو عجبك منتج منهم وعاوز تشتريه تعرف تطلبه وهيوصل لغاية عندك من خلال ياقوطة.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أنواع خلاطات المياه

1- خلاطات المياه اليدوية  

النوع ده من الخلاطات منتشر بشكل كبير وتقريبًا ده أكتر نوع الناس بتعتمد عليه وبتشوف إنه مش هيبوظ بسرعة، ده لأنه بيشتغل من خلال مقابض ماء متصلة بالخلاط بيتم فتحها وقفلها بشكل يدوي.

2- خلاطات المياه الليزرية

خلاطات المياه الليزرية أو الخلاطات اللي بتشتغل عن طريق حساس ودي بتعتبر واحدة من أحدث أنواع الخلاطات وبدأت تنتشر في الفترة الأخيرة بشكل كبير نظرًا لمظهرها الجمالي واستخدامها لتكنولوجيا جديدة، بتقدر من خلالها في توفير كميات المياه المستهلكة.

وحابين كمان نوضح أن النوع ده من الخلاطات بيشتغل عن طريق حساس أو مستشعر بمجرد ما تضع أإدك تحت الحنفية هتلاقي المياه نزلت من الحنفية بشكل تلقائي وبمجرد ما تسحب إيديك هتلاقي إن المياه قفلت لوحدها. وده بالتالي بيوفر في كميات المياه المستهلكة ومش بيسبب أي إسراف في الماء.

3- خلاطات المياه ذات الكوع

النوع ده من الخلاطات عملي جدًا بس بيحتاج حوض كبير لأنه من الممكن فتحه عند الحاجة لخلاط أطول أو الحاجة لخرطوم المياه.

معايير يجب مراعاتها عند شراء خلاط الماء

1- مكان تركيب خلاط المياه

مهم مراعاة المكان اللي هتركب فيه خلاط الماء. يعني لو هتركبه على الحائط، أو هتركبه بشكل مدمج في الحوض، أو على سطح طاولة، أو سطح رخامي. وليه لازم ناخد بالنا من حاجة زي دي؟ لأن كل مكان بيحتاج نوع معين وشكل معين من خلاطات المياه وكمان شكل معين لتوصيلات الماء.

2- شكل وحجم الحوض

من الضروري جدًا تحديد حجم الحوض وطوله وشكله عشان تقدر تختار شكل الحنفية المناسبة ليه. يعني ماينفعش مثلاً يكون الحوض بتاعك حجمه صغير جدًا، وتروح تجيب حنفية ذات الكوع اللي بيبقي فيها خرطوم كبير، لأن الحنفية دي هتبقى كبيرة جدًا على الحوض، وهتغرق الدنيا حواليك وإنت بتتسخدمها.

3- ديكور الحمام

حاول بقدر الإمكان إنك تختار خلاط المياه بشكل يتماشى ويتناسب مع شكل ديكور الحمام، عشان تقدر تحافظ على المظهر الجمالي بتاع الحمام.

4- استخدام خلاط المياه

قبل ما تشتري خلاط المياه لازم تحدد إنت هتستخدمه فين بالظبط. يعني في المطبخ ولا على حوض الحمام، ولا حوض الاستحمام. ده لأن كل استخدام منهم بيبقى ليه شكل مختلف تمامًا لخلاط المياه عن الآخر.

5- ضغط المياه

عشان تقدر تحدد خلاط المياه المناسب لازم تحدد الأول ضغط المياه عندك وده ممكن تحدده من خلال قياس السباك ليه.

ولازم تاخد بالك إن خلاطات المياه المتركبة على الحائط بتحتاج قدر كبير من ضغط المياه مقارنة بخلاطات المياه المثبتة بشكل مباشر على حوض الغسيل.

6- خامة خلاط المياه

من الضروري جدًا اختيار خامة صنع عالية الجودة لخلاط المياه وتكون الخامة دي متناسبة تمامًا مع خامة الحوض عشان تقدر توفرلك مظهر جمالي أفضل وأكثر تجانس، خاصة إن خلاطات المياه متوافرة في الأسواق بالعديد من الخامات زي الاستانلس ستيل، والنحاس، والحديد، والنيكل.

نصائح لتنظيف خلاطات المياه بطريقة آمنة وفعالة

  • حاول بقدر الإمكان إنك تمسح خلاطات المياه بقطعة قماش مبلولة بشكل خفيف يوميًا عشان مايتكونش عليها بقع أو رواسب يصعب إزالتها بمرور الوقت وبالتالي تقليل المظهر الجمالي لخلاط الماء.
  • امنع تمامًا استخدام المواد المنظفة اللي بتحتوي في تركيبتها على أي مواد كيميائية لأنها ممكن تتسبب في تآكل أو تشويه المادة المصنوع منها خلاط الماء.
  • حاول بقدر الإمكان أإك ماتستخدمش سلك المواعين أو أي حاجه درجة خشونتها عالية عشان ماتسببش أي خدش أو تشويه للخلاط.
  • ممكن تنظف خلاط المياه وتغسله بشكل أسبوعي عن طريق فركه بإسفنجة مخصصة لتنظيفه ومع مراعاة غمس الإسفنجة دي في الأول بخليط من المياه الدافئ وعليه شوية صابون مواعين أو صابون الملابس وممكن تضيف كمان ملعقة صغيرة من بيكربونات الصوديوم واغسل الحنفية وهتلاقيها رجعت جديدة.

ممكن تختار خلاط المياه المناسب لاحتياجاتك من هنا.

ممكن كمان تختار بين مجموعة متنوعة من إكسسوارات الحمام من هنا.

وفي المقال ده حبينا نقدملك أهم 9 إكسسوارات للحمام على ياقوطة.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

Leave a Reply

Your email address will not be published. Required fields are marked *