كتبت: منى عوض

اللاب توب، ما بقاش جهاز للشغل بس، لكن تطوره اللي بيكون يوم ورا يوم خلاه جهاز متكامل للعب والفرجة على الأفلام، وعرض الصور وتخزينها وسهولة نقله والتحرك بيه في كل مكان خلى المحافظة على نظافته وشكله الأنيق صعب شوية. عشان كده من الضروري الاهتمام بيه وبنظافته بشكل صحيح لأن تراكم الأتربة عليه ممكن يقلل من عمره الافتراضي ويقلل من كفاءت تشغيله عمومًا، عشان كده ياقوطة قررت إنها تقدم مقال يُعتبر بمثابة دليل لتنظيف اللاب توب بطريقة صحيحة.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

• عشان تبدأ تنظف اللاب توب صح لازم تتأكد أن الجهاز مقفول تمامًا ومش بتوصل بأي تيار كهربائي.
• قم بتنظيف الغبار اللي موجود على السطح الخارجي للاب توب واللي موجود في منافذ اللاب توب والأماكن اللي من الصعب الوصول إليها زي مفصلات اللاب توب وهكذا، وده كله ممكن تتقوم بيه باستخدام قطعة قماش نظيفة وناشفة تمامًا أو من خلال فرشاه تنظيف اللاب توب المخصصة لتنظيف الغبار.
• يفضل تنظيف اللاب توب من الغبار بشكل مستمر يعني ممكن تقوم بالعملية دي مرتين أسبوعيًا عشان تحافظ على العمر الافتراضي للجهاز.
• دلوقتي تقدر تستخدم سائل تنظيف اللاب توب من خلال رش شوية صغيرين منه على قطعة قماش نظيفة وتبدأ تمسح كل جزء في اللاب توب بشكل كويس بس خد بالك أنك لازم تتجنب تمامًا أنك ترش السائل على اللاب توب مباشرة عشان مايتسببش في تلف الجهاز بسرعة.
• يفضل دايمًا استخدام سائل تنظيف اللاب توب مرة شهريًا عشان مايتسببش في تلف الشاشة أو الأجزاء الداخلية للجهاز سريعًا، ولازم كمان تاخد بالك وأنت بتنظف الجهاز بالسائل من دخوله إلى المكونات الداخلية للاب توب زي لوحة الكيبورد الداخلية لأن ده ممكن يتسبب في تلف المكونات الداخلية للجهاز.
• ممكن كمان تقلب اللاب توب على ظهره وتخبطه بأيدك بشكل خفيف عشان تنزل أي أتربة أو أي حاجة عالقة داخل الكيبورد.
• من الممكن كمان أنك ترش سائل تنظيف اللاب توب على أعواد القطن وتبدأ تمشيها بين أزرار الكيبورد وفي منافذ اللاب توب وفي الأماكن اللي من الصعب الوصول إليها عشان تنظفها بشكل كويس.
• تجنب تمامًا استخدام منظفات زجاج على اللاب توب لأن مكوناتها ممكن تتسبب في تلف الشاشة أو اللاب توب عمومًا بشكل سريع.
• بالنسبة للأجزاء الداخلية للاب توب، فلازم تعرف أنك ممكن تلجأ هنا لشخص متخصص عشان يفك اللاب توب وينظفها أو أنك ممكن تفك اللاب توب بنفسك وتبدأ عملية التنظيف بس عشان تعمل ده بنفسك هتحتاج أنك تعرف طريقة فك وتركيب اللاب توب بتاعك الصحيحة من خلال شبكات الإنترنت بس خد بالك من المسامير بتاعة الجهاز عشان ماتضيعش.
• خلاص فكيت اللاب توب بأمان، دلوقتي تقدر تنظف البروسيسور الداخلي والمروحة من خلال استخدام فرشاة تنظيف الغبار برفق أو ممكن تستخدم البلاور الهوائي أو السيشوار في إزالة الغبار من الأجزاء الداخلية للجهاز.
• لازم تعرف أنك هتكون محتاج تنظيف اللاب توب من الداخل مرة كل 3 شهور تقريبًا وده عشان تضمن الحفاظ عليه وعمله بكفاءة وطول عمره الافتراضي، وهتحتاج كمان أنك توديه لشخص متخصص كل سنة تقريبًا عشان تنظفه بشكل أكثر كفاءة.

ممكن تشوف أدوات تنظيف اللاب توب من هنا.

ممكن تشوف البلاور الهوائي من هنا.

ممكن تشوف دليل ياقوطة لشراء اللاب توب من هنا.

ممكن تشوف كمان نصايح وحيل: إزاي تحافظ على اللاب توب بتاعك.

المقال ده بقى بيقدملك شوية نصائح لتحقيق الاستخدام الأمثل للبطاريات.

ممكن كمان تشوف أفضل شنط اللاب توب المتاحة على ياقوطة من هنا.

ممكن تدلع اللاب توب بتاعك بـ 10 من أهم إكسسوارات اللاب توب والكمبيوتر.

ممكن تشوف كمان أهم 5 حوامل لاب توب على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.