دليل ياقوطة لاختيار كرسي المكتب المثالي

كرسي مكتب

كتبت: منى عوض

لو قدرت تختار كرسي ومكتب مريح للعمل أو المذاكرة يبقى إنت كدا قطعت الشوط المهم اللي هيريحك في باقي طريق إتمام المهام المطلوبة منك بكل راحة وهدوء، لأن كل ما كانت البيئة اللي إنت قاعد فيها مريحة كل ما قدرت تنجز مهامك بفعالية أكبر.

ولأننا يهمنا صحتك وراحتك دايمًا، ياقوطة هتقولك شوية نصائح مهمة تاخد بالك منها وإنت بتشتري كرسي مكتب جديد ومريح سواء كان مخصص للمذاكرة أو العمل وهتستخدمه في البيت أو في المكتب.

بنفكرك إنك ممكن تشتري كرسي المكتب من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وصورة إيصال مرافق وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

خلينا نوضح الأول فوائد اختيار كرسي مريح بشكل مفصل:

  • الكرسي المريح والمناسب بيمنع التعرض أو الشعور بأي ألم في الظهر والرقبة والكتف والرجلين.
  • الكرسي المريح بيوفر شعور أكبر بالراحة وبيقل معدلات الإجهاد والملل.
  • الكرسي المريح بيحافظ على توازن الدورة الدموية ونشاطها.
  • الكرسي المريح بيخليك مركز في شغلك أو مذاكرتك ومستمتع وإنت بتخلص اللي وراك.
  • الشعور بالراحة أثناء الجلوس بيعزز من إنتاجية الفرد وبيخلق بيئة أكثر إيجابية.

نصائح شراء كرسي مكتب مريح

وضعية الجلوس

وإنت تختار الكرسي اتأكد أن ساقيك مفرودين وواخدين زاوية 90 درجة مع الكرسي ويكون كف رجلك لامس الأرض بشكل مريح، وكمان لازم تكون قادر إنك تسند ضهرك على الكرسي وتكون زاوية الجلوس 90 درجة أيضًا.

مقاس الكرسي

شراء كرسي مكتب جديد كان ممكن تكون عملية سهلة لو كان طول ووزن كل الناس واحد، لكن كل فرد مختلف عن التاني، عشان كدا حاول تاخد بالك من حجم الكرسي ومدى ملائمته لوزنك وطولك عشان يريحك بشكل أكبر أثناء الجلوس، وكمان لازم تحدد حجم المكتب اللي هتشتري الكرسي عشانه ويكون الكرسي متوافق معاه.

تعديل الكرسي

يفضل إن الكرسي يكون ذو قابلية لتعديل ارتفاعه أو ارتفاع المسند ومسند الإيدين عشان تقدر تحركه وتغير وضعيته بشكل مناسب ليك أكتر.

المرونة

يفضل اختيار كرسي مرن بمعنى إنه يكوون مزود بعجل عشان لو حابب تتحرك أو تفصل أو تريح نفسك يبقى الميزة دي متوفرة وماتتعبش وتمل من الكرسي العادي الغير مزود بعجل، ويكون كمان قابلة للدوران والإمالة بحيث إنك تتحرك بحرية أكبر ومتبقاش متكتف.

خامات الصنع

الخامات المصنوع منها الكرسي مهمة جدًا يعني اعرف هي إيه عشان تقدر تحدد هي هتريحك ولا هتتعبك، وتأكد كمان إن الخامات دي مش هتحررك أو بمعنى أصح تخلي حرارة جسمك ترتفع.

الضمان

كرسي المكتب هيعيش معاك لفترة طويلة يعني أكيد مش هتروح تغيره كل سنة، عشان كدا يفضل إنه يكون جاي بضمان عشان لو حصل أي مشكلة تقدر تظبط الدنيا أو تلاقي حل.

السعر

السعر واحد من الحاجات المهمة جدًا اللي لازم تكون محددها قبل ما تنزل تشتري كرسي مكتب جديد عشان تعرف تختار بشكل أفضل وأسرع.

تقدر تشتري كرسي المكتب المناسب ليك من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

Leave a Reply

Your email address will not be published. Required fields are marked *